東日摸下摸下我個冬菇頭,又眼定定咁望住我。

只要係東日望住我既時候,我都會覺得好有安全感~

就好似...再無其他人~全個世界都只有我同東日咁~

呢份窩心既幸福我一直都好渴望擁有~

由幼稚園…到升上小學...中學...大學...





一直都好渴望...

好渴望有一個好了解自己既人...一個深愛既人...同時深愛著我既人...喺身邊...

一齊經歷每一分...每一秒...每一個時刻...

但就由細細個開始,圍繞身邊既男仔,個個都係嘻嘻哈哈...

個個都只係識得玩...開玩笑...無黎認真...





好似Timothy咁...一D都唔可靠...唔可以付托終身...

難得喺呢個世界上,竟然出現左一個好似東日咁既男人...

更難得既係,仲要俾我遇上~仲要俾我做到佢既女朋友~

我緊係要捉得緊D~

捉得實D~





但就係當我捉得越實...就好似...好似總係越遠咁...

尤其係當東日既視線唔喺我身上之時...

當東日望向遠方之時...

越望得遠...東日俾我既感覺就越黎越遠...

越黎越遠...越黎越遠...

我越捉得緊…東日就離我越黎越遠…

而喺東日身邊,就出現左好多好多唔同類型...唔同年齡既女仔...

個個女仔都俾東日既溫柔所吸引...





個個女仔都俾東日了解女人既心所吸引...

個個女仔都想捉實東日...攬實東日...佔有東日...

係屬於我既東日...

我想走埋去...我想推開D女人...我想趕走D不知羞恥既女人...我想搶返屬於我既東日返黎我身邊!

但莫講話搶...我就連走近都走近唔到...

我越係走近...東日就離得我越遠...

東日離得我越遠,我就越想走近!





一個惡性既循環...所有野都改變唔到...

我攰了...我累了...我無力再追趕了...我...我倒下了...

我跪喺地上...軟弱無力咁跪喺地上...

就喺呢個時候...

「起身喇~」

我聽到有一把聲音...

「起身喇~懶瞓豬~」

有一把溫柔既聲線...





「懶瞓豬~懶瞓豬~」

有一把溫柔既聲線呼喚梗我...

「比平時瞓多左五分鐘喇~」

眼前既影像都開始變成灰色...

『嗯?嗯...』喺未分裂飛散之前...

「要起身梳洗返工架喇~」一隻溫暖既大手摸一摸我個頭...

『嗯嗯...醒架喇...東日...醒架喇...唔唔...唔好走丫...』我口噏噏咁...口噏噏咁...





係實現?定係夢境?

邊道先係實現?邊道先係夢境?

「懶瞓豬~我一直都喺你身邊丫~邊有走到姐~」溫暖既大手一直喺我個冬菇頭上摸下摸下...

『嗯...嗯...一直都要喺我身邊...唔好...唔准...唔准走...』我扭下扭下個身...喺張被裏面扭下扭下...

「嗯嗯~唔准走~唔捨得走~錫晒你喇~啜~」被溫暖既大手摸下摸下之下,我感覺到有兩片柔軟既嘴唇貼住我既嘴唇...

『嗯...嗯...』我微微睜開雙眼,望一望眼前既...眼前既東日...

係我最深愛既尚東日~

東日佢無走到~

東日佢無離開到我~

東日一直都喺我身邊...一直都喺我身邊呢~~~

『嗯...嗯嗯...嗯~啜~嗯嗯~』我用力攬實東日黎錫~

太好喇~~~我又有東日錫到醒~

太幸福喇~實在太幸福喇~

「啜~嗯嗯~做乜今日咁嗲?」東日鬆一鬆開...

『嗯嗯!嗯~』我再用力箍一箍東日埋黎~唔俾佢鬆開~

我攬得東日好實好實~好實好實咁唔捨得放~

我成條脷都伸晒過去東日個嘴裏面~不停咁圍繞住佢條脷打轉~

東日亦都摸下摸下我個冬菇頭~攬實我條腰~

好舒服喔~

我成個人...好似完完全全都屬於東日咁~

我全個人...我整個人...包括我既靈魂...都係屬於東日一個~

『嗯...啜啜...嗯嗯嗯~』我再攬實東日錫多一陣...

飲下東日D口水…

突然...

『嘩嘩!』東日將我成個人由張床上抱起!

我雙手箍到東日條頸實一實!

東日抱住我~公主抱咁抱住我~又同我打住茄輪咁~

『嗯嗯...啜...啜...』我對腳就踢下踢下咁~

我一路同東日打住茄輪咁~我對腳又一路踢下踢下咁~俾東日一路抱住我行~行去浴室方向~

行到去浴室門前,東日放一放低我~

「好喇~真係要梳洗架喇~唔係既話,一陣食早餐就要食得好急架喇~」東日摸一摸我個頭,好溫柔咁望住我~

『嗯~不過我未拎內衣褲丫~』我再攬實東日~嗲一嗲下佢~

「等我幫你拎啦~想著咩款式同顏色丫~」東日摸摸我個冬菇頭後,行去衣櫃前~

『你幫我揀啦~』我就企定定睇下東日幫我揀咩款式同顏色既內衣褲~

只見東日打開個衣櫃之後,就企左喺個衣櫃前睇下望下...望下又諗下咁...

唔知東日會幫我揀咩款式同顏色既內衣褲呢~

唔知東日會…鍾意我著...咩款式同顏色既內衣褲呢...

東日諗左一陣,就喺個衣櫃裏面拎左套...

「嗱~」東日將套白色有Lace花紋既絲質內衣褲遞俾我~

我接一接過手,再古古惑惑咁打量下東日:『原來你鍾意白色Lace絲質內衣褲架?』

「我?OK啦~我記得你話過你鍾意著白色既內衣褲~而絲質既話就著得舒服D丫嘛~」東日笑笑口咁摸下摸下自己個頭~

原來...原來係因為東日佢...記得我有咁講過...

「快D梳洗喇~我煮埋個早餐先~梳洗完就有得食架喇~」東日摸一摸我個冬菇頭,再錫一錫我個嘴仔之後,行去個開放式廚房煮早餐~

我望住東日既背影…

你真係...好體貼呢...東日...

赤裸裸咁企喺個企缸上面...

任由暖水流遍全身...

好舒服丫~真係好舒服~

好似尋晚俾東日搞到我差D高潮咁舒服~

東日真係好了解女人~

就連點令女人舒服,都好似好了解咁...

摸邊個位...捽邊個位...咩角度...用咩力度...都好似一清二楚咁...

總係會令到我好舒服...

比起自己黎更舒服...更快到達高潮...

每次俾東日搞親,都好快令我忍唔住...

忍唔住要阻止佢...

唔係既話,真係噴到一床都係...

仲要係不斷咁噴...不斷咁震住黎噴...

喺開始睇東日既甜故之時,我都有...自慰既習慣...

每次睇到D甜位既時候,我都會濕起上黎...

而且仲會好不自覺咁摸起上黎...

摸下濕潤既陰唇...

又捽下自己既乳頭...

因為東日寫得實在太到肉...

寫到好似親歷其境咁...

總係會讓讀者好似置身於現場一樣...

好似自己瞓梗喺床上做梗...

好似自己俾人抽插梗...

由字裏行間之中...得到心靈同肉體上既高潮...

實在太真實...實在太立體...

我而家諗一諗...下面都已經濕晒...

暖水由頭流到落我既陰唇道...同我既淫水混合...已經分唔清係暖水定抑或係淫水...

我好想摸摸...

我忍唔住要摸摸...

用自己隻手…幻想住東日所寫既甜故裏面...一D甜既情節…摸一摸自己濕潤既陰唇...

我輕輕力捽一捽...

翻一翻起塊陰唇捽一捽...

『噢...』我輕聲呻吟...

就係怕太大聲...會俾東日聽到...我喺浴室裏有奇怪既聲音發出...

只係諗一諗...諗一諗東日所寫既情節...我都已經忍唔住...忍唔住要自慰一下...

所以點解東日會有咁多女Fans...

點解有咁多女Fans鍾意東日...

就係因為東日太了解女人...

太了解女人唔同既需要...

不論係心理...還是生理...

而點解東日會咁了解女人既需要呢?

呢個問題,我一日都會問好幾次...

只要我一覺得東日好了解女人...好了解我既時候...

我帶住呢條問題...呢份困惑...呢個迷沖完個靚涼~~~(仲自慰到差D高潮添~)

著返好晒D衫~

行出浴室~行到去放梗早餐上餐檯上既東日身後~

我攬一攬住東日~從後攬實東日條腰~

我成個身都壓埋去東日既背脊道~壓到對波都扁晒~

「沖完涼喇?做乜咁嗲丫傻豬~」東日摸下摸下我對手~

『係丫~沖完涼喇~想嗲下你唔好咩?』唔通我岩岩自慰過又話你聽咩~

女仔自慰過後,都總係好似D貓喵思春咁~有D嗲嗲地~

呢點東日無理由唔知架~

可能...東日只係扮唔知呢~

「嗯嗯~好好~越嗲越好~黎~等我幫你吹乾個頭先~濕到滴得出水喇~」東日拖一拖住我隻手,拖到我去床邊~

點解我會覺得東日呢句“濕到滴得出水喇”,總係好似有D隱喻咁既~

係又好~唔係都好~我就乖乖地坐定定俾東日幫我吹頭~

“呼呼呼”喺風筒強力吹送之下,東日好溫柔咁掃下掃下我個東菇頭~

『係呢~點解你咁了解女人既~係唔係因為...你之前拍過好多次拖~有好多個女朋友呢?』呢條問題我一直都好想問...只係一直以黎都開不了口...

而今次我終於都忍唔住要問出口...

「唔係唔係~緊係唔係啦~呢廿六年黎,唔計我暗戀人...又或者人地暗戀我...你就係我既第一個...你就係我既初戀黎架喇~」東日好認真咁點點頭~

下?乜原來我係東日既初戀情人黎架?

唔講真係唔知...

原來我地大家都係對方既初戀...

真係估唔到...亦唔敢想像...

所以我一直都唔敢開口問...

問東日我係第幾任…

之但係...

『我係你既初戀?邊有可能丫~你咁了解女人~』我古古惑惑咁由檯頭上塊鏡仔望去東日~

「可能係因為細細個就由阿媽同五個家姐湊大~由細到大都喺個女人堆之中~所以比較了解女人掛~」由塊鏡仔望到東日好無奈咁笑笑口~

下...有關係架咩...

東日了解女人既程度,唔係單單指心理...

就連生理都拿捏於股掌之中喎...

唔通東日細細個就同五個家姐玩護士同病人遊戲?

講開又講...我記得東日有寫過有關同二家姐不可告人既關係既甜故架喎...

唔通...真係真人真事黎既?!

「再加上我係寫開愛情小說架嘛~所以了解女人既喜怒哀樂都好正常架姐~」東日講到好似好有道理咁~

邊係愛情小說姐~你係寫開甜故~

D甜位仲多過感情情節...

描述動作仲細緻過心理情感...

邊算係愛情小說丫~

唔止係我一個咁講~好多讀者都係咁講~

尤其係高登D巴打~

唔甜又邊有咁多高登巴打追丫~

不過話分兩頭,“我係寫開愛情小說架嘛~所以了解女人既喜怒哀樂都好正常架姐~”點解好似怪怪地咁既?

唔係應該了解左女人既喜怒哀樂,先寫得出女人既心態...女人既需要架咩?

點解個先後次序好似...錯晒咁既?

「好~吹到八成乾喇~」東日摸一摸我個冬菇頭,收返好個風筒~

『嗯嗯~食早餐~食早餐~』我就彈下跳下咁彈過去餐檯~

算啦~

都係唔好理咁多~

大作家既思考模式呢~我地呢D平凡既讀者係唔會明架喇~

“你估我唔到”丫嘛~

東日都成日掛喺嘴邊既~

而家最重要既都係...

『開餐先~』

同東日幸幸福福咁食完個早餐~

當然就唔少得有東日幫我揀返工衫啦~

換好晒衫~著好埋對鞋仔...

『返工~』我就拖住東日落樓喇~

坐上東日既Mini Cooper,每日返工既日子都好似一樣咁~

朝朝有東日錫起身~梳洗一下~有東日幫我吹頭~食東日煮既早餐或者午餐~有東日車我返工~

好平淡~

生活好似好平淡~

我地既生活唔係就係咁平淡架咩?

差唔多都係日日如事~

但日日如事又點呢?

最緊要都係日日被幸福包圍住~浸死喺幸福之中~

平淡既生活,都可以好滿足~

「係丫~我今日下午呢要去同人地傾拍戲D野丫~所以陪唔到你食Lunch喇~」東日泊好架車之後,拖一拖住我~

『哦~唔緊要~我搵Timothy食就得架喇~』我拖一拖實東日隻手~

「嗯嗯~食飽D喎~唔好食咁辣喎~對個胃唔好架~都唔好食炸野喎~熱氣丫~你話岩岩先生完幾粒飛滋咋~唔好飲咁多凍野丫~你差唔多黎M架喇~」東日摸下摸下我個冬菇頭~

『知喇知喇~聽晒你話喇~你都係丫~唔好掛住做野連Lunch都唔記得食丫~』我咪起對眼,扮晒貓喵咁~

「嗯嗯~知道~我都聽晒你話~」東日摸住我個冬菇頭,錫一錫我個嘴仔~

東日就係咁架喇~

有時總係會長氣D~

又會煩氣D~

好似當正我係小妹妹咁照顧~

東日唔係話細細個就由阿媽同五個家姐湊大架咩?

唔係應該習慣俾人照顧多D架咩?

點解又會當正我係小妹妹咁湊架呢?

呢D係唔係就係渴望得到與習慣相反既潛在意識?

「好喇~咁你返工都要小心D喇~」東日送到我差唔多到舖頭之後,再三叮嚀我要小心~

『嗯嗯~你都要小心D喇~』真係長鬼氣丫~

「嗯~放工再黎接你啦~拜拜~」東日再錫一錫我個嘴仔~

『嗯嗯~拜~放工見~』我就轉身行返去舖頭~

轉一轉彎,行到入舖頭...

『早晨丫Timothy~』我同開梗檔既Timothy Say返句早晨~

「仲早?你都係岩岩好無遲到咋!搵日早D返黎幫手開檔得唔得架...」Timothy就成個喃嘸佬咁依依哦哦...

『咁你開檔開得好丫嘛~』有陣時口甜舌滑下氹下人地開心係必要的~

「係丫係丫係丫~等陣嗰對狗男女返黎你黎教丫...」Timothy無我咁好氣咁,開好個檔後就坐喺個Counter入面,拎部電話出黎撳撳撳撳撳...

『做乜話人地係狗男女咁衰丫?』我都行到埋Counter前~

「你尋日放假就梗係唔知啦!佢地兩個丫~尋日見無乜客就借頭借路話要一齊入Fitting打掃喎~打掃喎~一齊喎~你估我唔知佢地做乜咩?我仲聽到裏面傳出D“嗯嗯啊啊”聲囉~」Timothy成個八婆仔咁既樣~

『我緊係知你知啦~你都有試過丫嘛~嘿嘿嘿...』我古古惑惑咁望住Timothy~

「喂!話左唔可以再提起架嘛!」Timothy用佢隻臭手撳住我個嘴!

『唔唔唔唔!唔!唔~又係你講先既!』我Fing一Fing開Timothy隻臭手!

一D衛生都無!

「總之就唔好再提啦!」

『唔提咪唔提囉...』

男人係唔係個個都係咁?

自己做左D衰野唔提就當無件事?

唉~唔知~唔理~

我就係知我成個上午都睇住嗰兩個新人~

Timothy就Send左成個上午短訊~

『我地出去食野先喇~』我同嗰兩個新同事交低聲之後,就同Timothy行出舖頭門口~

Timothy繼續拎住部手機撳下撳下...

『喂!等陣都見到架啦!仲撳乜鬼野姐?』我拍一拍Timothy手臂~

「見還見~Send還Send~你識條鐵咩?」Timothy都仲係唔多理我...

『喂~今日東日唔得閒陪我~我Join埋你地一齊食丫~』我搭一搭住Timothy條頸~

「下...你會唔會亂講野架...」Timothy終於都理我~仲要用上一對好疑惑既眼神望住我~

『我會亂講D乜丫~』我古古惑惑咁望住Timothy~

「呃...你今朝先亂講完咋喎...」Timothy繼續疑惑咁望實我~

『你唔帶埋我去一齊食既話,我就真係會亂講野喇!』我箍實Timothy條頸黎行~

「呃...你真係唔好亂講野先好丫...」Timothy就半推半就咁俾我箍住黎行~

同Timothy行到入間酒樓,離遠已經望到有個女仔坐喺張四人檯前...

呢個女仔...好靚...身上總係散發住光芒...

仲有既係…陣陣既...仙氣...

呢個女仔總係好似...仙女一樣...

一樣咁神聖不可侵犯...

佢既眼神...望住茶杯既眼神...空洞無物...

總係好似...處於另一個空間...

一個接觸唔到既空間...

Timothy一直帶住我...行過去...行到過去個女仔面前...

「珮琳~」Timothy呼喚一下面前呢個女仔...

「丫~」個女仔回一回神,「黎左喇?黎左喇?」

「嗯~黎介紹下先~珮琳~阿儀~阿儀~珮琳~」Timothy好簡單咁介紹一下...

「你好丫你好丫~Timothy成日喺我面前提起你架~」我一坐低,珮琳就捉住我隻手~

『你好丫珮琳~Timothy成日都掛住你架~你真係好靚女丫~』珮琳隻手有D凍...

可能係因為岩岩康復既關係?

「多謝喇多謝喇~係呢~聽Timothy講...你既男朋友係愛情小說家冬甩丫呵?」珮琳尷尷尬尬咁~

『嗯嗯~』我怕怕羞羞咁點點頭...因為珮琳真係太靚女喇...

「其實我都係一個...講故婆黎既...唔知可唔可以搵日約冬甩出黎交流下咁呢?」珮琳仲係尷尷尬尬咁~

『哦?』係喇...Timothy都講過珮琳係一個科幻小說家黎架!

唔怪之得...總係散發住陣陣既書卷味啦~

「我係唔係太過唐突?」珮琳超唔好意思咁笑笑口~

『唔係唔係~無乜問題無乜問~我會幫你約下冬甩出黎~我...我只係好奇頭先喺你既眼神之中...見到冬甩既影子...』到我超唔好意思咁...

「哦?」珮琳好似唔係好明咁...

『我...其實...』我又唔知點講好...

Timothy打量左我一眼:「你係唔係想講...你同冬甩好似怪怪地咁呢~但又講唔出有乜咁怪呢?」

Timothy做乜好似突然咁了解我咁既?

「哦~哈~」珮琳笑左一笑,「我地做作家既...有陣時都...真係怪怪地架~」

做作家既...有陣時都...真係怪怪地?

Timothy同珮琳打量左一眼後,異口同聲咁講左句:「不如搵下情聖~」

『情聖?』

「係“情人”個“情”,“性愛”既“性”~情性!」