Chris好專心咁揸架車黎到酒店~

泊好架車之後,我就翹住Chris手臂,行到去宴會廳門前。

一行到黎宴會廳門前,我同Chris就見到一幅大油畫~

係冼Sir同Yuki既合照呢~

「好登對既一對~」Chris帶住我,行到幅大油畫面前。



『嗯~真係好登對呢~』我望住畫中著住白色婚紗既Yuki,同著住晚禮服既冼Sir,總有一種...成熟既男人保護一位柔弱既小女孩一樣~

「新娘子化上濃妝睇起上黎都仲有D稚氣呢~」Chris帶住微笑打量一下相中既Yuki。

『嗯~最青澀既新娘子呢~』好似Yuki呢種年紀穿上婚紗,先顯得婚姻係純潔架呢~

「嗯~就好似...唔需要飽經風霜,就已經遇上真命天子呢~你話係唔係丫?」Chris柔情蜜意咁望住我...

『嗯...嗯~』我向Chris回以一個微笑...



唔需要飽經風霜...就已經遇上真命天子...

最怕既係...縱使飽經風霜,到最後都要與真命天子擦身而過呢...

同Chris簽返個名,放低人情,我地就行到入宴會廳~

當我同Chris一行入宴會廳之時,我就已經見到一對主角同梗...同梗我地既舊生Kelly傾梗計~

「Miss Kwok~黎左喇?」冼Sir一見到我,就同我揮一揮手~



『嗯~恭喜晒你地丫~Yuki你今日真係好靚呢~』我打量住著上白色婚紗既Yuki~

Yuki真係十足十一個天使咁丫~

「多謝Miss Kwok~你都好靚丫~」Yuki捉一捉住我對手~向我顯露幸福既笑容~

『點都唔夠你靚啦~幸福既女人係最靚架嘛~丫~同你地介紹先~呢個係我未婚夫Chris~呢個係今晚既男主角冼Sir~呢個係今晚既女主角Yuki~仲有呢個係我地既舊生Kelly~』我雙手搭一搭住著上粉藍色晚裝既Kelly~

「你地好~你地好~」

「多謝你出席我地既結婚晚宴~」

「我有幸黎到參與,係我既福氣~」

「Miss Kwok既未婚夫好有風度丫~」



『咁你個Ivan呢?』

「佢喺嗰邊丫~唔係我既Ivan呀!!!」

「遲早都係架啦~」

「唔會唔會~點都唔會~」

「唔係丫~Ivan佢都幾好仔丫~你地又係青梅竹馬一齊成長既一對~」

『係咯~睇佢對你都幾好丫~』

「嗰個男仔?睇起上黎都係正經既男仔黎~」



「係咯~要得過架~」

「佢丫?!點都好唔過你既老公冼Sir同Miss Kwok既未婚夫Chris架啦...」

同一對新人有傾有講,又同下班舊生問下近況~

「請各位親友黎到台前,一齊見證呢對新人宣誓成為合法既夫婦~」一位男MC開一開咪。

在場既各親友都行到去台前...

我都翹住Chris,行到去人群之間...

「嗱~而家有咁多親友做證之下,你地都要講出真心話架喇~」律師搞下氣氛~

「哈哈~」在場既親友都笑起上黎~



而家既律師都幾有趣架喎~

我記得我同Chris去搵律師既時候,個律師同我地會面之時,已經好唔正經~

而台上既冼Sir同Yuki都緊緊張張咁笑笑口~

「喺簽紙作實之前,兩位就先講講誓詞先~等自己有定心理準備~簽個名時都無咁手震丫嘛~新郎哥先呢~」律師交一交支咪俾冼Sir~

冼Sir同Yuki都尷尷尬尬咁笑笑口企起身~

睇黎佢地兩個都好緊張呢~

唔知道...到我同Chris結婚嗰日...又會唔會咁緊張呢?



「我...走音添~有D緊張~咳...咳...我請在場各人見證,我冼灝君願以你文雪凝為我合法妻子。以後無論係富或貧、順或逆境、生老病死、食粥食飯、你變到成個大肥婆又或者好多靚女喺我身邊出現都好,我都係咁愛你...一直愛你...一直都好似初相識咁咁深深愛著你一個...只愛你一個...海枯石爛~矢志不渝~直到永遠~」冼Sir情深深咁望到Yuki實一實...

聽到冼Sir對住Yuki講出呢番說話之時...我總係覺得...覺得...

假如係由自己最愛既人,對住自己講出口,一定好感動...好幸福...

但如果唔係呢?

如果唔係最愛呢?

會唔會...有點...遺憾呢?

「我請在場各人見證,我文雪凝願以你冼灝君為我合法丈夫。以後無論係富或貧、順或逆境、生老病死、食粥食飯、你變到成個光頭大肥佬又或者好多型男喺我身邊出現都好,我都係咁愛你...一直愛你...一直都好似初相識咁咁深深愛著你一個...只愛你一個...海枯石爛~矢志不渝~直到永遠~」Yuki塊面紅到好似個紅蘋果咁~

Yuki呢個小妹妹~都就快成為人地老婆喇~都仲係充滿稚氣~

不過又難怪既~始終Yuki都仲係細~

唔需要花上太多既時間...心血...就可以遇上命中注定既人...

最重要既係可以互相捉緊...

真係好幸福呢~

「雙方讀完誓詞之後,都有晒心理準備喇嘛?」律師向冼Sir同Yuki打左個眼色~

「嗯~」冼Sir同Yuki都怕怕羞羞咁點點頭~

「好喇~咁請相方喺在場各人及我既見證下簽紙作實~」律師為冼Sir同Yuki打開婚姻證書。

冼Sir同Yuki都拎起支白色既羽毛筆,喺證書上大筆一揮~

律師證實冼Sir同Yuki已經簽好名後:「恭喜晒兩位,你地已經成為合法既夫婦喇~」

在場既各親友都拍手祝賀~

“啪啪啪啪啪啪啪啪啪啪啪啪啪啪”聲此起彼落~

當然夾雜喺“啪啪啪啪啪啪啪啪啪啪啪啪啪”聲之中,又點少得:「嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!」

「嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!嘴佢!」一大班舊生叫過不停~

『呢班衰仔衰女真係丫~』我不禁笑一笑佢地~

「真係好熱鬧呢~」Chris捉一捉實我隻手...

台上既冼Sir同Yuki都係怕怕羞羞咁既樣~

而Yuki塊面仲要比起之前更加紅~

「徇眾要求~你唔係唔嘴呀化?」律師再推多一把~

而台上既冼Sir就怕怕羞羞咁捉一捉實Yuki對手~

Yuki又怕怕羞羞咁望住冼Sir~

冼Sir塊面開始靠近Yuki~

Yuki亦都開始慢慢合埋對眼~對腳蹬一蹬起~

「嘴佢!嘴佢!嘴佢!嘴佢!嘴佢!嘴佢!嘴佢!WOW~YEAH!」當冼Sir同Yuki接吻既一剎那,班仔仔女女就高呼起黎~

望住冼Sir同Yuki情深一吻好一陣子~

當佢地錫完之後,Yuki仲要怕怕羞羞咁咬一咬唇,望住佢老公冼Sir~

而冼Sir一對柔情既目光望住佢老婆Yuki實一實,真係...Yuki真係最幸福既女人呢~

唔知道...唔知道當我同Chris結婚當日...我...我又可唔可以...可唔可以咁幸福呢?

見證完冼Sir同Yuki正式成為合法夫妻,大家都坐到埋自己應該坐既位置。

『佢地真係好恩愛~好幸福呢~』我拎起杯紅酒,飲一口...

「結婚嘛~結婚係恩愛D~幸福D~好快我地都會好似佢地咁,咁恩愛~咁幸福~」Chris將所有注意力都放到喺我身上...

『嗯...』我唔敢多言...只係輕輕咁點一點頭...

因為我真係聯想唔到...聯想唔到我同Chris結婚當日,會有幾幸福...

當日仲會有高暉在場...

如果你話:「愛人結婚了,新郎不是我係乜野感覺?」

我會答你從古至今,喺坊間上有好多歌都可以表達出黎~

好似最多人熟識既陳奕迅首阿牛啦~婚禮的祝福啦~

但如果話我要結婚了,新郎不是我愛的人呢?

好似...從來都無咁既作品出現過...

係因為呢種事甚少發生?

定係無人夠膽將佢寫出黎?

難道我們只會因為最愛的人遇上他的最愛,讓我們失去最愛...卻沒有因為我們失去最愛,所以遇上不是最愛?

我愛的人,他遇上了愛人咁先夠慘?

有無諗過我愛的人,他見證著我與不愛的人結婚先係最慘?

「迦迦~唔好飲咁多喇~無野落肚飲咁多紅酒無益架~一陣又胃痛架喇~」Chris關心咁撳一撳低我手中杯紅酒...

『開心丫嘛~』我笑一笑…

「你呢排真係飲左好多喇~聽話啦~一陣先再飲~」Chris一面慈愛咁...

『嗯...』我只好聽聽話話...

喺呢一刻,我又諗起早前網上流傳既一句說話...

“女人揀男朋友,一定揀個口甜舌滑既。剩係識得噓寒問暖,佢不如同老豆傾計算。”

呢一刻,我真係覺得Chris似我老豆多過男朋友...

應該話...由識佢既第一天開始,我就多左個老豆照顧我喇...

背景音樂都開始停落黎...

燈光都開始變暗,就只有台上最光最亮~

一個好似阿Bob咁既MC就係台上介紹下冼Sir同Yuki~

「識佢地都知,佢地係師生關係~但佢地無因為師生既力場,阻礙到佢地相愛喎!因為真心相愛既,係無懼世事變改,還是越難越愛架嘛!」阿Bob講出冼Sir同Yuki既關係~

師生戀...

對好多人黎講,師生戀可能真係一段孽緣...一段不倫之戀...

『假如佢都係愛你...你地係真心相愛既話...唔好理會凡塵俗世既眼光...認認真真...勇勇敢敢去愛一次!』當日我就係咁樣同冼Sir講...

但我自己呢?

又係唔係真係可以勇勇敢敢去愛一次呢?

「好喇我諗大家都好心急等梗食翅架喇~咁我都唔浪費大家太多時間~呢個時候立即播冼Sir同Yuki既成長回憶片段俾大家睇~睇完就有翅食架喇~」阿Bob退一退開,場內所有既燈光都熄晒。

而家就只有台上既大銀幕最光最亮。

喺“River Flows in You”既伴奏之下,一張又一張相片飛出黎。

有冼Sir細個時候既相啦~又有Yuki細個時候既相啦~

喺冼Sir細個既時候,原來都已經幾成熟穩重下~

難怪冼Sir會吸引到Yuki啦~

好似Yuki呢種年紀既小妹妹,就最鍾意成熟穩重既哥哥~

總係鍾意有哥哥照顧丫嘛~

成熟穩重既哥哥...

Chris都夠晒成熟穩重既~

不過佢就似係爸爸多D囉~

如果話係似哥哥...我會覺得高暉會係似哥哥多D~

因為哥哥除左會好似爸爸咁好照顧人之外,仲會好識得氹人開心...

哥哥同爸爸既分別呢...

而Yuki呢?Yuki細細個就已經好似個公主咁靚~

難怪又會吸引到冼Sir~

好似冼Sir呢種成熟穩重既哥哥,就最鍾意好似Yuki呢種可愛既小公主~

一張又一張~由細個到大個~

到左Yuki上到中學~冼Sir去左我地間學校道教~

仲有就係冼Sir同Yuki喺學校裏面出現過既合照啦~

從相片裏睇得出,喺Yuki初中既時候,即係冼Sir岩岩入黎學校教書無耐,Yuki望住冼Sir既眼神已經充滿住傾慕之情~

再過多一、兩年相中既Yuki,望住冼Sir時既眼神直頭係充滿住愛慕之情~

睇黎Yuki喺好細個既時候,就已經愛上左冼Sir呢~

情竇初開既小妹妹呢~

而跟住既,已經係Yuki升上高中,同冼Sir合照時有D尷尬既相片~

呢段時期...應該就係冼Sir同Yuki開始拍拖既時期喇~

即係應該係我岩岩實習完呢~

都好似已經...過左好耐喇...

再之後既已經係冼Sir離開左學校~同Yuki光明正大咁去旅行~

拖到實一實影既又有~攬到實一實影既又有~

「WOW!!!!!」當Show到一張係冼Sir同Yuki情深一吻既時候,在場班仔仔女女又忍唔住高呼起黎~

『好恩愛~』我一面陶醉咁望住張相...

「嗯~真係好恩愛~」Chris拖一拖住我隻手...十指緊扣...

一個有情人幸福美滿地終成眷屬~

可惜我就只有喺人地身上感受到...

我自己呢?

就算俾Chris十指緊扣,都係無連心既感覺...

「好喇~睇完咁甜蜜溫馨既成長回憶片段後,我地以熱烈既掌聲,有請一對新人進場~」阿Bob一路拍掌~

“啪 啪 啪 啪 啪 啪 啪 啪 啪 啪 啪 啪 啪”在場既親友亦一路拍掌之下,冼Sir同Yuki一步一步咁步上台上。

「新郎哥講返幾句先呢~」阿Bob交一交支咪俾冼Sir~

「丫...容許我老套D咁講...首先要多謝外父外母,多謝你地肯嫁個女俾我~我應承過你地我一定會對Yuki好好,好愛佢,好錫佢~好好照顧佢~我一定會做得到!老婆~我都會一直咁愛你~一直咁錫你~一直咁寵你~我好愛你丫老婆~」冼Sir攬住左Yuki黎錫。

「WOW!!!!!」一班仔仔女女又忍唔住要高呼一下啦~

呢班衰仔衰女~

所以話“喺我結婚當日唔會請任何一個學生出席”呢個決定係正確架~

「好老套~但真誠~咁新娘子又講返幾句呢~」阿Bob交一交支咪俾Yuki~

「ER…嘻~都仲係好緊張~唔...多謝老爺奶奶教導Thomas成為一個好好男人~爸爸媽媽唔駛擔心我~Thomas一直都對我好好~好錫我~好照顧我~好寵我~寵到我壞晒添啦~所以真係唔駛擔心我~我真係好幸福~老公~我細細個就已經愛上左你~人越大,就越愛你~我一直都好期望可以成為你既女人~今日...終於都夢想成真~可以成為你既老婆~你要一直寵我落去架~唔可以反悔架~我愛死你喇老公~」Yuki箍實冼Sir條頸,蹬一蹬起個人,放任咁同冼Sir錫起上黎~

「WOW!!!!!」成個場既親友都大叫起黎~

一對可以完全打破世俗眼光、打破傳統觀念、打破不知所謂既道德枷鎖既戀人,終於都有情人終成眷屬...

有情人終成眷屬...

結到婚...係唔係就代表有情人終成眷屬呢?

或者冼Sir同Yuki呢個Case係...

但對我既Case黎講呢?

唔...

聽完冼Sir同Yuki甜到入心既情深說話,睇完佢地切埋個結婚蛋糕之後~

「我地一齊祝呢對新人白頭到老~永結同心~最重要係年生貴子~Cheers~~~」阿Bob帶領住在場既親友舉杯暢飲~

『Cheers~~~』我亦都拎起酒杯,一飲而盡~

「迦迦~唔好飲咁多喇~」Chris扶一扶我。

『開心丫嘛~唔該~』我無聽Chris既話,繼續讓侍應幫我斟酒~

「人地結婚你都咁開心~到你結婚既時候咁點算?」Chris摸一摸我把秀髮。

『更加開心囉~』我繼續飲~

「你呢排都已經成日飲~又飲得好多架喇~聽話~抖一抖先好唔好?」Chris撳一撳低我杯紅酒...

『嗯~』我再一飲而盡先放低個酒杯...

Chris佢真係…十足十爸爸咁款呢...

唔係話唔好既...

只係缺乏左D情趣囉...

好似而家呢D咁高興既時候,佢就走黎掃興...

就算係為我好,又可唔可以俾我放縱下呢?

喺酒氣遊遍全身之時,我感覺唔到有心醉既感覺...

“酒讓人醉,情讓心醉。”或者就係呢個原因...

River Flows in You…我仲有無機會...感受得到呢種感覺呢?

「好喇~請左一對新人就座之後,今晚既晚宴都要正式開始喇~等左好耐喇嘛?係嘛?好喇~咁我地就上乳豬~」阿Bob都急急腳咁走落台~

“故事含道理 得意又笑死

無話沉悶打喊露呀打大脾氣

麥兜出戲仲有詩意仲有豬腩肉

仲有最靚嘅豬腩肉

仲有最靚嘅豬腩肉

仲有最靚嘅豬腩肉

仲有最靚嘅豬腩肉

故事唔錯 包你話笑死

顧住同伴睇到話要搣你大脾

仲會使你發現生命快樂與美麗”

一碟碟乳豬就由輕鬆調皮既歌音伴奏下,送到我地各位檯面上~

望住侍應幫我地每個人分好乳豬...

我個心突然鬆左一鬆~

點解我會有呢種感覺?

因為我可以唔需要俾Chris照顧~

如果唔係咁,Chris一定會當我係殘障咁,又夾呢樣~又夾嗰樣俾我~

就算係我唔鍾意食既,佢都會話:「食少少喇~有益丫~」

假如係我鍾意食但又唔食得既,佢又會話:「呢樣你唔食得架~你唔記得喇?食完會皮膚過敏架~」

其實好多時唔係我唔記得~

只係我太想食~食少少姐~痕少少姐~忍下就無事架啦~

但Chris就係咁擔心我...就係咁唔放心我...

總係唔可以好似而家咁,俾我自主一下...

當然,呢種難得既自主係好稀有...

「食埋下道菜先再飲啦~」Chris撳一撳住我正想拎起酒杯既右手...

『嗯~』而且仲一閃即逝添...

我而家開始明白,自由係有幾咁可貴~

我而家先明白到,點解香港有咁多抗爭~

可惜既係,香港仲有一大班人唔識死,仲要話人地搞亂香港~

搞到而家香港人被失蹤都無人問津~

自由喔~自由喔~好快就完全失去自由架喇~

唉~

人地話男人結婚就係入墳墓~入冊~

點解我就掉返轉架呢?

「唔好飲咁多喇~」

『嗯嗯~』

「你飲左好多喇~」

『嗯...嗯...嗯...』

「你真係飲得太多喇~」

『嗯嗯嗯嗯~』

「聽話唔好再飲喇好唔好~」

『嗯嗯嗯嗯嗯!』

成餐晚宴,我就有我不停咁拎起杯紅酒飲,Chris有Chris不斷咁撳低我杯紅酒阻止我飲...

飲下食下…食下又飲下...

都唔知自己飲左幾多杯...

總之就好似未曾試過可以飲到咁多杯...

『恭喜晒你丫~真係恭喜晒你丫~能夠同到深愛既人百年好合...真係好幸福喔~』散席之時,當我同Chris行到去冼Sir同Yuki面前,我不自覺咁攬住Yuki...

「多謝Miss Kwok~Miss Kwok都好幸福丫~~~就快都同深愛既人結婚啦~」Yuki攬一攬住我,掃一掃我背脊...

『我...我...』深愛既人...

「睇黎Miss Kwok飲得好醉喎~Chris~你要好好照顧佢丫~」迷迷糊糊中,我聽到冼Sir同Chris交談...

「嗯~放心放心~我一定會好好照顧佢~我都恭喜晒兩位~」我亦都聽到Chris把聲...

「多謝晒~多謝晒~」

「慢慢行喇~」

「拜拜~」

『拜...拜...』

向冼Sir同Yuki揮過手,道過別之後,Chris就扶住我...我就搭住左Chris個膊頭黎行...

我挨喺Chris身上...

「傻豬~你真係飲得好醉喇~」Chris好溫暖咁扶實我...

『嗯...』我只係點一點頭...唔敢講咁多…

我唔敢講說話...我怕我會亂講說話...

飲酒係想唔好諗咁多…想可以借醉讓心中唔敢說出口既話爆出來...

但醉左喇...又怕自己會控制唔住自己,講左D唔應該講出口既說話來...

你明知係唔講得,但又要飲到咁醉,醉左又怕爆出口...

你話人係唔係真係好矛盾呢?定係得我先至咁矛盾呢?

「睇頭睇頭~」Chris好小心咁扶我上車...

『嗯嗯...』我就攤左喺個座位上...

Chris全晚都滴酒不沾,就係為左呢一刻...

為左可以安全咁送我返屋企...

送我返去我地既新居…

全程車程都好安穩...好舒服...好安心咁返到去我地既新居...

Chris一邊扶住我入屋,一邊講:「你真係飲得好醉呢傻豬~」

『嗯~開心丫嘛~』我不自覺咁嗲一嗲Chris...

「傻豬黎架~睇你飲到~嗲成咁~」Chris扶一扶我落床...

『嗯~邊係姐...』我箍一箍住Chris條頸...

「點丫傻豬~」Chris用上一對柔情似水既雙眼望實我...輕輕撫摸一下我塊面...

『我...我...』我用一用力拉一拉Chris埋黎...

Chris塊面越黎越近...越黎越接近...

接近到有D模糊...有D模糊...

模糊到好似見到...好似見到面前既人係...眼前既人...唔係Chris...係...

『我仲未準備好!』我推一推開Chris!

「丫...」Chris起一起返身...

『Sorry…』我都起一起返身...

「唔緊要~我地都就快結婚...就等我地結埋婚...成為正式既夫婦先啦~」Chris規規矩矩咁企定定...

『嗯...咁我...我都係去沖涼先...』

「嗯~你沖先...你沖先...」

我喺個衣櫃拎一拎套睡衣...走入浴室...

要沖返個涼...要沖返個涼...

唔可以...唔可以咁...

唔可以諗住高暉...同Chris...

頭先...頭先眼前...真係出現左...出現左高暉...

唔可以咁...絕對唔可以咁...

差D就...差D就做錯事...

要沖返個涼,清醒一下!