悲鳴日日都打自己一巴,希望嗰日既事唔係真既,但係佢日日打到自己面都紅哂,都無補於事。有一次悲鳴又打到自己面紅之後返學,行行下樓梯同個肥婆四目交接,個肥婆仲要以為悲鳴塊面咁紅係因為悲鳴對佢有意思。悲鳴完全無精神咁行過,連肥婆隻腳趾都唔望一眼。

  「唉!」悲鳴上到課室先黎一招仰天長嘆,對食緊野既言已表示不滿,同時希望減少自己呢種頹爆既心情。再黎一個完美式伏低,因為佢既仰天長嘆對言已做成傷害既時侯同時吸引受到傷害敵軍注意,伏低係因為避免受到言已之後既反擊。但係言已又無反擊,導致悲鳴好似伏低得好無謂咁。悲鳴一直伏喺度,成晚都失眠既悲鳴好自然咁訓著左。

  自從上次差小小一下扑濕女神之後,悲鳴既感官強化左好多,就算訓緊覺,有人行緊過黎都會察覺到,無非都係唔想女神真係比佢扑濕姐。上次單手舉枱,令班上唔少人都比佢單身多年所訓練出既二頭肌嚇到,班上面無咩人夠膽撩佢。但係呢個人唔驚之餘,仲行過去拍悲鳴個頭一下。

  悲鳴意識到有人行緊過黎,身體作出一種保護既行動,盡量等認清對方之後先行動。突然對方好似用盡奶力咁當頭打落悲鳴到。本來悲鳴既重心已經偏向一邊,比人咁樣打一下自然成個人跌左落地下。悲鳴仲未反應到成件事,只係知自己比人一下收左皮。佢望一望係邊個茂利打佢。先發現一對修長既雙腳,之後係一條睇落日日都燙既女童軍制服,再之後就係一個被天花板燈照到反哂光的黑影。此時,悲鳴情以何堪呢。想還拖,又唔知對方身份,想駁嘴,人地又未講野。喺電光火石之間,佢諗到一個聰明既方法。

  「做咩打我?」悲鳴用半帶怒氣又半帶疑問的口吻講出呢四隻字,悲鳴相信,呢個問法應該可以有一個滿意既回覆。「想打咪打,唔打得呀?」對方意志堅定咁講出呢段說話。悲鳴進入左思考盲點,佢完全無諗過對方會咁答,喺佢再次思考呢句野奧妙之處既時侯。又一腳踩落悲鳴身上,「做男人做到你咁失敗,你不如左去算啦!一次兩次就咁頹!」佢一套技放落悲鳴身上,令悲鳴無言以對。更可怕既係,呢一番說話,講野人係,霜心!



  悲鳴都未知自己錯咩,佢成日都諗緊自己有咩做錯令霜心咁樣話佢,亦有一刻好憎呢個八婆,好想等佢專心上堂個陣整佢!但係悲鳴又點會打女仔吖。佢吞聲忍氣咁捱過一日,都未諗到點解霜心要咁講,更加唔明點解霜心要打佢!悲鳴決定要whatsapp佢,問個清楚!

  悲鳴沖完涼即刻打開電話,開班群搵佢電話出黎。對於呢種女神,頭像當然係一張P完既自拍相,但係P得都唔算好過份。悲鳴輸入「你今日做咩打我?」,然後玩佢既電腦。過左一個鐘,霜心終於上線,輸入「你係邊個?」,悲鳴心諗「你今日先打完我,你而家問我係邊個?」。正當悲鳴想輸入嗰陣,霜心:「哦,我知啦,你係廢柴鳴(笑喊emoji)」悲鳴差D整爛手上隻模型,悲鳴心諗「呢個八婆打完我叫我廢柴?」,悲鳴為左避免多一單校園暴力,佢照copy第一句「你今日做咩打我?」,原封不動送返出去,然後托返起自己嗰個比霜心搞到O左既下巴。霜心輸入:「想打,咪打。唔得?」,呢個答法令悲鳴真係將佢手上隻雷射大炮整爛左。悲鳴輸入:「你個八婆信唔信我聽日就姦左你?」,係禁送出既時侯。霜心輸入:「唔同你講住,我要去屙屎(屎屎emoji)」,悲鳴取消輸入。心諗「身為女神都要屙屎?仲要同講唔熟既男仔講?」,但悲鳴都係覺得句野半帶點嘲諷。所以等佢上線先再搵佢,然後搵起一D工具整返好隻心愛既雷射大炮。

  悲鳴一直等,等到佢想訓嗰陣,霜心先上線,霜心輸入:「去完,嘻嘻(滿足emoji)」悲鳴輸入:「你身為女神都要屙屎?仲要屙左成個鐘喎大佬!」,霜心輸入:「你係唔係玩野呀?女神唔係人呀?人唔洗屙屎呀?仲有我唔係女神呀!(紅面憤怒emoji)」根據悲鳴上堂學到既知識,人有齊生物七特徵,包括排泄同排遺,所以人要屙屎其實唔出奇,但係神係唔係生物呢?佢呢刻好有衝動想問阿SIR,但係唔想比個阿SIR講一大輪野,所以都係唔問。悲鳴心知不妙,悲鳴輸入:「你係唔係有野想講,不如講白D吖!」佢用鄭中基係龍咁威入面既台詞回覆。霜心輸入:「我要訓覺,你自己GAG下先啦,88(揮手emoji)」,悲鳴禮貌咁講句88之後,自己都返上床訓,佢唔明,佢真係唔明!

  第二日,成晚無訓既悲鳴再搵過霜心,霜心輸入:「頂,點解你可以咁低能?廢柴真係廢柴。我既意思係,係人都要屙屎,要屙既時侯就會急。急屎又有幾出奇?你點解要因為正常既生理行為而頹?我真係唔明!」悲鳴如夢初醒,輸入「你估我好想架?咁而家比人印象唔好,點媾佢?」霜心隔一分鍾後輸入:「你同佢識左幾耐?」,悲鳴輸入:「四年」「之前有無同佢傾過計?」「有」,霜心無回覆。悲鳴換衫返學,出門口個陣,霜心:「咁就得啦,你而家,差個機會!等我幫你啦,你準備好你既第一步未?」

已有 0 人追稿