『喂喂…仲要揀幾耐先揀好丫?你都已經喺我個衣櫃入面揀左成個鐘架喇...』我望住著上粉藍色晚裝既Kelly,喺我衣櫃裏面揀下揀下...

點解今日Kelly會著到咁隆重?

因為今日就係冼Sir同Yuki結婚既大日子~

而Kelly做乜會喺我個衣櫃裏面揀下揀下?

因為幫我揀梗衫囉...





「緊係要細心D揀架啦!唔係點襯得起我喎~呢件好唔好呢?又好似唔係好襯條領帶...條領帶又好似唔係好襯我條裙...」Kelly拎起件恤衫...又拎起條紅色領帶...望下睇下...又擰擰頭咁...

『駛唔駛著到咁隆重丫?是是旦旦Tee加牛仔褲咪得囉~唔講仲以為係你結婚丫~』我冷眼望一望Kelly...

係囉...去飲姐...邊駛著到咁隆重架?

個個去飲都係便裝出席架啦~

而家又唔係去做兄弟姊妹~





「人地點著我唔理咁多啦~但我就覺得著得隆重D係對主人家一種尊重!所以你喺我身邊都唔可以咁求其!唔...呢條領帶又好似唔係好襯件褸咁...」Kelly仲係專注喺我D衣物上...

著得隆重D係對主人家一種尊重...

或者Kelly都講得岩既~

朋友邀請你出席佢既婚宴,我地都好應該著得四正D,著得得睇D~

花多D心機去裝扮一下~去配襯一下既~





「好啦~就咁襯法啦~」Kelly幫我揀左差唔多個半鐘之後,終於都揀好一套~

『哦哦...唔該晒喎...』我望一望岩岩俾Kelly放左喺床上既衫褲...

黑色既西裝褸...深藍色既恤衫...黑色暗格仔紋領帶...黑色西褲...

咁黑沈沈咁真係好咩?

係唔係真係好都唔係好大問題…

最大既問題係...

『你做乜仲坐喺道丫?』我冷眼望住坐左喺我張床上既Kelly...

「睇埋你著得好唔好睇丫嘛~唔好睇就可以立即再揀過~」Kelly仲要好理直氣壯咁講...





『你喺出面等住先,我一換完立即出黎俾你睇咪得囉...』俾你望住既話又點換得到丫...

「咁晒時間!一陣真係唔好睇既話,又要我行出行入咁麻煩!」Kelly仲係賴死唔走咁...

『有幾麻煩姐?』麻煩總好過俾你望住...

「好麻煩囉!咦?做乜丫?你唔係怕羞丫嘛?我地細細個既時候都成日一齊沖涼架啦~」Kelly古古惑惑咁望住我笑笑口...

『你都識講細細個既時候啦!咁而家大個喇嘛!講到自己咁唔知羞咁...而家又唔見你同我一齊沖涼?!又唔見你俾我睇住你換衫?!』識得話人又唔識得話自己!

「係你自己懶瞓到我換完衫化埋妝落埋黎鏟你都唔願起身咋嘛!」Kelly谷起塊面豬登...

『係喇係喇係喇…當我怕左你喇...你出返去先...我換好立即出黎俾你睇啦~』我拉一拉起Kelly...推一推佢出房門...





「好好好好好~怕羞仔~」Kelly翹住雙手行出房...

話我怕羞仔...我又真係唔覺得你會有幾唔怕羞囉?

唔通真係赤裸裸喺我面前都唔會面紅咩?

大家都大個咯...都再唔係小朋友...

男女有別...總係會對對方既身體...有D...有D尷尬之情架嘛…

點解好似咁老套咁既?

係咯...我做乜要諗到咁老套呢?

諗咁多又做乜呢?





反正都無咁既機會同Kelly玉帛相見架啦!

「快D丫快D丫快D丫快D丫快D丫快D丫快D丫快D丫...」Kelly一直喺門外嘈嘈嘈...

『得喇得喇得喇得喇得喇得喇得喇得喇得喇得喇得喇得喇…』都係唔好諗咁多…快快手手換好套衫好過...

「快D丫快D丫快D丫快D丫快D丫快D丫快D丫快D丫...」Kelly繼續喺門外嘈嘈嘈...

『得喇得喇得喇得喇得喇得喇得喇得喇得喇得喇得喇得喇…』我就一路答住佢一路換...

雖然話買到一櫃都係恤衫西褲,但平日真係好少會著...

平日唔係同Kelly一齊返學...就係同Kelly行街...邊有機會著先得架...





不過我又真係好鍾意呢種成熟既衣著...

一直都好鍾意...一直都好鍾意...

「快D丫快D丫快D丫快D丫快D丫快D丫快D丫快D丫...得未丫?!」Kelly仲係死唔斷氣咁...

『得喇得喇得喇得喇得喇得喇得喇得喇得喇得喇得喇得喇…而家咪換好囉!』我綁好條領帶之後,一手就打開道房門!

Kelly企定定喺房門前,翹住雙手咁打量左我一眼後:「嘿...嘿...哈哈哈~你睇下你條領帶綁到...好似小朋友扮大人咁~~~哈哈哈哈~~~」

Kelly仲要掩住個嘴仔笑到流眼水...

『咩...咩喎!係你係咁催催催催催催催催催到成個崔建邦咁我先打到條領帶咁核突咋嘛!』我解一解條領帶...

「唉~等我幫你喇~」Kelly捉一捉住我對手...

Kelly對手...嫩滑得黎又帶點溫暖...

Kelly幫我解開領帶...再細心咁幫我左翹一圈...右翹一圈...

我望住Kelly對眼...Kelly對眼...好溫柔...好體貼...好迷人...

我就眼定定...眼定定咁望住Kelly對眼...一直都被Kelly對眼吸引住...

Kelly幫我打完領帶之後,拍一拍我膊頭,評頭品足咁打量我幾眼:「搞掂~靚仔晒~」

靚仔晒?

真係靚仔晒?

Kelly真係覺得我靚仔嘛?

「我最鍾意都係著晒成套西裝既男仔~」Kelly好滿意咁點點頭...

最鍾意著晒成套西裝既男仔...

無錯喇...我之所以一直都咁鍾意成熟既衣著...係因為Kelly佢鍾意...

一直以黎...Kelly都好鍾意著恤衫西褲既男仔...

有次同佢去中環間Starbucks Hea梗之時,佢仲要一路?D西裝友,一路流晒口水咁!

佢仲要唔知羞咁話:「望住一個又一個著住西裝既男人,真係流到一地都係水...口水…」

咁而家既我...又會唔會令Kelly流到一地都係口水呢?

「喂喂~你又發乜鬼野呆呀?我幫你揀好埋皮鞋架喇!快D著埋佢睇下好唔好睇啦~」Kelly拉住我出去客廳...

『哦...哦...』

著埋Kelly幫我揀好嗰對皮鞋,拎好埋份禮物之後,我地都係時候出發。

我同Kelly決定搭地鐵~

地鐵好似準時D丫嘛~

不過呢...人多係另一個問題...

呢個時候,都有好多人放工...

成架車箱都係人…

我就一直都護住Kelly,唔好俾人撞到佢!唔好俾人壓埋去!唔好俾人抽佢水!

『喂喂喂睇住呀!喂喂喂你盲架!喂喂喂你個袋呀整到人喇!仲唔快D同人講返句對唔住?!』我就一路係咁鬧整到Kelly既街外人!

「對唔住囉...」

「放工係迫D架啦...」

「你估我想迫埋你道架咩?」

「唔想同人迫就唔好坐地鐵啦...」

「有本事就唔好依賴交通工具啦...」

『班人真係一D禮貌都無架喎!』仲話香港係禮貌之都...根本就已經俾蝗同化左!

「唔緊要啦~唔緊要啦~都好似平時咁咋嘛~無乜野丫~」Kelly就一於好少理咁...

係姐...咁人地唔想你俾人抽水丫嘛…

我低一低頭,望一望Kelly胸前...

Kelly頸上條純銀鑽石吊墜襯托下,顯得佢既肌膚真係好白...好滑咁...

胸前一對小饅頭仲要挺一挺起...

仲可以好清楚咁見到一條淺淺地既事業線...

Kelly既事業線…Kelly既事業線…

平時都好似唔係好為意...

原來...Kelly都谷到...谷到條事業線出黎...

我望下望下...睇下睇下...死啦...好似扯扯地添...

唔怪得我架喎...

我呢D青頭仔...十八歲人都無掂過女仔...係易扯D架啦...

死啦...大庭廣眾仲要喺Kelly面前扯旗...

會唔會太過變態呢?

一陣真係扯起上黎...隊到Kelly...俾Kelly發現...問起我:「你扯旗丫?」

真係柒到核爆!

唔得唔得...冷靜D先...唔好再望...唔好再望...冷靜D先...冷靜D先...唔好再望...唔好再望...

「喂喂~到站喇~落車喇~你仲呆左攬住碌柱做乜丫?行啦~」Kelly拉一拉我...

『哦...哦...』乜原來已經到站架喇?

好彩我條J都開始軟返姐...

落左車之後,Kelly都一直拖住我行...

平時我地都好少會拖住...所以...而家既我硬係覺得好似有D奇怪咁...

不過或者呢D都係國際禮儀黎既...

就好似之前洪永城同黃翠如咁咋嘛~

咪又係一樣好似我同Kelly而家咁拖住黎行~

佢地都話係無野架~

係囉~無野架~真係無野架咩?

有無野就只有佢地自己先知囉...

不過有陣時,可能連自己都唔知原來係有野...

就好似而家我同Kelly咁...係有野?定無野?

係我自己想有野?定係大家都想可以有D野?

同Kelly拖住手行下搖下,搖下又擺下咁,好快就行到黎酒店~

一行到去宴會廳門前,我地就見到一幅大油畫~

係冼Sir同Yuki既合照~

「嘩~好靚丫~」Kelly行到幅大油畫面前。

『嗯~真係好靚呢~』著住白色婚紗既Yuki就好似天使咁靚~

而著上禮服既冼Sir亦都相當俊俏~

真係天作之合~

我而家開始明白,點解女仔會鍾意D比較成熟既男人...

就咁睇呢幅冼Sir同Yuki既油畫就可以感受到...咩叫做安全感...

一個柔弱既天使...喺一個成熟穩重既男人既懷抱之中...

天使可以好放心咁...交晒成個人...俾呢個男人...

呢種畫面...呢種感覺...係同年紀之中既男仔...無可能俾得到...

更唔好話好似我呢D細Yuki一年既師弟...

「喂喂~唔好發呆住喇~快D黎簽個名先啦~」Kelly拉一拉我,拉我埋去簽名。

『哦...哦...』

同Kelly一齊簽返個靚名之後...

「Kelly~Ivan~你地黎左喇~」著住白色婚紗既Yuki好開心咁行左埋黎我地面前~

「Yuki~」Kelly忍唔住立即攬住左Yuki,「你今日好靚丫~~~」

無錯...Yuki真係好靚...

著上白色婚紗既Yuki...

「你今日都好靚丫~多謝你地盛裝出席我同Thomas既結婚晚宴呢~」擁抱過後,Yuki捉住Kelly對手搖下搖下~

『恭喜晒丫~呢份係我同Kelly既小小心意,希望你地會鍾意~』我將我同Kelly揀既禮物交到Yuki手中~

「係丫係丫~我地揀左好耐架喇~希望你...」Kelly喺Yuki耳邊細細聲講...

「哈哈哈~你好衰丫~~~」Yuki突然怕怕羞羞咁笑起上黎~

「嘻嘻嘻~你唔衰衰既~~~」Kelly又笑得衰衰咁...

佢兩個究竟講梗乜呢?

「Ivan~Kelly~好多謝你地出席我同Yuki既結婚晚宴~」冼Sir亦都行到埋黎我地面前~

『好耐無見喇~冼Sir~』我都好自然咁同冼Sir打個招呼~

「係丫~真係好耐無見喇~」Kelly亦都好有禮貌咁同冼Sir點點頭~

「嗯嗯~好耐無見~你地兩個都大個左好多喇~」不過冼Sir就好似有D尷尬咁~

係因為我地係佢既學生既關係?

係因為我地同時係Yuki既師弟妹既關係?

對我同Kelly黎講,我地之間既身份同關係,或者都真係有D尷尬既...

但對冼Sir同Yuki黎句,佢地都一齊左咁耐喇,應該都衝破左呢種心理關口~

唔係既話,又點結得成婚~

咁冼Sir而家既尷尬之情,又係為左D乜呢?

「我地不如影下相先咯~」Yuki捉住左我同Kelly~

「好丫好丫~~~影靚相~影靚相~」Kelly好雀躍咁同Yuki彈下跳下走上台~

望住兩個既活潑...又迷人既背影...

「我地都上去咯~」冼Sir引一引領我~

『嗯嗯~好丫~』

或者只係我既錯覺...

或者只係因為我仲記住中學時嗰D傳聞...所以先會覺得冼Sir仲有D尷尬之情...

真正尷尬既…應該係我...

同一對新人影下相,又談下往事,又傾下近況咁~

Yuki一直都展露住幸福既笑容~

有好多人都話,結婚既女人係最美麗~

無錯~係因為結婚既女人身上總係散發住幸福既氣息~

就好似話俾所有人聽:「我搵到喇~我喺呢個世界上搵到我命中注定既另一半喇~」

而對Yuki黎講,喺咁年輕既時候就可以搵到命中注定既另一半,可以話係呢個世界上最幸福既女人呢~

而係Kelly眼裏,總係存在住羨慕既神息~

「你就好啦~咁快搵到~」Kelly好戥Yuki高興~

「或者你嗰個一早就已經出現左呢~」Yuki望一望過黎...

Kelly望左我一眼:「算罷啦~~~」

算咩罷丫...

Kelly算係乜野意思丫…

家陣我好失禮你咩...

你咁既眼神算係點丫...

「有時又好難講既...」Yuki係Kelly耳邊細細聲講...

「咦~你真係好衰丫~」Kelly尷尷尬尬笑笑口咁...

「嘻嘻嘻...咁真係架嘛~仲唔止咁添丫...」Yuki又係Kelly耳邊細細聲講...

「真係架?」Kelly又尷尷尬尬笑笑口咁問...

「真係架~仲有仲有…」Yuki又再係Kelly耳邊細細聲講...

「我都...」Kelly又喺Yuki耳邊細細聲講...

佢地兩個就細細聲講,大大聲笑咁...

睇黎女仔就係咁...

就算係結婚既女仔都係咁鍾意細細聲講,大大聲笑...

就好似中學時代仲未成熟既學生妹咁...

我就一於好少理佢地~行去拎起杯紅酒飲下~扮下大人~

我知道俾Kelly見到既話,佢一定會咁話我~

橫視一下四周...

原來都有唔少中學既同學黎左~

有唔少既係以前高我地一級既師兄師姐~

應該係Yuki既同學朋友~

都唔出奇既~

Yuki係中學時代既校花~

差唔多成間學校都識佢~而且相識滿天下~

有咁多師兄師姐出席都好理所當然丫~

講開又講...唔知當中會唔會有D係曾經暗戀過...追求過...甚至同過Yuki拍過拖架呢?

如果有...又會係乜野心情呢?

究竟出席舊愛既婚禮,會係乜野感覺呢?

不能回頭...多年前早明言不能回頭?

定係你邀我舉杯我只能回敬我的崩潰?

唔知道...好難明白...亦難以感受得到...

呢D咁戲劇性既情節,現實裏好少機會發生既~

唔通真係想過搶新娘,我差點講真咩?!

除左D師兄師姐之外,我仲見到以前隔離班既Cyrus啦~我地班既Nikki啦~Gary啦~仲有佢女朋友阿雪添~

望住阿雪翹住Gary手臂...我又真係估唔到...佢地仲會喺埋一齊梗...

唔係…

我應該話...估唔到佢地會喺埋一齊...

我仲記得當Gary同阿雪喺埋一齊既消息傳遍整間學校時,佢地令我白白輸左五舊水...

我真係到死嗰一刻都唔會忘記,我買重佢地唔會喺埋一齊架嘛!又點估得到女神真係會揀條毒撚先得架?!

唉...不過...嗰陣時輸既又點止我一個...

聽聞除左Cyrus同阿雪嗰班之外,其他人都輸到仆晒街...

起初我地都以為係做市!打假波!

但到左而家,都無可能唔信...

而且仲要可以一齊到咁耐...

真係高登甜故都無咁離地既劇情...

「喂~Ivan~好耐無見喇~」Gary同阿雪向住我揮揮手,行埋黎。

「喂~大家都好耐無見喇喎~」Nikki都向我地揮揮手,行過黎。

「今晚真係好齊人呢~」Cyrus亦都拎住杯紅酒行過黎。

『係咯~大家都盛裝出席,十足十Grad Din嗰晚咁呢~』真係好難得咁齊人~

「哈哈哈~又真係Grad Din咁喎~」

「係囉~自Grad Din之後,大家都無約過出黎聚一聚啦~」

『估唔到再聚既時候,就係參加冼Sir同Yuki既婚宴~』

「係囉~估唔到冼Sir同Yuki真係結婚喎~」

「而且仲好恩愛添~」

「好羨慕呢~」

「咁你地兩個快D結婚啦~」

「佢丫?仲未嫁得過囉~」

「家下我好失禮你丫?」

「呢幾年你都仲係成個小朋友咁~」

「你唔係鍾意我夠小朋友咩?」

「我都係鍾意D成熟D既男人囉~」

「好似Yuki咁鍾意冼Sir呢類成熟穩重型?」

「仲要有少少Cool Cool地咁啦~」

「我仲唔夠Cool丫?」

「你呢D叫做毒!」

「你個Cyrus又好得我好多咩?」

「我呢D無雀既腳仔,你識條鐵咩?!」

「哈哈哈哈~~~」

大家都仲好似個小朋友咁...大家都仲好似唔得大咁...

或者我地都仲係年輕...

或者我地仲要多D時間...

或者我地仲要多D時間先可以同到命中注定既愛侶一齊...

命中注定既愛侶...

我望一望返去Kelly嗰邊...

我發現喺冼Sir、Yuki、Kelly身邊...多左兩個人...

多左一男一女...

個男既我就唔認識...

但個女既...

呢個好似雅典娜一樣咁高貴典雅既女仔係...

係Miss Kwok…

著上淺紫色晚裝既Miss Kwok格外有氣質...

而當Yuki、Kelly加上Miss Kwok企埋一齊之後,簡直係艷壓群芳!

好美...好優美...

我不禁拎出手機...將呢個難能可貴既畫面捕捉落黎!

當然...我既女主角唔係Yuki...亦唔係Miss Kwok…

係一直喺我身邊...一直喺我心中...一直陪伴我既Kelly啦~

Kelly真係好靚好靚...

一直以黎...我都覺得Kelly好靚...

但呢句說話...一直都只可以喺我心中...絕對係不能說的秘密...

點解呢?點解明明就係覺得Kelly靚,但點解總係有口難言咁架呢?

我都唔知...我都真係唔知...

或者係時候唔岩...

或者係場地唔岩...

或者要等到一個適合既時候...適合既場地...先可以將深心深處既心底話講出黎...