《情困之時，我遇上了自稱情性的情聖》: [Case 06－青梅竹馬] PART 07
同一大班舊同學把酒言歡，言無不盡...
「請各位親友黎到台前，一齊見證呢對新人宣誓成為合法既夫婦～」一位男MC開一開咪。
在場各親友都行到去台前...
阿雪好冧咁翹住Gary...
而Kelly亦都翹住左我...
身邊仲有好多一雙一對既情侶，又或者夫婦都翹住對方...拖住對方行到去台前...
「嗱～而家有咁多親友做證之下，你地都要講出真心話架喇～」律師搞下氣氛～
「哈哈～」在場既親友都笑起上黎～
估唔到，原來而家既律師都幾風趣架喎～
而台上既冼Sir同Yuki都緊緊張張咁笑笑口～
「喺簽紙作實之前，兩位就先講講誓詞先～等自己有定心理準備～簽個名時都無咁手震丫嘛～新郎哥先呢～」律師交一交支咪俾冼Sir～
冼Sir同Yuki都尷尷尬尬咁笑笑口企起身～
睇黎佢地兩個都好緊張呢～
都係既～人生大事嘛～係緊張D架啦～
係估唔到冼Sir平日都習慣對住一大班人，一大班學生，都有怯場既時候姐～
「我...走音添～有D緊張～咳...咳...我請在場各人見證，我冼灝君願以你文雪凝為我合法妻子。以後無論係富或貧、順或逆境、生老病死、食粥食飯、你變到成個大肥婆又或者好多靚女喺我身邊出現都好，我都係咁愛你...一直愛你...一直都好似初相識咁咁深深愛著你一個...只愛你一個...海枯石爛～矢志不渝～直到永遠～」冼Sir情深深咁望到Yuki實一實～
好冧丫～～～
真係唔好話女仔聽到，就連男仔聽到都覺得冧死～
而身邊既Kelly都好肉緊咁翹一翹實我隻手臂～
我偷偷望一望Kelly個樣...
Kelly肉緊到咬晒唇咁～
其實都唔止係Kelly～
身邊既阿雪都係睇到雙眼發光咁～
就好似D小妹妹聽到白雪公主俾白馬王子錫到醒左咁～
或者呢D就係女仔由細到大所憧憬既幸福啦～
不過講起上黎又奇怪...
在場既女仔個個都好似沈醉於真愛既幸福之中，就除左一個...
除左Miss Kwok…
翹住男朋友（我估係男朋友）既Miss Kwok唔係話無幸福既感覺...
而係...
喺幸福既笑意之中...好似帶住點點...點點...遺憾？！
點解我會覺得係遺憾架呢？
而呢種遺憾既神色又好似...有D熟口熟面咁...
喺邊道遇過呢？
好似…好似係…
係喇！
上次搵情性既時候，嗰個著住黑色西裝褸、白色恤衫、黑色領帶、黑色西褲、黑色皮鞋、梳左個拍蠔All Back既男人！
就係嗰個成熟得黎帶點屈機...屈機得黎帶點柔情...柔情得黎帶點奔放...奔放得黎帶點憂鬱既男人...
而家眼前Miss Kwok既神色，正正就係帶住嗰個男人既氣息！
但點解...點解Miss Kwok而家會帶住呢種神色喺面上架呢？
「我請在場各人見證，我文雪凝願以你冼灝君為我合法丈夫。以後無論係富或貧、順或逆境、生老病死、食粥食飯、你變到成個光頭大肥佬又或者好多型男喺我身邊出現都好，我都係咁愛你...一直愛你...一直都好似初相識咁咁深深愛著你一個...只愛你一個...海枯石爛～矢志不渝～直到永遠～」Yuki塊面紅到好似個紅蘋果咁～
把聲仲要甜過蜜蜂糖～
真係好可愛呢～～～
睇到冼Sir同Yuki可以咁幸福快樂，真心有D葡萄呀～～～
如果你話我同Kelly都可以有咁既一日，你話幾好呢～～～
我同Kelly？
十畫都未有一點....講撚咩...
「雙方讀完誓詞之後，都有晒心理準備喇嘛？」律師向冼Sir同Yuki打左個眼色～
「嗯～」冼Sir同Yuki都怕怕羞羞咁點點頭～
「好喇～咁請相方喺在場各人及我既見證下簽紙作實～」律師為冼Sir同Yuki打開婚姻證書。
冼Sir同Yuki都拎起支白色既羽毛筆，喺證書上大筆一揮～
律師證實冼Sir同Yuki已經簽好名後：「恭喜晒兩位，你地已經成為合法既夫婦喇～」
在場既各親友都拍手祝賀～
“啪啪啪啪啪啪啪啪啪啪啪啪啪啪”聲此起彼落～
當然夾雜喺“啪啪啪啪啪啪啪啪啪啪啪啪啪”聲之中，又點少得：「嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！」
我諗我地一大班學生，不論係邊個年級都好，都等左呢個機會好耐～
等左可以親眼見到冼Sir錫Yuki既機會～
老老柒柒，我地傳聞就聽得多～FF又FF夠喇～係時候黎返個真人Show喇掛～
「嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！嘴佢！」一大把死小孩既聲音叫過不停～
台上既冼Sir同Yuki都係怕怕羞羞咁既樣～
而Yuki塊面仲要比起之前更加紅～
「徇眾要求～你唔係唔嘴呀化？」律師再推多一把～
呢個律師真係識做～
識得請就緊係請呢D啦～
而台上既冼Sir就怕怕羞羞咁捉一捉實Yuki對手～
Yuki又怕怕羞羞咁望住冼Sir～
冼Sir塊面開始靠近Yuki～
Yuki亦都開始慢慢合埋對眼～對腳蹬一蹬起～
「嘴佢！嘴佢！嘴佢！嘴佢！嘴佢！嘴佢！嘴佢！WOW～YEAH！」當冼Sir同Yuki接吻既一剎那，我地都已經忍唔住要高呼起黎～
終於都俾我地親眼見到～～～俾我地親眼見到冼Sir同Yuki親熱～～～
真係勁冧呢～
睇住Yuki擺下擺下個人仔～
又睇住冼Sir捉實Yuki對手搖下搖下咁～
唔好話D女仔見到，就連我地一班男仔見到都覺得冧到核爆～
望住冼Sir同Yuki情深一吻好一陣子～
當佢地錫完之後，Yuki仲要怕怕羞羞咁咬一咬唇望住佢老公冼Sir～
而冼Sir一對柔情蜜意既目光望住佢老婆Yuki實一實，真係羨煞旁人～
冼Sir同Yuki呢個婚禮，可以話係我見過咁多個婚禮之中，最感人～最動人～最浪漫～最溫馨～最窩心～最熱情～最美滿～最幸福～最有愛既一個婚禮～（雖然我都只係參加過四、五次婚禮咁大把...）
而我覺得，就只有真心相愛既戀人，先可以令婚禮中既賓客感受到整個空間充滿住甜蜜既愛意～
冼Sir同Yuki呢一對，真係天作之合呢～
我亦都相信，佢地一定可以恩恩愛愛～白頭偕老～永結同心～
見證完冼Sir同Yuki正式成為合法夫妻，又可以得償所望咁親眼見到佢地親熱後，各親友都坐到埋自己應該坐既位置～
Kelly當然就坐喺我身邊啦～
而我地身處嗰檯，全部都係我地中學時同班又或者係同級既同學～
呢種感覺真係好親切，又好久違了～
時間真係過得好快～
DSE完左之後，大家都各有各自己既路要行～
有D去左唔同既大學～有D去左唔同既學系～
除左話可以成日同Kelly出雙入對之外，其他既同學，同班定係唔同班既都好，就真係無見過～
中學既生涯喔～
仲享受梗既你，可能唔覺得有乜咁特別～
但錯過左既你，應該就好清楚係乜野滋味～
中學生涯，一生人就只係得嗰六年～
好彩D俾你留多幾年級，都可能九年～
過左之後，就無機會再一大班人著住套校服，嘻嘻哈哈be le ba la～
喺球場上打下波～喺街上互閹春袋～揭下女同學條校裙～
如果話中學時無拍過拖既話，就更加悲哀～
可以話直頭係人生一大遺憾～
中學既時候...無拍過拖...
講開又講...我都未試過喺中學生涯談戀愛...
最多都係…同Kelly俾人傳係一對...
一直都俾全世界傳我同Kelly係一對...
燈光都開始變暗，就只有台上最光最亮～
一個好似阿Bob咁既MC，就係台上介紹下冼Sir同Yuki～
「識佢地都知，佢地係師生關係～但佢地無因為師生既力場，阻礙到佢地相愛喎！因為真心相愛既，係無懼世事變改，還是越難越愛架嘛！」阿Bob仲要毫不諱言咁講出冼Sir同Yuki係師生關係添～
岩既～如果係真心相愛既話，駛乜理人點諗姐？
駛乜理世俗既眼光咁多姐？
兩個人一齊，係兩個人既事～
你咁多事理人咁多做乜姐？
唔好只係識得葡萄人～理下自己好過啦～
「好喇我諗大家都好心急等梗食翅架喇～咁我都唔浪費大家太多時間～呢個時候立即播冼Sir同Yuki既成長回憶片段俾大家睇～睇完就有翅食架喇～」阿Bob退一退開，場內所有既燈光都熄晒～
而家就只有台上既大銀幕最光最亮～
喺“River Flows in You”既伴奏之下，一張又一張相片飛出黎～
有冼Sir細個時候既相啦～又有Yuki細個時候既相啦～
原來冼Sir細個既時候都幾毒架喎～
而Yuki呢？Yuki細細個就已經好似個公主咁靚～
一張又一張～由細個到大個～
當然就唔少得到左Yuki上到中學～冼Sir去左我地間學校道教啦～
而更加唔可以缺少既，就緊係冼Sir同Yuki喺學校裏面出現過既合照啦～
我地而家睇返D相先知，原來喺Yuki初中既時候，即係冼Sir岩岩入黎我地學校教書無耐，Yuki望住冼Sir既眼神已經充滿住傾慕之情～
再過多一、兩年相中既Yuki，望住冼Sir時既眼神直頭係充滿住愛慕之情～
睇黎Yuki喺好細個既時候，就已經愛上左冼Sir喇喎～
而跟住既，已經係Yuki升上高中，同冼Sir合照時有D尷尬既相片～
睇住相中既佢地兩個都面紅紅，又唔係好敢望對方咁，呢段應該係冼Sir同Yuki開始梗地下情既時期～
再之後既已經係冼Sir離開左學校～同Yuki光明正大咁去旅行～
拖到實一實影既又有～攬到實一實影既又有～
「WOW！！！！！」當Show到一張係冼Sir同Yuki情深一吻既時候，在場既親友又忍唔住高呼起黎～
「真係好甜蜜～好溫馨呢～」Kelly雙手合十，一面陶醉咁～
『嗯～真係好甜蜜～好溫馨～』我諗...我地每個人最終想得到既，就係好似冼Sir同Yuki咁既結局～
一個有情人幸福美滿地終成眷屬既結局～
「好喇～睇完咁甜蜜溫馨既成長回憶片段後，我地以熱烈既掌聲，有請一對新人進場～」阿Bob一路拍掌～
“啪 啪 啪 啪 啪 啪 啪 啪 啪 啪 啪 啪 啪”在場既親友亦一路拍掌之下，冼Sir同Yuki一步一步咁步上台上～
「新郎哥講返幾句先呢～」阿Bob交一交支咪俾冼Sir～
「丫...容許我老套D咁講...首先要多謝外父外母，多謝你地肯嫁個女俾我～我應承過你地我一定會對Yuki好好，好愛佢，好錫佢～好好照顧佢～我一定會做得到！老婆～我都會一直咁愛你～一直咁錫你～一直咁寵你～我好愛你丫老婆～」冼Sir攬住左Yuki黎錫～
「WOW！！！！！」我地當然又忍唔住要高呼一下啦～
「好老套～但真誠～咁新娘子又講返幾句呢～」阿Bob交一交支咪俾Yuki～
「ER…嘻～都仲係好緊張～唔...多謝老爺奶奶教導Thomas成為一個好好男人～爸爸媽媽唔駛擔心我～Thomas一直都對我好好～好錫我～好照顧我～好寵我～寵到我壞晒添啦～所以真係唔駛擔心我～我真係好幸福～老公～我細細個就已經愛上左你～人越大，就越愛你～我一直都好期望可以成為你既女人～今日...終於都夢想成真～可以成為你既老婆～你要一直寵我落去架～唔可以反悔架～我愛死你喇老公～」Yuki箍實冼Sir條頸，蹬一蹬起個人，放任咁同冼Sir錫起上黎～
「WOW！！！！！」成個場既親友都大叫起黎～
真係好恩愛～
而且夠晒感人～
一對可以完全打破世俗眼光、打破傳統觀念、打破不知所謂既道德枷鎖既戀人，精誠所至，金石為開～
真係勁過一拳超人～
呢個先係現今既時代～
呢個先係真正既新時代開端！
我相信好快唔止係師生，就算係兄妹姊弟，都可以光明正大、合情、合理、合法咁結為夫婦！
聽完冼Sir同Yuki甜到入心既情深說話，睇完佢地切埋個結婚蛋膠之後～
「我地一齊祝呢對新人白頭到老～永結同心～最重要係年生貴子～Cheers～～～」阿Bob帶領住在場既親友舉杯暢飲～
我地嗰檯成檯都小朋友扮大人咁，拎起杯紅酒一飲而盡～
酒喔～其實空肚飲咁多酒，真係好易醉～
真係唔係講笑，餸菜都未上，就已經好似醉醉地咁...
睇黎等陣都係唔好飲咁多…
我偷偷望一望身邊既Kelly，佢好似仲好陶醉咁...
係人醉？定抑或心醉呢？
我就覺得係心醉既多喇～
無錯喇～自從知道Yuki要嫁俾冼Sir之後，Kelly一直都係處於呢種心醉既狀態～
總係好似俾愛情浸死左咁...
應該話好似好想俾愛情浸死咁～
River Flows in You～或者就係咁既意思～
「好喇～請左一對新人就座之後，今晚既晚宴都要正式開始喇～等左好耐喇嘛？係嘛？好喇～咁我地就上乳豬～」阿Bob都急急腳咁走落台～
“故事含道理 得意又笑死
無話沉悶打喊露呀打大脾氣
麥兜出戲仲有詩意仲有豬腩肉
仲有最靚嘅豬腩肉
仲有最靚嘅豬腩肉
仲有最靚嘅豬腩肉
仲有最靚嘅豬腩肉
故事唔錯 包你話笑死
顧住同伴睇到話要搣你大脾
仲會使你發現生命快樂與美麗”
一碟碟乳豬就由輕鬆調皮既歌音伴奏下，送到我地各位檯面上～
「好冧丫～～～真係冧死人啦～～～同一個成熟既男人結婚原來真係可以咁冧架～我都要搵返個大個D既先得～～～」坐喺對面既Nikki流晒口水咁...
「你Facebook都有好多成熟既男人同你影親密照架啦～」坐喺Nikki身邊既Cyrus冷眼望一望Nikki～
「嗰D係朋友Only！OK？！」Nikki好似唔係好順氣咁～
「噢～Sor9y～係兵先岩～條女很清楚收兵好過嫁人～」Cyrus繼續單打下Nikki～
「你唔抵得人地個個都成熟過你呀？」Nikki咬牙切齒咁啤住Cyrus～
「車～我做乜要唔抵得姐～」Cyrus無Nikki咁好氣咁～
「不過又唔係咁講丫～成熟既男人...真係吸引D...」坐喺Gary身邊既阿雪諗下諗下...
「我都可以好成熟架！」Gary好大反應咁～
「你仲差好遠囉...」阿雪毫不留情咁擰擰頭～
Gary扁扁地嘴咁唔出聲～
「就係你呢一點都已經睇得出你唔成熟啦～」阿雪篤一篤Gary塊面～
「你成日都話我唔成熟唔成熟...咁點先叫成熟呢？」Gary越黎越似一個小朋友～
「唔...就好似冼Sir咁～總係有一種...會保護Yuki～會愛護Yuki～又會好寵Yuki～唔...又係情人...又係老公...又係爸爸咁囉～」阿雪望住冼Sir諗下諗下～
「係丫係丫～你都有咁既感覺丫？」Kelly好雀躍咁...
「我都有丫～我都有丫～」Nikki亦都好雀躍咁，「就好似你想去亂衝亂撞，佢會喺你身後睇住你～到你撞傷碰傷，佢又會行到埋你身邊照顧你～當你感到害怕既時候，佢又會企喺你面前，為你遮風擋雨咁～」
「係丫係丫～就係呢種感覺喇～」
「無錯喇無錯喇～我都係鍾意呢種感覺架～」
幾個女仔你一言，我一語咁講過不停...
成熟？穩重？安全感？
其實對我地呢D男仔黎講真係好抽象...
或者我地而家真係唔會明...
或者就只有小女孩先會感覺到...
或者要到我地有多D經歷...面上有多幾條皺紋...頭上多幾條白頭髮，我地先會變得成熟穩重有安全感～
「除左冼Sir之外，Miss Kwok既未婚夫都好Man丫～」Kelly雙眼發光咁望住坐喺Miss Kwok身邊既男人...
『哦？Miss Kwok都就快結婚架喇？』我有D驚訝！又有D失落...
「係丫～頭先聽Miss Kwok講，佢同佢男朋友都會喺今年年尾結婚～頭先你又唔過黎一齊傾喎～佢男朋友Chris真係好溫柔又好細心架～」Kelly雙眼仲係發晒光咁望到Miss Kwok既未婚夫實一實...
就係好彩無過到去姐...
其實我見到Miss Kwok既時候，都真係有D尷尬...
點解會咁尷尬？
講起上黎都要講返起Miss Kwok黎我地學校實習嗰一年喇...
Miss Kwok黎實習嗰一年，真係一個超級靚靚姐姐～（我唔係話而家Miss Kwok唔靚，而家既Miss Kwok都係超級靚！）
當年有好多男同學都好鍾意Miss Kwok～
當然我都唔例外啦～
我仲鍾意到...鍾意到有一排...有一段好長既時間...喺學校...見完Miss Kwok之後...都忍唔住...忍唔住入去廁所...打個丁...
唔好話我變態呀！我知道有好多男同學都有咁做！
佢地唔係上上下Miss Kwok堂就走左入廁所解決，就係小息既時候同Miss Kwok傾完計之後走入廁所解決！
因為Miss Kwok真係太靚...身材又好...對腳又好丁...
嗰陣時我仲有偷偷影左好多Miss Kwok既美腿相，走入廁所對住黎丁...
唔單止我...嗰陣時班男生仲開左個Miss Kwok丁圖Group，開心Share Miss Kwok D丁圖添！
而家諗返起，都真係扯扯地...
不過中學的事中學了，年少輕狂既日子都過左去喇～（雖然我而家久唔久都會拎返Miss Kwok D相出黎回味一下...）
「識得揀緊係揀個好似冼Sir又或者係Miss Kwok個未婚夫咁既男人啦～」Kelly仲係陶醉喺嗰兩個男人之中...
『可惜丫～佢地兩個都已經名草有主～你地都係死左條心去啦～』我潑一潑Kelly冷水～
「車！咁呢個世界上仲有好多好多成熟穩重有安全感既男人架嘛！」Kelly一啖飲晒成杯紅酒，面紅紅咁谷起塊面豬登...
「係咯係咯～咁你地兩個又幾時先肯喺埋一齊丫～」Nikki、Cyrus、Gary、阿雪仲有坐喺我地呢位檯既舊同學都指住我同Kelly...
「我鍾意陽光型運動型感性型開朗型活潑型總之唔係蕭錦民個臭八公型～」
『我鍾意陽光型運動型性感型開朗型活潑型總之唔係張嘉靖個臭八婆型！』