坐喺間高級既法國餐廳裏面,我面前坐左一個艷壓全場既女仔。

個女仔長著一把長長既秀髮,髮尾有少少捲曲。

身上穿上一條紅色既吊帶晚裝,盡顯佢雪白嬌嫩既肌膚,同驕人既身段。

在場既男士無一不被佢既魅力吸引...總要將視線放到喺佢身上...停留喺佢胸上...腰上...美腿上...

就連幫我地斟梗酒既Waiter都望住佢條事業線...手都震埋咁...





係既…我面前呢個岩岩大學畢業無幾耐既女仔真係好吸引...

我相信只要佢開口講一聲...無一個男人可以抵擋得住...

甚至佢都未開口,只係見到佢個人,你都會忍唔住開始...開始幻想梗...

幻想可以同佢喺床上...卿卿我我...

望住佢個濕潤嘴仔,你會幻想佢會含住你又舐又啜...





望住佢對豐乳,你會幻想佢瞓喺道俾你抽插既時候點樣搖下搖下...

望住佢條纖腰,你會幻想點兩隻手岩岩好捉得晒...

望住佢個翹屁股,你會幻想“啪啪啪啪啪啪啪啪啪啪啪啪啪啪”聲可以有幾大...

望住佢對白滑美腿,你會幻想剩係玩腳都可以玩足成晚...

一個只係見到都充滿幻想既美少女...就正正喺我面前...飲住紅酒...面紅紅咁...情意綿綿咁...望住我...





呢個女仔叫做...Michelle...

係岩岩Fresh Grad入黎我地公司做左一個月既...同事...

「France...如果今晚你屋企唔方便既話...可以上我道...我自己住...唔會有人打擾我地...」Michelle望住酒杯上既唇印。

同時間,我仲感覺到我隻小腿...俾著住高踭鞋既Michelle隻腳...掃下掃下...來來回回咁掃下掃下...

『送你返屋企既話,我都方便既。』食完飯,送個女仔返屋企,係男人應有既禮儀。

「你知我係咩意思架...你知我一直都對你有意思架...」Michelle帶住憂鬱既微笑望住我...

我無出到聲...亦都無望住Michelle...

我只係望住張淺啡色既皮檯布,帶住無奈既微笑點點頭。





我知...我點會唔知...

由我第一日In你...我就知你對我有意思...

當日你黎Sec In,一入到我間房,第一眼望住我既眼神,我就知道假如真係請左你既話,總會有呢一日...

總會好似今晚咁,你會主動約我出黎食個浪漫既法國餐...

飲住紅酒,面紅紅咁同我講:「可以上我道...」

只係...

『我唔明白我有乜咁吸引你。』我困惑咁望住Michelle笑一笑。





「你事業有成...有上進心...有領導才能...對人親切友善...有責任感...又懂得照顧人...又成熟又穩重...仲風度翩翩...係世上難得既好男人。難道之前無女仔咁同你講過咩?」Michelle搖下搖下杯紅酒,望一望住我。

『唔...』其實...我都有聽過...

我都有聽過其他女仔咁講...

只係我唔明白...就算我真係有你地所講咁好...係世上難得既好男人都好...咁就足夠架喇咩?

「係我唔夠吸引?」Michelle帶住一對委屈既眼神望住我...

『唔係…』點會唔吸引?

就正如我剛才所講,Michelle係一個大美人。

如果我有Michelle所講係世上難得既好男人...Michelle就係世上難得既性感尤物...





而事實上,之前喺考慮請唔請Michelle入黎做,除左話擔心要面對俾佢愛上既風險,仲有就係怕班男同事會分心...

有好多人都認為,請個靚女返黎公司利多於弊。

縱使佢唔做得野,至少都可以睇得下。

放喺公司裏面做花瓶,玩下手仲有得插下花。

或者對某D腦細黎講係既...

但對我...同我老細黎講...就未必喇。

我地都好怕會請到D靚女返黎,搞到D男同事無心工作。





唔係掛住去點樣去同個女仔增進感情,就係諗點樣擊退情敵。

咁樣只會影響到公司裏面既氣氛。

但係唔請返D靚女返黎咩?D男同事又話好Dry...

所以話,我都有諗過不如請晒全女班返黎好過~

之但係...咁樣我又怕老細會誤會我想搞後宮呢~

所以話,而家既職場真係唔容易生存呢~

「既然我唔係唔吸引...咁點解...唔上黎我道...喔?」Michelle雙臂一夾,上身向前傾,成條事業線就出晒黎。

『我...屋企有人等梗我返去。』我望住餐檯,摸下摸下無名指上既戒指...

「我唔介意...我唔介意做個唔見得光既女人。只要可以同你一齊...只要可以得到你...得到你既愛...」Michelle既眼神相當堅決。

聽到Michelle咁講...真係令我定左一定...動左一動...搖左一搖...一、兩秒...

『但我介意。假如我真係接受左你,喺我老婆背後偷偷同你喺床上纏綿...我就唔係你剛才口中所講既“世上難得既好男人”。我只係一個賤男。』我用上更堅決既眼神望住Michelle。

Michelle聽到我咁講完之後,好似嚇左一嚇咁...

係我講得太深奧?定係佢接受唔到?

唔知呢...反正Michelle都唔係第一個俾個咁既反應我既女仔。

我亦都唔會覺得有乜咁出奇。

而且...就算Michelle有咩反應都好,都唔會影響到我既決心...

我對我老婆一條心既決心!

過左好一陣子之後,Michelle拎起杯紅酒...“噹”一聲,敲一敲我隻酒杯:「你真係一個世上難得既好男人。」

『多謝。』世上難得既好男人...

係唔係真係咁好?我真係唔知...亦都唔係好想去知...

但既然Michelle咁樣講既話...就為我呢個世上難得既好男人乾杯吧。

同美女飲飽食醉後...

『時候都唔早喇…』其實都係時候...

「係時候要交人喇?」Michelle有D唔捨得咁望住我...

『嗯...送埋你返去就差唔多喇...』送埋Michelle返去既話,我諗都係十一點左右就返到屋企。

未過十二點,都唔算夜歸~

「嗯...咁我去補補妝先~」Michelle拎一拎起個手袋仔...

『嗯~慢慢~』我就望住Michelle個大露背,扭下扭下個屁股咁行去洗手間...

在場既男食客都好似好想立刻走上前問價咁...

男人...好多時都係咁...

不論有無老婆仔囡...有錢無錢...都會想同其他女仔鬼混...

縱使你幾有定力都好,都總會有一秒心動...

總會想偷偷背住自己既老婆,享受其他女仔既肉體...

卿卿我我...纏綿一番...

纏綿一番…真係咁好玩?

“纏綿遊戲過後 為何情不可永久”

我總係覺得...唔可以永恆既,得黎為乜?

貪一刻的樂極忘形?

好想說謊?不眨眼睛?

似進入無人境...

即使間整個約會情調幽暗似地下城,還是算溫馨?

多麼想跟你散步橋上把臂看著風景...

但是我清醒!

月亮總不肯照亮情慾深處那道背影...

你我像快快樂樂同遊在異境...

我唔想浪漫到一起惹絕症呢~

所以...都係做個乖乖既男人好~

埋完張單,等Michelle補完個妝...

『行得?』我行到去Michelle身邊...

「嗯~行得~」Michelle就翹住我手臂,喺眾男人既葡萄目光之下行出餐廳。

Michelle一直翹實我,向住停車場方向行。

而我相信Michelle係真空上陣...

因為我既手臂...可以好清楚咁...感覺得到Michelle個豐乳既彈性...

除左件薄身既絲質晚裝外,中間並無任何阻隔...

其實當我望到Michelle既大露背之時,我就喺道諗會係真空上陣?定係D特別既Bra呢?

我唔係好知...始終D女人野我都唔係好識...

之但係而家可以用手臂體驗...我就可以好肯定Michelle係無戴Bra~

不過有無戴又關我咩事?

我又係唔係諗得太多呢?

這就是男人既天性?

我唔會接受~我係唔會接受男人既天性~

所以一路上我都想保持返一定既距離...唔想觸碰到Michelle個豐乳...

但當然Michelle就唔會俾我有喘息既機會...

Michelle一直都翹得我好實...仲要壓晒成個身埋黎...

係Michelle積極爭取?定係我唔捨得離開?

點都好...我都係想快D去到我架車道...唔駛再俾Michelle翹實...唔駛再俾Michelle個豐乳迷惑...

我帶住忐忑既心情,俾Michelle翹實黎行...

行左好耐好耐咁...好似好辛苦咁...好辛苦先黎到停車場...黎到我架紅色既Ferrari 488 GTB旁...

我好快手咁幫Michelle打一打開車門...扶一扶住佢隻手...

「唔該~」Michelle用隻幼嫩既手仔捉實我隻手,坐一坐上座位。

當Michelle一坐上座位之時,仲要拉一拉高條裙...

一對雪白光滑既美腿就展露喺我眼前...

仲未肯放棄嘛?

都到左呢個時候,仲想爭取嘛?

真係要爭取到最後一刻嘛?

難道我仲未講得夠清楚?

難道你真係覺得要做我既小三係最幸福嘛?

就算你真係覺得做我既小三會得到幸福都好,我都唔會背叛我既老婆!

點都唔可以!

我坐一坐上駕駛座...喺個軚盤上按下ENGINE START…

“吼!吼...”

都係快D送Michelle返去...

“吼~~~吼~~~吼~吼~~吼~~~”V8雙Turbo引擎既聲音都有D大...

令到我個心跳都跳得唔係咁自然...

所以...我都係決定播一播音樂...

喇叭響起音樂...

「係Olivia Ong?」Michelle好奇咁問一問。

『嗯~係丫~OK嘛?』我好專注喺條馬路上,隨便咁問一問Michelle。

「嗯~OK丫~我都好鍾意聽佢D歌~」Michelle都好似好滿意咁。

『嗯~係丫?鍾意就好喇~』我繼續好小心咁控制住架Ferrari 488 GTB。

“Fly me to the moon And let me play among the stars”

一邊聽住輕快既音樂...

“Let me see what Spring is like”

一邊好專心咁控制住架Ferrari 488 GTB…

“On Jupiter and Mars”

喺漆黑既路面上...

“In other words hold my hand”

就只有暗黃色既街燈照明...

“In other words darling, kiss me”

閃下閃下...

“Fill my heart with song”

其實呢首歌...

“And let me sing forevermore”

係我老婆最鍾意聽既歌...

“You are all I long for

All I worship and adore

In other words, please be true

In other words, I love you”

我老婆佢都好鍾意Olivia Ong~

總係鍾意喺屋企Loop住Olivia Ong D歌~

一Loop就Loop足成日~

而我每次一聽到Olivia Ong既歌,都會諗起我老婆~

諗起佢聽歌時候既安靜樣~

諗起佢既微笑~

諗起佢既甜美~

我老婆佢...幾時都係咁甜美~

未結婚又好~結左婚做我既凌太都好~都係同初初相識時候既佢一樣~都係咁甜美~

可以娶到佢,可以話係我一生人最大既福氣~~~

所以我一直以黎都好珍惜...

好珍惜同老婆相處既日子...

“吼~~~吼~~~吼~~吼~吼!吼...”揸住架Ferrari 488 GTB好快就黎到Michelle屋企樓下。

『到喇~返去早...』我都未講埋“D休息喇”...

「啜~」Michelle就靠一靠近,錫一錫我面頰...

Michelle再喺個手袋仔裏面拎出紙巾...

幫我抹一抹面上既唇印後:「我地就不拖不欠喇。」

『嗯。』我點一點頭。

不拖不欠?我諗應該就係無瓜無葛咁解喇。

我落一落車,幫Michelle打一打開車門,就扶一扶住佢落車...

「拜拜喇~」Michelle向我揮一揮手。

『拜拜~』我都向Michelle揮一揮手,唔再多講無謂既說話。

望住Michelle既大露背...望住Michelle既背影越行越遠...越行越遠...行到入大門...行到入升降機...行到消失喺我眼前...

你係一個好女仔...應該搵過好男人...搵過適合既男人先岩~

唔好浪費自己既時間...唔好浪費自己既青春...喺一個有婦之夫身上喇~

我挨喺架Ferrari 488 GTB側邊...

望下個星空...

今晚既夜空都好清~可以見到好多星星~

係難得既夜晚~一個既寧靜,又平安既一個晚上~

就連空氣都清新D~

我抬頭仰望星空,再吸多兩啖新鮮空氣...

『呼~』抖多一啖大氣~

“咔”上一上返車…

坐喺駕駛座上扣一扣好安全帶...

喺個軚盤上按下ENGINE START…

“吼!吼...”

『好~返歸~』

“吼~~~吼~~~吼~吼~~吼~~~”V8雙 Turbo既引擎聲都幾好聽既~

好多時我都幾鍾意聽~

無左Michelle喺身邊,我就唔駛藉著Olivia Ong既歌黎增強自己既定力~

雖然話Michelle唔喺身邊,不過佢陣香水味...仲喺車箱內呢...

我已經故意唔咁快上返車,就係想等Michelle陣香水味散走D先...

但睇黎…Michelle既香水太香喇...好難散得走...

不過唔緊要啦~反正老婆都唔會坐我架Ferrari 488 GTB~就由得D香水味繼續殘留喺車廂內...幾耐都無所謂...

“吼~吼~~吼~~~”喺高速公路上飛馳,我一心都只係想可以快D返到屋企。

要係十二點鐘之前返到屋企。

你話我係灰太狼都好啦~呢個係我對我老婆既承諾~

就算有幾多野做都好,應酬到幾夜都好,都唔可以夜過十二點鐘返屋企。

老婆話過:「唔可以咁夜瞓架~對身體唔好架~」

唔可以咁夜瞓...會對身體唔好...

所以就算同朋友玩得幾開心都好,我都唔會玩得夜過十一點~

可能佢地會覺得好掃興~但我應承得我老婆既話,我就一定要做得到!

好彩既係我間公司唔俾人留喺公司開OT~唔係既話就真係要靠政府養都似~(我諗除左我地間公司之外,應該無乜邊間公司係唔駛開OT~)

“吼~~~吼~~~”一邊諗住我老婆,一邊喺暗黃色既公路上飛馳。

“吼~~吼~吼!吼...”好快我就返到黎屋企既停車場。

“咇”鎖好車之後,望一望手上隻Piaget...

『十一點零六分~』好彩沿途返黎都無塞車~

更好彩既係無D飛車黨喺我前面急煞~

唔係既話,真係十二點都返唔到黎~

我就一步一步咁行返上平台...喺個漆黑既公園平台上一步一步行去大門...行去搭升降機...行到去家門前...喺褲袋入面拎一拎出條鎖匙...

“咔”開一開鐵閘...

“咔”開一開木門...

“啪”開一開廳燈...

放一放低個公事包...除一除鞋...一步一步行入漆黑既睡房...

當我行入漆黑既睡房後,我坐一坐喺床邊...

開一開著盞床頭燈...

暗黃色既燈光照射到床頭上既一張相...一隻戒指...

我喺床頭上拎起隻戒指...拎一拎起最後一次同老婆影既合照...係我地最後一次行西九龍海濱長廊,有一個女仔幫我地影既合照...

我望住張合照...望住相中既老婆...笑得好甜美既老婆:『老婆丫老婆~你知道嘛?今日又有個女仔話我係好好既男人,想同我發展丫~個女仔人靚聲甜~身材又好又青春喎~我差D就把持不住架喇~』

我眼定定咁望住老婆既甜美笑容...吸一吸口氣...

『三年喇...呢三年以黎,我一直都好聽你話...唔大頭蝦...過馬路要睇燈過...揸車要睇清楚路面...做事要上心...要有責任感...多D幫助別人...笑多D...唔食煙...唔飲咁多酒...少肉少油多蔬菜...唔飲凍野...晚晚都要十二點鐘前瞓落床...好好愛惜自己身體...』我手震震咁...手震震咁拎實張相...

雙眼開始越黎越模糊...

『我好聽你話...好好咁愛惜自己身體...好努力...好努力咁去做一個盡責任既男人...三年黎...我都有將你既每一句話放喺心裏...每做一件事...每做一個決定...我都會以你既準則去做...』眼淚都開始由眼裏流出...

眼淚流落面上...流落下巴...滴到落張相之上...老婆既笑面上...

『我終於都成為人地口中既好男人...人地口中既“世上難得既好男人”...但點解你要離開我...點解我唔可以係你口中既好男人呢?我只想成為你既好男人咋...只屬於你一個既好男人...我真係好掛住你丫老婆...老婆丫...』我攬住我同老婆既合照...痛哭起上黎...

我真係好掛住我老婆...

三年喇...我無時無刻都係咁掛住我老婆...

三年以黎,我都好好咁記住老婆瞓喺病床上...同我講既最後一番話...

「我唔喺你身邊既日子...要好好照顧自己...搵返個人好好照顧你...唔好要我為你操心喇...應承我啦...我愛你丫...老公...」

應承...我當然會應承...

只要係老婆既說話...我都一定會應承...

不過有一樣...我真係做唔到...

我真係唔可能搵返個人照顧我...

除左你之外...我根本就無可能再同到其他人一齊...

『我只愛我既老婆一個...我只愛你一個咋...老婆...我真係好愛你...』我再望一望住張相...

含淚抹一抹沾喺老婆面上既眼淚…

我只係想俾你照顧呢...老婆...