『陳生陳生~關於份保單呢...』

見客…

『李生李生~我幫你執過架喇...』

見客…

『張生張生~你之前話呢...』





再見客...

日日都係見客…傾保單...簽保單...再見客...再傾保單...再簽保單...

好無聊...

除左為左搵錢拼命去生存...我都唔知做保險有乜野意義...

你估真係保人平安咩?





你估幫你投資真係下下賺錢架咩?

投資涉及風險架嘛!

分分鐘蝕撚晒你D血汗錢都唔知咩事啦~

不過我地唔去蝕你D錢,又點樣有得賺呢?

某部份人又點樣買得起架Pagani呢?





真係好無陰公~豬狗不如~

呃人地D錢去幫人賺錢...真係好無意義...

我既人生...真係好無意義...

喺咁無意義既人生之中...就只有一樣...值得我去留意...

就係Catherine...

自上次喺Catherine飲醉左之後...都差唔多過左...過左兩個幾月...

嗱嗱嗱嗱嗱!我只係純粹飲醉咋!

並無發生過你地所諗嗰D衰野架!





真係乜都無發生過!

係咯…乜都無發生過囉...

我只係隱約記得...喺我飲左差唔多半支Black Label之時...

『喂…點解...點解會散...既?』我都唔知自己問梗乜...

「下?我同Alex?有乜點解?唔鍾意囉~」Catherine答得好自然...

『下...唔鍾意?唔鍾意又點解要一齊?』其實我係想問...我好似係想問...點解當初咁恨心拋棄我...

一句...“你又對我好...佢又對我好...有得揀點解唔揀個靚仔D?”...





「咁當初鍾意...之後無咁鍾意...慢慢就變得唔鍾意...咁咪分開囉~」Catherine答到若無其事咁...

『點可以咁架...點可以話唔鍾意就唔鍾意架?』我再飲一飲杯Black Label…天旋地轉咁...

「有咩唔可以姐?咁拍拖係咁架啦~」Catherine幫我斟一斟酒...

『點解可以丫?點解你可以咁唔專一架?點解你話唔愛就唔愛架?』我再一啖飲晒杯Black Label…

眼前就好似出現左四個Catherine咁...

「有時候...唔試過...係唔會知既...」Catherine諗下諗下...

『唔會知?唔會知D乜?』我唔係好理解到Catherine想講乜...

應該話我已經無乜思考能力...





只係知...好醉...

好醉...

好迷...好迷...迷迷糊糊...

四個Catherine...

八個Catherine...

好多個Catherine...

「你醉喇~」Catherine扶一扶住我...





『我無醉...我無醉呀!你先醉丫...』你先係最醉嗰個丫...

醉左咁多年...迷左咁多年...都唔願醒...唔肯醒!

「成支Black Label都俾你飲晒喇~仲話唔醉~等我送你返去啦~」Catherine扶一扶我起身...

『我無醉呀!你先醉丫!明明就係你飲得多過我!』我推下推下Catherine...又攬下攬下Catherine...

我攬下攬下Catherine...好似好耐都...好耐都無試過...攬住Catherine...

攬住Catherine既感覺...

初戀既感覺...

『Catherine…Catherine…』我...攬實Catherine...喺佢耳邊自言自語...

「好喇好喇...你真係好醉喇...喺時候返去架喇...」Catherine就扶住我...行下行...

行下行...搭住Catherine...浮下浮下咁...行下行...

已經斷斷地片...

已經唔知道我有無話俾Catherine聽我住喺邊...

有無講錯到地址...

有無入錯屋...

有無上錯床...

我唔知道Catherine有無喺我既屋企逗留過...

我唔知道Catherine有無上過我張床...

我只係知道,迷迷糊糊咁...迷迷糊糊咁見到Catherine既背影...迷迷糊糊咁見到Catherine回眸...迷迷糊糊咁瞓著...

瞓著...

瞓著...

瞓左好似好耐...好似好耐都無瞓到咁耐...瞓得咁熟睡...

『Cat…Cat…Catherine!』當我再次睜開雙眼,我竟然大叫Catherine個名!

我再定一定神,望一望四周...

係熟悉既房間...係自己間房呢...

『哎呀!頭痛...頭痛...都係打返公司射波先得...』反正尋日簽成左曹總呢個大客~

掃把都唔夠膽對我有咩怨言~

打完返公司請病假之後,我又拎返我同Catherine既日記出黎睇...

又再睇返…又再睇返我同Catherine既往事...

我同Catherine曾經甜蜜過...溫馨過既...快樂時光...

呢段日子...我都係咁樣...都係Keep住晚晚重溫...

無一晚停過...

我對Catherine既思念...亦都與日俱增...

而呢段期間...我都有同Catherine保持聯絡~

我亦都有問Catherine拎Facebook~

我亦都有留意下Catherine既動向~

而且我都有試過忍唔住約Catherine出黎...食下飯...睇下戲...

點解我會話忍唔住?

唔知呢...唔好理!

總之我就有試過約!

之但係...

*噹* “Catherine:我唔得閒喎~”

*噹* “Catherine:嗰日丫...我有Job喎~”

*噹* “Catherine:我有約喇~下次先啦~”

*噹* “Catherine:岩岩食飽喇~下次再約啦~”

「食糖水?我呢期有D肥丫~遲D先啦~」

*噹* “Catherine:嗰套丫?我尋日先睇左咋~”

*噹* “Catherine:我唔睇鬼片你知架~”

「嗰幾日我都唔喺香港丫~等我返黎先再約過啦~」

不論係Whatsapp又好...直接打電話問Catherine都好...每次都係食檸檬既...

唔知係Catherine真係咁唔得閒...定係扮唔得閒黎避開我...

我只係知...我大大話話都約左Catherine成三十七次!但無一次係成功架囉...

只係想約出黎食下飯...睇下戲姐...都咁難?

唉...

正當我心鳩灰...意鳩冷...諗住約埋最後一次食晚飯...

*噹* “Catherine:今晚OK丫~”

終於都俾我...終於都俾我...俾我約到...

果然係皇天不負有心人!

終於都俾我約到Catherine喇!

“嗯嗯~咁你想食D乜呢?”

好野!我又可以見到Catherine喇!

*噹* “Catherine:咁你想食乜?”

想食乜丫...唔...我又無諗過添...

“你想呢?”

呢D時候,緊係睇下女仔想食乜先啦~

不過咁樣問...又會唔會俾人覺得我無主見呢?

*噹* “Catherine:去食雞煲好唔好?”

“好丫好丫~食雞煲好丫~”

契弟走得摩!

我緊係立即第一時間答好啦~

*噹* “Catherine:咁今晚七點荃灣地鐵站等”

“OK~今晚見~”

太好喇~終於都可以同Catherine撐檯腳喇~

已經好多年都無試過...

無同過Catherine食過一餐飯...

已經好多年喇...

估唔到隔左咁多年...無見咁多年...無聯絡咁多年...都可以遇得返...

仲可以...Keep住聯絡...

仲可以...約出黎食飯...

可以重新建立返關係~

建立返...關係?

建立咩關係?

可以建立D咩關係呢?

我同Catherine...

我想...我當然想可以...再近D...再親密D...

我想...我緊係想可以...修補返之前既遺憾...

修補返遺憾...

但講真嗰句...邊有咁易?

當初決定拋棄我...

而家又邊有咁易可以一齊返?

如果真係可以...當初就唔會輕易掉低我...

而家極期量最多都係做返朋友...

做返朋友...有朋友做都算唔錯...

係咯…做朋友都好丫~

好過乜都唔係...從此喺你生命中消失得無影無蹤...

係咯~做朋友啦~做朋友啦~

都係唔好諗咁多~打定個電話過去Book張檯先~

做男仔丫嘛~點都要做好準備既~

「七點兩位~姓羅既~係唔該~」打完個電話Book完檯之後...

我就帶住既期待,又輕鬆既心情,做下野~做下野~又做下野~

時間過得好快~好快就到左放工時間~

好快就黎到荃灣~

我就企喺地鐵站出口等下等~

等Catherine既出現~

望下左...望下右...望到有唔少靚女經過...

傳聞荃灣係特別多靚女路過~

睇黎真係唔講得笑~

左邊一個短裙仔~短到就快見到底褲仔~

右邊一個熱褲仔~個屁股邊都露晒出黎~

前面一個樣子甜美既~

後面一個對波大大既~

真係應有盡有~美女如雲~

之不過,縱使有無數咁多靚女喺我面前來來往往,我都係無動於衷~

因為我好清楚自己個心~

唔止...

應該話不單止在我心裏,就這我眼裏都只有...

「喂~咁早到既你~」Catherine離遠向住我揮手行過黎~

『呃...唔係好早姐~』我怕怕地羞咁同Catherine揮揮手...

我打量一下Catherine...

一頭銀銀灰灰既秀髮...紥起左條高馬尾...

一件緊身既黑色Tee...緊到胸前一對小饅頭都凸晒出黎...

下身一條白色熱褲...

一對白雪既美腿就露晒出黎...

再加上一對白色波鞋...

好青春呢...

「喂…仲乜眼甘甘咁望住人丫?」Catherine冷眼咁望住我...

『我...我無無...我睇你著得咁單薄...唔怕凍咩?』我開始有D語無倫次咁...

「而家咩天氣丫?凍?秋風都未吹到黎丫~仲鬼咁熱~我問返你著住套老西唔熱架?」Catherine打量一下我全身...

『無計啦...返工要見客...熱都要著...慣左架喇...』前陣子真係熱到生熱痱!

「真係辛苦晒喇~」Catherine一路行...

『無計啦...搵食丫嘛…邊似得你咁好...接一個婚禮化妝就收幾萬蚊~』我就跟住Catherine身邊行...

「你估日日都有Job接架咩?我地呢D好唔定架~衰起上黎三、四個月都無一個Job~唉~好天斬埋落雨柴啦~」一路行...

『我無客咪仲大鑊...個個月都俾人捽架...』一路傾...

「咁辛苦咪唔好做囉~」

『你養我丫?』

「你養我丫~」

同Catherine一邊行,一邊傾~

好快就黎到雞煲店~

穿過成堆等梗位既人群之後...

『Book左兩位,姓羅既~』我同個姐姐仔講聲~

「哦~呢邊丫~」個姐姐仔就立即帶我地入去~

我同Catherine就跟住入去~

「嘩!好彩你有Book位咋~估唔到會有咁多人架~」Catherine坐一坐低~

『緊係~我醒架嘛~』我就除一除件外套,摺一摺袖~

「係喇係喇~知你醒喇~」Catherine好似懶得理我咁~

『點丫~食幾辣丫?』我都轉移一下話題~

唔好糾纏喺女仔唔想傾既話題上~要有多方面思維~咁女仔先唔會覺得你悶架嘛~

「勁辣丫~」Catherine輕描淡寫咁答...

『勁...勁辣?!』我眼都凸埋...

「係丫~識得食雞煲緊係要勁辣架啦~做咩丫?你唔係仲係好似以前咁,少少辣都頂唔順嘛?」Catherine古古惑惑咁打量下我...

『邊邊邊...邊個話我唔...唔食得辣?我而而而...而家都不知幾食得辣!我係怕你會皮膚唔好姐!』死喇...我真係一直都唔係好食得辣架咋喎...

呢間野仲要係出名辣到仆街...

上次同班毒撚食微辣都辣到我不停飲可樂...

今次仲要係勁辣添...

「咁你又唔駛為我擔心喎~我皮膚一直都Keep得好好既~勁辣丫唔該~」Catherine勁輕佻咁...

唉...唔通要喺Catherine面前失威咩...

死就死啦...

「喂~做乜咁得閒約我出黎食飯丫?唔駛陪女朋友咩?」Catherine又古古惑惑咁打量我...

點解我成日都覺得Catherine係古古惑惑咁架呢?

『我都無拖拍...我約左你好多次啦~係你難約咋嘛…』仲話我得閒...係你鬼咁忙姐...

「前排有拖拍嘛~係無咁得閒架啦~岩岩分左手,自由晒~」Catherine向後伸左個懶腰...

『下?!又散左丫?你好似岩岩同呢個拍左唔夠兩個星期拖咋喎...』我記得Catherine呢個...好似係第五個...定係第七個?

差唔多咁上下啦...

總之就係黎得快,去得更快...

「係丫~正確D黎講係十三日半~咦...等等先...」Catherine諗左一諗,「乜你有留意開我架咩?」

仆街喇呢次!被發現了!

點算好呢?

我應該點答Catherine好呢?

我係唔係應該直接答佢我有留意佢既Facebook呢?

會唔會覺得我好變態呢?

會唔會覺得我好似《The Social Network》裏面個Mark Zuckerberg咁咁變態呢?

喂...真係好難講架喎...

呢D野...對女仔黎講...真係估佢唔到架喎...

有D女仔可能覺得無乜野~

覺得Post野上網就預左俾人睇~

仲越多人睇越開心添~

覺得自己多人留意丫嘛~

覺得自己多人重視丫嘛~

覺得自己似明星丫嘛~

得嗰幾千個Likes就以為自己係天后咁~

真心唔知係芒住佢D人變態,定係鍾意俾人芒住既人係變態囉~

之不過對某D女仔黎講,又鍾意Post出黎,但又唔鍾意俾D閒人聊架喎~

仲要話:「我鍾意Post上網係俾自己睇!唔係俾你地睇架囉!」

你鍾意Post出黎俾自己睇,咁你就Private左佢,自己睇到夠囉!

但又唔知點解你又話Post上網只係俾自己睇,但又要Public架喎?

做咩姐而家?我鍾意Post J圖出黎但唔鍾意俾人J呀咁話喇喎?!

真係痴撚線加變撚態!

屌!講下講下講到鬼咁遠...

而家應該諗下要點答Catherine先岩...

『我都有睇過下你既Facebook既~』我都係以一個唔緊唔緊咁既態度去答會好D...

起碼叫做無講大話...又唔係太似變態佬丫嘛…

「哦~咁你都幾留意我架喎~」Catherine打量我一眼...

仆街喇!都係被發現了!

『咁...我個Facebook唔係好多Friends咋嘛~而且我又無乜Like D乜野Pages既~好易留意到架咋~』我就緊係第一時間否應左先啦!

「哦~不過...你都係唔好留意我咁多~」Catherine輕輕放下一句...

『哦...』咁講法...即係...

即係唔想俾人留意?

即係鍾意Post出黎俾自己睇,但又唔想俾人留意自己?

定係只係唔想俾我留意呢?

覺得俾我留意住就好似俾個變態佬監視梗自己咁?

乜我真係咁似變態佬咩?

唉...我都唔知...

我只係知...呢種回應...唔係好既回應囉...

「好~去拎定D啤酒先~」Catherine起一起身。

『等...等我去...』我都未講完...

「得啦~你坐定定啦~」Catherine就用雙手撳一撳我膊頭。

望住Catherine既背影...

越行越遠...越行越遠...

再次遇返…唔係應該會覺得近左...

唔係應該會有一種久別重逢既感覺架咩?

點解我而家會覺得...我地既距離好似好遠...好遠咁架呢?

總係好似...雖然你就站在我面前,但我地之間既距離有如天之崖...海之角...天南地北咁...

係你行得太快?

定係我跟唔上你既步伐?

定係因為...一直以黎...我都只係跟住你身後...跟住你黎跑?

或者係...我無諗過可以再次同你相遇...

到真係相遇之後...我只識得留喺遠處望住你...

唔識得走近...唔敢去行近...

我同你之間既距離...心的距離...

「好彩係凍既~」Catherine拎左半打啤酒返黎。

『嘩~駛唔駛拎咁多丫?』飲唔飲得晒架?

「半打每人都係三罐咋嘛~你唔係唔飲得架嘛?」Catherine完全唔放呢半打啤酒在眼內...

『邊個話我唔飲得丫?我平時見客都成日飲架啦~』仲飲得好勁添!

「係咩係咩?唔知邊個上次喺我屋企飲到醉晒要我送佢返屋企呢?」Catherine冷眼望一望我...

『上次還上次!今次還今次!』大姐...上次係Black Label丫...

「有你呢句就得喇~黎!乾杯~」Catherine敲一敲我罐啤酒...一飲而盡...

『乾...乾...』我都跟住Catherine一飲而盡...

飲酒…飲酒…咩時候先會飲酒?

開心既時候會飲酒~

傷心既時候會飲酒...

飲酒…總係無分時候...

咁而家既Catherine...又會係因乜而飲酒?

可能只係想飲而飲...

「好~有野食~」飲完罐啤酒後,雞煲就到~

『好~食野…嘩!』我一夾件雞食姐,就已經覺得辣到仆街!

「做咩丫?好辣呢?」Catherine古古惑惑咁望住我...

『邊個話辣丫?我係想話嘩!好好味呀!』屌!真係辣撚到嘴都熱埋!

「哦~飲D啤飲啦~無咁辣架~」Catherine就食得好滋味咁...

『係唔係真架…』我開一開罐啤酒...飲一啖...又好似真係無咁辣...

「信我啦~我唔會老點你既~」Catherine就左手拎住罐啤酒飲,右手夾住件雞食。

我就同Catherine一邊食雞...

『嘩!』

「飲杯啦~」

一邊飲啤酒...

『係呢~你細妹佢幾好嘛?』

「無再聯絡LUU~」

『下?你地既感情唔係好好架咩?點解會無再聯絡既?』

「自從佢有左我前男朋友個肚之後就無左聯絡~」

『哦...』

邊食邊飲...又傾下吹下咁...

「嗰陣時…我同你分左手之後...我同左第二個男仔一齊...但呢個男仔...最後同左我細妹一齊...」

越飲越醉...

Catherine佢就越飲越醉...

「你真係好...傻~」Catherine醉下醉下咁搭住我...

『你先傻丫~飲到咁醉~喂喂...俾D力啦...』我就扶住Catherine,喺街上左擺擺...右搖搖...

「我無醉!我邊有咁易醉丫?!你先醉丫...傻瓜!」Catherine就攬下我...又挨下我咁...

『仲話無醉?你睇下你...你睇下你醉到...行步路都無力喇...喂喂...』上次飲Black Label就咁飲得...

今次飲打幾兩打啤酒就醉死左...

好彩我平時都有飲開啤酒~無咁易醉~

「我無醉丫!我都話我無醉咯!你信唔信我?你信唔信我先?」Catherine合埋對眼指住我...

『信喇信喇...』而家我講乜都無用架啦...

「你信我就講樣野你知...講個秘~~~密你知~」Catherine黐實晒我...

『得喇得喇~入去先講啦!』我喺Catherine個褲袋仔道摷條鎖匙出黎...

不過Catherine條熱褲真係太緊...

個褲袋仔又太過細...

「喂丫~好痕...好痕喔...」Catherine扭下扭下咁...

『喂…唔好扭啦...摷唔到丫...喂喂...』我好辛苦咁摷下摷...

「你摷到人地...好痕丫...」Catherine仲係咁扭...

『得喇得喇得喇!開門入去喇!』幾經辛苦終於都俾我摷到~

“咔”開一開門,我就扶住Catherine入屋…溫柔咁放Catherine落床...

「我丫...我丫...嗯~」Catherine箍一箍住我條頸...

『瞓好D...瞓好D...』我就幫Catherine除一除對鞋...除一除對襪...

「嗯...嗯...我...我真係...」Catherine痴痴迷迷咁攬住個枕頭...

『乖啦~瞓好D啦~』我幫Catherine擺返好個枕頭,再幫佢蓋一蓋上張被...

醉成咁...唉~

都好既...醉D...好瞓D既...

我再喺Catherine床邊,望多佢一陣...

確保佢唔再扭黎扭去...

唔再踢開張被之後...

我轉一轉身...一步一步...輕步咁...行返出門...離開Catherine間屋...