喺天朗氣清既假日,我同Chris仲有一大班兄弟姊妹,著好晒婚紗禮服,黎到太平山山頂公園影Pre-wedding。

難得今日真係好好天...

又好難得無其他準新人黎呢黎影Pre-wedding...

更難得竟然連強國蝗都唔上黎...

好似包左場咁~





可以讓我地好自由自在咁,喺呢個咁美麗既環境下影Pre-wedding~

雖然話天時、地利、人和都有齊...

「試下諗下…回想返下...你地初相識既時候...嗰陣時既情境~」Whirling放一放低部相機...

『嗯...』但我既內心...就好似年初四咁既樣...

年初四係乜野樣?





年初四,假又放完,錢又洗晒,工又要返,點會有好樣呢?

仲叫我回想返下同Chris初相識既時候喎...咪仲死...

我同Chris初相識既時候,莫講話愛...就連鍾意都談不上...

「你...你好丫...岩岩入到呢間中學?唔駛緊張架~我叫歐陽皓...Chris~呢個係高卓暉~高暉~我地都係讀中四既~有乜需要幫忙,都可以搵我地架~」嗰陣時,Chris同高暉一齊出現喺我面前...

可惜我既視線...就一直只停留喺高暉身上...





我既靈魂...一早就俾高暉吸走左...

小小年紀...仲係中一生既我...就已經愛上左高暉呢個哥哥...

Chris係對我好好丫...係好照顧我丫...

「迦迦~D簿重丫~等我幫你拎丫?係唔係Miss Chan個簿櫃丫?」小息要搬重野,佢第一個撲過黎幫我搬!

「我買左你最鍾意食既魚蛋丫~」我都未開始餓,佢就已經買定魚蛋俾我食!

「迦迦!你有無事丫?你流血呀!黎!等我抱你去醫療室!唔駛驚!」我跌倒,佢第一個就飛落黎抱起我!

我痛...佢個心更痛...

但係咁又點喎...





唔係愛既,就算你再做幾多野都好...點愛我都好...徒然架...

最多都只會係感動...

感動...最後就只有感動...

『差唔多每半年...你就向我表白一次...已經係第十二次喇...第十二次向我表白喇...嗯...好啦...就俾一次機會你...做我既男朋友啦~』我之所以會答應同Chris一齊...做佢既女朋友...都只係因為感動...

感謝佢一直以黎對我既無微不至...悉心照料...

但呢種唔係愛...

我有諗過...既然可以由唔鍾意...唔愛...產生出感動...





又有無可能可以由感動...經過歲月既浸淫...醞釀出愛意呢?

「嫁俾我...就讓我成為你既男人...一直好好咁照顧你...愛護你...疼惜你...可以嘛?」當Chris喺間法式餐廳裏面,以小提琴伴奏下,抱住束紅玫瑰...拎住盒戒指...單膝半跪咁喺我面前...

嗰一刻...我真係有諗過...愛...係可以醞釀出黎...

我真係有諗過愛唔一定係要一見傾心!

我真係有諗過愛唔係一剎那火花!

我真係有認認真真咁諗過,我同Chris...可以由時間裏面...醞釀出愛...

起初…還可以...

「高暉應承返黎做我地既伴郎丫~」當Chris好高興咁講出呢個驚人既消息出黎之時...





我真係心亂如麻...心事難下呢...

就喺嗰一刻...我先發現...我根本就放唔低高暉...

我根本就係仲深深咁愛著佢...

只係...係我一直唔肯面對...一直都唔敢正視...

我不曾...亦不能...

「Chris攬一攬迦迦條腰~嗯~係喇~好好~迦迦搭一搭Chris既膊頭~係喇~可以再落返少少...再落返少少...嗯~OK~不如兩位都抖抖先啦~好嘛?」影多幾張之後,Whirling就提議休息下。

『嗯~好丫~』我都影到攰喇...





所以話呢...結婚真係一D都唔易...

Pre-wedding都已經影到咁攰...Wedding嗰日都唔知點算...

「迦迦你口渴嘛?」Chris輕輕摸一摸我把秀髮,打量下我。

『少少啦~』我笑一笑…點點頭...

「咁我去拎支水俾你~你等我~好快~」Chris就快步跑左去班兄弟姊妹嗰邊...

『慢慢啦~』我望住Chris既背影...

唉...你真係對我太過無微不至喇...

我除一除對高踭鞋,換返對布鞋仔之後,就左望望,右望望~望到Whirling同曾老闆坐左喺個涼亭入面,好似想抄D相入部MacBook Pro裏面~

都未介紹曾老闆添~

Whirling話曾老闆係佢地Studio既老闆喎~

起初我仲以為Whirling除左係Whirling Coffee既老闆,亦都係Studio既老闆~

一問先知原來Whirling唔鍾意做生意~所以就去左曾老闆道幫手喎~

而Whirling自己係無助手~所以就要請曾老闆出黎做住佢助手先咁話~

至於Whirling同曾老闆既關係...我就無再追問喇~

反正Whirling話唔駛理曾老闆咁多~我地都無謂再深究~

我偷偷地行近Whirling佢地~鬼鬼祟祟咁行到去Whirling背後...

我偷偷咁望一望Whirling大脾上部MacBook Pro~望住螢光幕上既相片...

一張又一張...飛快咁傳到落部MacBook Pro裏!

我望住一張又一張...黑白色既又有...彩色既又有...

係我同Chris既合照!

『好靚呀!』我喺Whirling既背後忍唔住大嗌左出黎!

「嘩!」Whirling嚇左一嚇~

『Sorry~Sorry~』我伸一伸脷,Say句Sorry~

「哈哈~唔緊要~唔緊要~你都幾鬼馬架喎~都快要做人老婆喇,仲咁細路女咁既?」Whirling帶住憂鬱既神色笑一笑,又擰擰頭~

『我...哈哈~有時都真係幾大唔透架~』童心未泯嘛~

況且...其實我都未準備好要嫁...

『係呢係呢~我想問下呢~你唔係只係會影黑白相架咩?點解會有彩色照既?』我再細心睇清楚芒裏面既相...

「為左你地...」Whirling諗左一諗,「我破例啦...」

為左我地...『破例?』

「係丫~結婚喎~唔係真係全黑白咁唔利事丫嘛?所以...我就破例唔止影黑白~仲有彩色~黑白色同彩色兩輯我都會幫你地安排好~」Whirling繼續帶住憂鬱既神色笑一笑,點一點頭。

「你地都算厲害喇~你知嘛?我丫~求左佢幾多次幫D客影彩色~影人像~佢硬係唔肯!搞到我無左幾多大客!大師既脾性呀~但你地呢~一次過就破晒彩色同人像既例~厲害~厲害~」曾老闆豎起兩個LIKES~

「多事啦你!」Whirling冷眼望住曾老闆~

「好~我唔多事~我唔敢多事~~~岳飛大人~~~」曾老闆撳住自己個嘴~

「叫我Whirling呀!」Whirling嬲到頭頂出煙咁~

岳飛?

原來Whirling叫岳飛丫?

係真係叫岳飛?定係花名黎架?

如果真係叫岳飛,咁就真係多得佢既父親大人唔少喇~

肯定由細到大都會俾同學丫~老師丫~搵佢個名黎開玩笑架啦~

而睇Whirling既反應都知,佢一定好唔鍾意人地嗌佢做岳飛~

好明顯就正正係因為由細到大都俾人拎個名黎開玩笑啦~

不過...岳飛呢個名都真係幾得意既~

「係唔係想睇下D相?岩岩過完可以睇下。」Whirling將部MacBook Pro交到我手。

我接過Whirling手上部MacBook Pro之後,坐到去Whirling身邊,仔細咁睇...

我一張又一張,細心咁打量...

『好靚呢...真係好靚呢!真係唔洗執都好靚呢!』不論係黑白定彩色,每張都影得好靚!

角度又好,光度又好,顏色既對比都好,所有所有都配合得天衣無縫!

大師果然係大師...

最重要既係...莫講話黑白相...就連彩色相都能夠影出嗰份...嗰份淒美感覺...

Whirling果然係Whirling...

「我影相係唔會執架~況且...人靚影出黎自然靚...」Whirling繼續帶住憂鬱既神色望住我...

我又望住Whirling對憂鬱眼睛好一陣子...

『我就快要成為人地既老婆架喇~唔好愛上我丫~』我合埋對眼擰擰頭~

更何況...我身邊已經有一個...內心又有另一個...無可能再安置多一個...

Whirling嚇左一嚇,立即連忙揮住手解釋:「唔係丫唔係丫...我唔係咁既意思架...你誤會喇...」

『哦~係咩?』我又疑惑咁打量下Whirling~

「你真係誤會喇...我...我真...唉...乜我真係咁似D成日聊女仔既人咩?」Whirling無奈咁頭耷耷...

『你個樣就...』我認真咁打量一下Whirling...『有少少不韉咁啦~係把口...比較花啦~』

「我把口比較花?」Whirling無奈咁指一指自己個嘴~

『嗯~你把口真係好易俾女仔誤會你係想聊人~』我微微一笑~

「唉...我都唔知自己講錯D乜...成日都俾人誤會...好似你地個wedding planner...Lilian又係誤會我想聊佢...」Whirling好無奈咁擰擰頭~

『哦?你同佢講左D乜先?』我又打量下Whirling~

「我?無丫...我只係話佢好似我一個朋友咋嘛…」Whirling一面無辜樣~

『哈哈哈~你咁講緊係會令人地覺得你係想聊人啦~』我忍唔住要恥笑一下Whirling~

係女仔聽到個男仔咁講丫,都會覺得係借頭借路想識女仔架啦~

呢個Whirling,睇起上黎好似飽經風霜咁,唔係真係咁單純丫嘛~~~

「我邊係想聊人姐...咁佢真係好似我一個朋友丫嘛…」Whirling皺晒眉頭咁~~~

『好喇好喇~我信喇~我信喇~好似一個朋友...好老套丫~~~』我都係忍唔住笑多幾聲~

岳飛丫岳飛~你真係夠晒老套丫~~~

「唔講呢樣喇...講返D相...你唔覺得...好似...有D奇怪架咩?」Whirling望一望返芒裏面D相。

『嗯?奇怪?』我一頭問號咁望住D相。

「嗯...你唔覺得...有D...苦澀...太過...憂傷喇咩?」Whirling認真咁打量住D相...

『嗯...的確如此...但就係因為咁我先想搵你架嘛~』呢個係最主要既原因黎~

「我都知...之但係...我之前都無諗過...影出黎既效果真係會咁...咁憂傷...憂傷到好似...好似有D Over左...始終...你地都係辦喜事呢...」Whirling諗下諗下咁...

『放心啦~我就係想要呢種~我就係鍾意呢種感覺~呢種出自你手既感覺~憂愁既感覺~咁先特別嘛~』事實的確如此嘛?

「乜真係咁咩?呢種感覺...呢種憂傷既感覺...呢種唔想嫁既感覺...乜真係…出自我手...咩?」Whirling帶住極度憂鬱既神色...眼定定咁望實我...

我再一次俾Whirling對憂鬱既眼神吸引住...一直咁吸引住...

空洞無物既一對烏黑眼珠...乜都無...乜都無...

就如黑洞般...乜都無...

『你唔好再咁樣望住我啦~你再咁樣望住我...又會令我誤會架喇~』我微微一笑,合埋對眼...

Whirling咁講...係唔係佢已經...已經俾佢...俾佢察覺到我...

「有一個深愛住自己既人...一直喺身邊...其實好難能可貴...」Whirling諗下諗下咁...

下?

「我之所以肯做你地既攝影師,好大原因係...聽左你老公講你地之間既事...」Whirling繼續諗下諗下...

Chris講...我地之間...既事...

「有一個男人...可以愛一個唔愛自己既人咁耐...可以一直喺一個唔愛自己既人身邊照顧佢...愛護佢...守護佢...其實係一D都唔容易...」Whirling點一點頭...

一個自己唔愛...但好愛自己既男人...

「最難得既係...呢個男人終於可以用自己既真心,打動到呢個女人...終於都可以喺埋一齊...終於都守得雲開...」Whirling望一望上天空...

我都跟住Whirling望上天空...

『嘩!好曬呀!』我立刻緊閉雙眼!

「可惜而家係日頭呢...唉...」Whirling無奈咁嘆一口氣...

可惜而家係...日頭?

「好巧合咁可以俾我遇到呢個奇蹟~亦好巧合咁俾你遇上我間Coffee~更巧合你會想以我憂鬱既特色為你地影結婚相~我亦好希望可以見證住呢個奇蹟既一刻~所以我就接你地呢個Job~」Whirling笑面裏帶著點點哀愁咁望住我...

我又眼定定咁望住Whirling...諗左一諗:『你真係好易俾人誤會你係想聊女仔呢...岳飛...』

「叫我Whirling!」Whirling嬲嬲地咁~

『哈哈~Sorry~Sorry~Whirling~』

或者...Whirling真係察覺到...

或多或少都會察覺得到...

我係有唔想嫁既念頭...

好彩既係…就只有Whirling察覺到...

而就算有其他親友都有咁既感覺既話,我都可以話呢D正正就係Whirling既風格~

雖然話好似利用左Whirling...好似好衰咁...

但...我都係無計可施...迫於無奈姐...

我諗就算真係俾Whirling知道,佢都唔會怪我掛...

唔會既~唔會既~

男人又點會咁小器呢~

呢個世界,又邊會有咁多方丈丫~

「迦迦~水丫~」Chris終於都拎左支水過黎~

『哦...唔該~』點解我會覺得好似過左好耐咁架呢?

曾老闆一邊抹下抹下部攝影機既鏡頭,一邊講:「丫~你地都快要結婚架啦~都仲咁客氣架呢?」

俾曾老闆咁樣講一講...我同Chris...又真係...好似好客氣咁...

仲客氣到...有D...見外...

「呢D叫相敬如賓...你識條鐵咩...都成四十幾歲人...搵個伴睇下都無...」Whirling冷冷放下一句~

「哎呀呀~你平時唔係唔多出聲扮晒Cool咁架咩?做乜呢排咁多野講架呢你?下?岳飛~」曾老闆唔順氣咁~

「叫我Whirling!!!」

「岳飛~岳飛~岳飛~岳飛~岳飛~岳飛~岳飛~岳飛~岳飛~」

「好丫~你接左Vacheron Constantin嗰個Job我就唔幫你影!我睇你點同人交代!」

「對唔住對唔住!係我錯喇~岳飛大人!」

「都話叫我Whirling咯!!!」

『哈哈~~~』睇佢地兩個,雖然話好似好多頂撞,但都好似好好感情~

總係好似...唔係一般老闆同員工既關係~

或者佢地之間,真係千絲萬縷呢~

唔通係…HEHE?!

咁就唔知喇~

不過...好彩有Whirling既一句...相敬如賓...

唔係我都唔知點答好...

我無理由話係因為唔想接受Chris對我既好,所以就咁客氣架嘛…

唔想接受Chris對我既好...唔想接受Chris對我咁好...

Chris越係對我好...我就越係覺得內疚...

岳綺羅:「張顯宗,你為甚麼對我這麼好?」

張顯宗:「因為我愛你。」

岳綺羅:「可是我不愛你。」

張顯宗:「我知道...不過沒關係...對於我來說...只要能照顧你、陪伴你,我就心滿意足了。」

岳綺羅:「不是要兩情相悅才叫愛嗎?」

張顯宗:「兩情相悅是可以相愛。可惜世上根本沒有這麼多兩情相悅。相愛是很難的,很多人跟我一樣。對於我來說,愛就是愛,誰還會在乎有沒有回報?」

岳綺羅:「張顯宗,我的確不愛你。不過我會保護你。」

張顯宗:「好。」

曾經...我都有兜口兜面同Chris講我唔愛佢...

曾經...我都以為我會好似岳綺羅咁,最終會俾張顯宗感動到...

岳綺羅:「張顯宗,我牙痛。」

但實際上...拍戲既野,小說既野,想幾美好都得...

所以我幾時都話,我生存係二次元入面呢...

「兩位可以休息下先~我地同班兄弟姊妹影一陣~一陣再叫埋你地同埋兄弟姊妹一齊影~」Whirling拎一拎起部相機,起一起身。

『嗯~好丫~辛苦晒喇~』我帶住微笑向Whirling點點頭~

「唔辛苦~曾老闆!快手D啦!拎埋隻Cam啦!唔駛行兩次丫嘛!」Whirling帶住憂鬱既微笑向我擰擰頭之後,就惡死睖瞪咁吩咐曾老闆做野~

「知喇知喇!岳飛!」

「叫我Whirling呀!!!」

『哈哈~』睇住佢兩個,真係忍唔住笑左出黎呢~~~

「佢地兩個真係非一般老闆同員工呢~」Chris跟住我望住Whirling同曾老闆~

『嗯~佢地既感情真係好好咁~』好到有D似...兄弟?唔係...應該係父子先岩~

「嗯~係呢~影左咁耐相,攰唔攰丫?」Chris又如平常一樣,將所有注意力都放喺我身上。

『嗯...有少少啦...著高踭鞋太耐,對腳有D酸軟...』我按下按下小腿...

「係丫?等我幫你按下~」Chris就跪到我面前...

Chris溫柔咁遞一遞起我隻右腳,除一除隻布鞋仔,將我隻腳放到上佢既大脾上...

Chris又好溫柔咁幫我按下隻腳…

按下按下…又溫柔又細心咁按下按下...

「好唔好D丫?」Chris Keep住幫我按摩...

『嗯...好舒服...』我有小小面紅紅咁...

「嗯~舒服就好~」Chris繼續幫我按...

按完右腳...就到左腳...

Chris佢..真係好體貼...

體貼到...完全無諗過男人既尊嚴...

Chris真係對我好好...

Chris真係對我太好...

Chris…可唔可以唔好對我咁好...

我唔敢再正視Chris...望左去班兄弟姊妹嗰邊...望左去高暉身上...

高暉...同一班兄弟姊妹影得好開心...

好投入咁...

完全察覺唔到我正在留意佢...注意佢...記掛住佢咁...

究竟喺你心裏面...有沒有我?

究竟咁多年黎...你仲有無想我?

其實一直以黎...係唔係...只係...只係得我單方面記掛住你?

你心裏面...一早就已經無左我...

Chris…高暉...點解...點解就唔可以...

「仲酸唔酸軟?」Chris溫柔咁摸住我隻腳…

『唔...唔酸軟喇...』我就立刻縮一縮返隻腳…著返對布鞋仔...

「嗯~咁就好喇~」Chris坐到喺我身邊...

「喂喂喂~~~Whirling影既相真係好靚丫~~~」阿儀跑到黎我地面前...

『嗯嗯~我都覺得好靚~』我有D心不在焉...

因為...高暉都跟住阿儀行到過黎...

我望一望高暉...

「喂喂喂~做乜眼定定望住高暉?」阿儀打量一下我...

『邊...邊係丫?我邊有眼定定?』我立即否認!

「唔係喎…中學既時候...你同高暉都好似玩得好熟咁架喎...」阿儀諗下諗下...

『邊係姐?係Chris同高暉好熟...我搭單咋嘛…你無記性呀!亂講野...』我再立即否認加解釋!

「係咩…係我無記性咩...」阿儀又諗下諗下...

高暉指一指住班兄弟姊妹嗰邊:「唔好再講咁多喇~佢地喺嗰邊等梗我地一齊影架~」

「係喎係喎~差D唔記得左過黎係Whirling話叫埋你地一齊過去影相添~行喇~」阿儀拖一拖住我...

『等等先!等我換返對高踭鞋先!』我就拉一拉停阿儀!

「等我幫你著~」Chris去拎一拎對白色既高踭鞋過黎,跪到喺我面前...

『哦...嗯...唔該…』我遞一遞起隻腳…

Chris…你對我...真係...實在...太體貼喇...