《情困之時，我遇上了自稱情性的情聖》: [Case 08－無法進入] PART 02

自從再遇返Catherine之後，我差唔多每晚都會拎返D日記出黎睇。

係我同Catherine交換寫既日記。

“今朝上Maths堂既時候，做乜成日望住我丫？”

“今日上PE堂見到你仆親喎～呵呵～抵死～仲痛唔痛丫？最多錫返你喇～”

“尋晚都提左你要交英文作文架啦～咁都唔記得～要罰留堂抵你死架～”



“大頭蝦～提左你今日默書都唔去溫～好彩有我借俾你抄咋～點樣報答我先？”

“今日天氣咁凍都唔著多件衫！凍死你丫！而家有無著住我俾你嗰件外套丫？”

“傻瓜～識得話我凍都唔著多件衫，但你自己就病左～我唔會照顧你架～”

“俾左件衫你咪到我凍親囉～我病好過你病啦～”

“好想要你既溫暖...”



“好想攬住你...”

“我好掛住你陣味...”

“我好想見你...”

“我真係好愛你...”

睇返D日記…睇返我地既字跡...睇返我地一齊過既日子...一齊開心過...一齊幸福...一齊癲過...一齊傻過...一齊愛過...



我地都話過：「而家我地要寫低我地每一日發生過既事～開心既，唔開心既都要記低～等過左三年、六年、十年、三十年、六十年後再拎返出黎睇～拎返出黎回味～回味我倆一齊走過既歲月～」

三年？六年？十年？三十年？六十年？

我唔知我有無咁長命～

我只係知...我一直都有好好保管...好好保管我地既日記...

說好一人保管一半...

但到最後...你要離開我之時...你將你嗰一半都俾埋我...

我有諗過黎手就掉晒佢！

我亦有諗過一把火燒晒佢！



但係到左最後...到左而家...

就只有我一個人拎返出黎睇...拎返出黎回味...

唉...

算啦...今日都睇到夠喇...

係時候收返埋佢...

係時候去做D正經野...

有乜正經野要做？



見客囉！

點解無啦啦要去見客？

係咯！我都想知點解D客咁鍾意喺你放假既時候先叫你出黎見！

一係就喺你放左工之後見！

有時仲要見到鬼死咁夜！

仲要飲到鬼咁醉！

仆你個街！

香港D奴工係鐵人黎架？



唔駛休息架？

屌你老母我第二朝仲要返工架！

唉...

不過好彩...今次呢個大陸客都算約得早...

我諗今晚都唔會好夜先返到黎架姐...

唉...

希望真係可以快快手手簽成張單啦...



唉...

我都係快快手手，梳洗一下～換返套老西～拎齊D野～出門！

落到樓，行到去巴士站，等左十五分鐘左右（應該係岩岩走左一班車...），終於上到巴士...

下午呢個時間，都唔算得上多人...

坐喺巴士上層，睇下山，睇下水，睇下公路上既車...

“吼！”有架林寶飛過...

“吼！”又有架法拉利閃過...

究竟...我要打幾多年工...做幾多年奴隸...先買到架超跑呢？

我而家先得嗰二十一歲仔...

岩岩先出黎受苦受死…

仲要捱生捱死幾多年呢？

會唔會到左三十歲人仲要依賴交通工具呢？

唉...

鬼叫我唔係生於有錢家庭...

鬼叫我唔係富二代...

鬼叫我唔係李嘉誠個仔咩？！

屋企窮...地方細...仲有三個細佬妹逼喺屋企...

搞到我一畢業就要搵工搬出去住...

而家個時勢，又難搵客...又日日俾人捽數...

搵得又唔多…

D租金又貴...車費又貴...食又貴...

真係乜柒都貴，就人工最平！

樣樣野都年年加價！就係人工唔加！

我屌你老母就黎癲架喇我！

你話丫...好似我咁廿歲出頭既年輕人都咁快俾呢個社會迫瘋...

係唔係痴撚線？！

唉...無野既無野既～希望在明天丫嘛～

只要簽得成呢個大陸客...

我今個月都可以叫做平安過渡～

實得既～實得既～

無問題既～無問題既～

香港力量～獅子山精神丫嘛～

我帶住呢份香港精神，黎到酒店...黎到大陸客曹總面前...同佢一邊High Tea…一邊傾份保單...

同曹總傾下食下...

「得喇得喇！」

又食下傾下...

『唔係呢～我都要同曹總你講清楚既～』

又解釋下...

「得喇得喇！我都話得囉！你都講左好幾次喇！我明架喇！」曹總就喺份保單上大筆一揮～

曹總真係爽快！

咁就簽好左份保單～

仲要係份大保單！

今次我就真係行運喇！

呢個月都唔駛憂喇！

不過聽曹總講野，總係好鬼死辛苦...

因為曹總講廣東話講到隻隻字都有捲脷音...

「好喇！正經野就傾完喇！係時候...傾D唔正經既野喇～」曹總鹹鹹濕濕咁既樣...

『唔...唔正經？！』咩唔正經呀？！

我賣保險架咋喎！唔賣屎忽架喎！

我咁大個仔...未試過架...

唔好搵D咁既野黎玩好喎！

「我聽講...香港有個地方叫蘭桂坊...有好多小妹妹食...」曹總靠一靠近...

哦...原來想去老蘭食?妹～

嚇得我丫...

『係就係...不過...蘭桂坊D小妹妹只愛吃洋腸架咋喎...』對D大陸人，班白痴死?妹係唔會放入眼內～

「洋他媽的腸！我除一除褲，個個爭住黎含！」曹總一副臭屁面...

『係既係既…曹總條腸就緊係大班女爭住含啦～之但係...而家時間尚早...無咁早有女食架喎...不如...搵下酒店妹玩玩仲好啦～』我望一望隻錶...而家都係五點幾…

「你估我未玩過咩？酒店妹玩到厭啦！我就係想去玩下D小妹妹丫嘛～況且...早起的蟲兒被鳥吃！我地而家早D去！早D有得揀！咁先係老闆！哈哈哈！」曹總胸有成竹咁...

『係既係既～曹總真有見地～一切都照曹總既吩咐去做～』咩撚野見地黎架...

同曹總傾唔夠兩句...

「去吧去吧！我地趕快去把妹吧！」

曹總已經按捺不住咁既樣...

男人都係鹹濕架喇～

特別係D大陸土豪～

越有錢就越鹹濕～

唔係你話咁有錢做D乜好？

女人需要錢，男人需要性～

女人可以提供性俾男人～

男人可以提供錢俾女人～

你賣我買，岩撚晒～

所以話呢～中國人做雞有特別多的方法～

坐上曹總架灰銀色Bentley...

「車我地去蘭桂坊！」我地就向人間鬼域出發！

二千幾萬既豪華房車...

坐喺架二千幾萬既豪華房車裏面，係乜野感覺？

好舒服？

好爽？

我唔知丫...

我地呢D層次，係唔識得享受...

去唔到嗰個Level...

二千幾萬…可以買到層市區樓...

二千幾萬…可以買兩、三個細單位放租...

咁就可以一世都唔駛做...

可以好好咁享受人生～生活態度～

你又點諗得到，二千幾萬買架車...用黎代步...

究竟要有幾多身家，你先會買二千幾萬既車？

究竟要有幾多閒錢，你先會買二千幾萬既車黎代步？

究竟我要打幾多世工？

究竟點解Dubai D仆街唔駛做都可以人人有林寶揸？！

唉...我真係屌你老母點解喺香港生活咁撚慘架？！

坐住架二千幾萬既Bentley，好快就黎到蘭桂坊～

其實平時見客，好多時都會過黎呢邊～

D客好鬼鍾意飲住野黎傾～飲住野黎簽～

簽完又去攬下女～食下女～

我就多數簽完都借頭借路閃人先～

因為我真係對食女文化無乜性趣～

唔係話我唔得！

係我覺得D女真係好撚污糟！

俾人隊完拖入後巷中出二百連發既又有～

呢個老襯，呢個老襟，人人冚家親親～

喺廁所口爆又有～

直接喺房射到成身都係既都有～

真係仲污糟過公廁！

成西都係精喎！你仲點插得落呀？

一班?妹因乜懶高傲～埋黎黐餐～

呢班玩笠高帽玩風度～呀先生～黎隨便玩～

揀岩邊間邊間先至岩窿路～

今晚去掘路～估唔到會闊過獅子山通道～

真心唔明而家D女仔諗乜～

咁樣俾人糟蹋到殘花敗柳咁開心咩？

埋黎Party為Have Fun玩完就係分～

搵搵情人玩陣情感～攞苦黎辛～

成日話去識下人～識多D人～

識咁多人做乜春呢？

人地真係想識你咩？

人地都係想砌你咋嘛～ 

咪黐黎黐去飲杯屎水又話係知己？

你把口唔似係口臭係好似有屎味！

又唔明班男人係乜野心態～

D女個西又臭，把口又臭過西，咁都拮得落～錫得落～

真係…唔怕核突咁咪岩班笨柒囉～

岩晒啦～姣婆遇著脂粉客～

真係天生一對～天造地設～正一一班狗男女！

不過講開又講...我真係未試過日光日白黎老蘭...

天都未黑，黎老蘭做乜？

唔好話搵靚女攬，酒吧都唔係間間開～

只係見有D死鬼佬挨喺欄杆道飲下酒～

又有D死鬼佬坐喺樓梯吹下水咁～

女？真係唔多覺眼～

乜春野早起的蟲兒被鳥吃？！呢道唔Work架！

「香港有呢D地方俾人尋歡，真係唔錯！我地上面都應該要有多D呢D地方！」但睇曹總仲係興致勃勃咁...

『上面仲多尋歡既好地方啦～』仲有人坐洗頭艇偷渡上去叫雞添～

「唉～點同呢？！你仲係唔明！俾錢買返黎，同你把返黎，係兩碼子的事！俾錢，係買服務！把返黎，係性趣！完全唔同感覺架！你知道嘛？！」曹總理直氣壯咁...

『知道知道～曹總真有見地～真有見地～我又喺曹總身上學到野喇～』屌你俾你攬到返黎砌完你估佢唔會問你攞返錢咩？

條女肯俾你砌，都係因為你有錢姐！

無錢你估佢肯唔肯俾你砌？

又唔見俾我砌返件？

『不過講真句...咁早...真係好難會有女把囉～』都係死左條心，早D放我走好過啦...

我今日本來係放假架！

係我既假期黎架仆街！

「唔係丫～你睇下嗰邊～咪有個男仔同個小妹妹攬攬錫錫～」曹總指一指...

我就跟住曹總隻手指，望過去...

我望到對面馬路...有一對男女...挨喺個欄杆道...

個男既攬到個女既實一實...

左手拎住支酒，右手摷條女個波...

個女既就攬到個男既實一實...打晒茄輪咁...

打得好火熱...

極度火熱！

而個男既...好面熟...

我行近D...行過對面馬路...

呢個男仔...好似係...

我再行近D...再行得近D...

呢個男仔...之唔係...

我再行近D...行到對男女身邊...

呢個男仔...咪就係...Catherine既男朋友...

『Alex？！』我眼定定咁望住對男女...

對男女停左落黎...望一望住我...

我望住個男仔既正面...可以肯定...可以肯定眼前呢個串撚柒柒既潮友...就係Catherine既男朋友Alex...

但個女仔...好明顯就唔係Catherine！

『我仆你個街出黎偷食？！』我二話不說就一拳打落面前條仆街道！

「痴乜撚...」我無等條仆街講落去！

『仆街仔偷食？！偷食！你個死仆街！』我就推條仆街埋牆打多兩拳！

「喂！唔好打丫！做乜打人丫！」

「乜撚野…」我唔俾條仆街有機會講野！

『屌你老母你對得住Catherine咩？！』我撳住條仆街埋牆起勢咁打！

「你痴乜撚柒線呀？！」條仆街發爛！一手推左我落地！

『哎呀！』我瞓左喺地上...

「屌你老母無啦啦打鳩人？！」條仆街騎住我，施展連續普通拳！

『我屌你老母乜撚野無啦啦呀？！你偷食唔撚抵打呀？！』雖然我話係打...但而家我係俾人撳住黎打...

「偷乜撚野食呀？！我同阿Cat散撚左喇！」條仆街拳拳到肉...下下都係重拳出擊...

『散你老母呀？！你咁都講得出口既？你個人渣！』我就只有擋...擋...擋...

「屌鳩你！唔撚信就算鳩數！」條仆街起一起身，「Mia！喂...」

「唔好掂我呀！原來你咁花心架！」

「喂…唔係呀！我...」

對仆街狗男女就越行越遠...

我就瞓左喺街上...望住個天空...

望住越黎越黃既天空...

『嗄…嗄...』我...我...究竟我喺道...做梗D乜...

究竟我喺道做梗D乜野？

當街當巷走去打人...

仲要俾人打到瞓左喺地上...

望住個天空...

望住黃色既天空...

望住黃昏既天空...

「喂！你無事呀嘛？」曹總行到我身邊，低頭望住我...遮住左個天空...

『我...我無事...無事...』我都唔知係唔係真係無事...

「無事就起身先啦～」曹總扶一扶我起身...

『唔該唔該…』我起一起身...拍一拍個身...

有D痛...

塊面有D痛...

心口都有D痛...

我頭先俾條仆街既連續普通拳打左好多下面...又打左好多下心口...

打到我鬼死咁痛...

「喂～睇你都幾傷下喎...駛唔駛入醫院Check Check丫？」曹總打量一下我。

『唔駛唔駛...我真係無野...』打下爛仔交姐...唔駛入廠既...

「咁...等我送你返去喇～反正...咁早都真係無女把～」曹總左望望，右望望。

『唔駛喇唔駛喇...唔駛勞煩曹總喇...』我有D唔好意思...

話晒都係自己衰衝動...

又累到曹總無女食...

「勞咩煩丫？你放假我都要你出黎傾野，我勞煩左你先岩！黎！我送你返去啦！」曹總扶一扶我...

『咁就真係有勞晒喇...』我同曹總就行返去架Bentley道...

再次坐返上灰銀色既Bentley裏...向住我屋企進發...

「喂～頭先你...做乜無啦啦走去打人呀？為錢銀？」曹總笑笑口咁望住我...

『唔係…唔係…』我都唔會因為錢銀而同人大打出手...

「咁一定係為女人啦～」曹總拍一拍我膊頭...

『呃...』我都唔知可唔可以話係為女人...

「唔駛呃喇～男人打交唔係為錢銀，就係為女人～如果兩樣都唔係，咁你就唔係男人啦～哈哈哈～」曹總笑下笑下拍一拍我...

『呃...頭先條仆...個男仔...係我個朋友既男朋友...我見佢背住我朋友去把妹...咪忍唔住出手教訓佢囉...』但而家似係我俾人教訓多囉...

「哦？你朋友？你鍾意人呀？」曹總古古惑惑咁打量住我...

『唔係唔係！我朋友...係我既舊情人...』我都唔知係唔係仲鍾意人...

我都唔敢話係...仲鍾意人...

「舊情人即係餘情未了～即係未放得低啦～年青人～係著緊人既，係關心人既，係唔放心既，要同人講先得架！你唔講，人地唔知架！」曹總又拍一拍我膊頭...

『知唔知都無所謂啦...都無影響...』都無野可以改變...

「緊係唔係啦！人地點諗，你控制唔到！但你俾佢知道，起碼叫有盡過力！唔會俾自己有後悔既機會！我就係咁架喇！自己認為應該既，就去做！唔係點會有我今日既成就？！」曹總拍一拍自己胸口...

起碼叫有盡過力...唔會俾自己有後悔既機會...

「嗱！我字字千金架！而家算係塞錢入你袋架喇！之後點做，就睇你自己做化喇！下？」曹總又再拍一拍我膊頭...

『嗯...嗯...多謝...』睇我自己既做化...

真係要俾Catherine知嘛？

真係要俾Catherine知我有幾著緊佢嘛？

我有幾著緊Catherine呢？

其實我自己都唔知我自己有幾著緊Catherine...

我真係著緊Catherine？

或者...我只係...一時衝動姐...

坐住架Bentley黎到屋企樓下...

「記住丫！你愛就要講啦！」曹總再三叮嚀我...

『哦哦...我知喇...』我同曹總點點頭...

「嗯～拜喇！」

『拜拜...』

目送架灰銀色既Bentley駛走...

愛就要講...

有機會先得架...

唉...

當我帶住受傷既身心，行返屋企之時...

“閉起雙眼你最掛念誰 眼晴張開身邊竟是誰”

電話響...

我拎一拎部電話出黎睇一睇...

『Catherine？！』竟然係Catherine打俾我？

又會喺呢個時候...

我滑動解一解鎖：『Catherine？』

「喂～你而家得唔得閒丫？」Catherine問得好輕鬆...

『我而家...得閒既...做咩？』我摸下摸下頭...

「得閒就上黎我道坐下～」Catherine亦都好輕鬆咁提出要求...

『下？！上你道坐下？！』我有D驚訝！

唔係咁急進呀化？！

「係丫～你得閒丫嘛～我Send我既地址俾你，你直接上黎啦～」Catherine仲係若無其事咁...

『哦...哦...』

「一陣見喇～拜～」

『一陣見喇...拜...』

唔駛兩秒...

“噹”Catherine就Send左個地址俾我...

我望住個地址...

真係要…上去嘛？

我望住個地址行下行下...呆下呆下咁行下行下...

行下行下...呆下呆下...就黎到Catherine家門前...

“叮噹”撳一撳門鐘...

“咔”門一打開…

「黎左喇？入黎先～」Catherine著住件白色大Tee...下面好似乜都無著咁...出黎開門俾我...

『哦哦...』我就痴痴迷迷咁望住紥住高馬尾既Catherine...跟住佢入屋...

女仔係唔係個個都咁鍾意喺屋企只著白色大Tee架呢？

點解又一定係要白色架呢？

「聽講你打左Alex一身喎...不過...你真係好傷喎～」Catherine行左去斟一斟...Black Label？！

我無眼花丫嘛？

『都唔係好傷姐...』我摸一摸自己塊面...

都仲好痛下…

「黎～飲啖酒～幫你捽捽藥酒啦～」Catherine遞一遞杯Black Label俾我，再去拎枝藥酒...

『唔該唔該…等我自己黎...嘩...好...』Catherine喺我塊面上捽一捽藥酒...

「唔好郁啦～等我幫你捽啦～大力D先快散瘀架～」Catherine用力咁喺我塊面上捽下捽...

『丫...丫...丫丫丫！』雖然話真係有D痛...

但有Catherine幫我捽藥酒...我總係覺得...覺得...

好窩心？

「你丫...真係傻架～」Catherine一邊幫我捽，一邊恥笑我...

『我咩傻姐？你男朋友呀！背住你去食女呀！你就傻呀！呀呀呀！痛！』Catherine突然捽得好大力...

「散左啦～」Catherine再用力捽多兩下...

『呀呀！散...散左？』乜真係散左架？

「早幾個拜禮前就已經散左啦～」Catherine又溫柔咁幫我捽兩下...

『又…又會咁岩既...』我有D唔係咁好意思...

「等你仲走去俾人打～真係傻架～仲有邊道俾人打瘀左丫？」Catherine幫我捽完塊面後，打量一下我...

『無喇…無喇…』仲唔夠瘀咩...

唔通連心口都俾人打瘀晒又話你聽咩...

「真係無喇傻瓜？咁飲杯啦～」Catherine敲一敲我手上杯Black Label…

共你乾杯再舉箸...突然間相看莞爾...

『咁早就飲Black Label…會唔會太過奇怪呢？』雖然話我平日交際應酬都成日飲酒...

但個天先岩岩黑...就一啖飲晒杯Black Label…真係有D...

「夠你奇怪？傻瓜～」Catherine再斟一斟...

斟滿兩杯Black Label…

『咁飲好易醉架喎...』仲好快醉添...

「醉？醉左唔好咩？哈...我經常覺得...醉左既感覺...比清醒既時候...更真實～」Catherine又敲一敲我手上杯Black Label…

醉左既感覺...比清醒既時候...更真實？

呢一刻...我真係唔係好理解Catherine...

呢一刻...我只係知道...我同Catherine又再乾杯...

一杯又一杯…

一句又一句...

邊飲...邊傾...邊醉...

好唔真實...

遇返Catherine...令我覺得...好唔真實...

比起酒醉...更唔真實...

Catherine…