今日,係9月1號。到左Form4我都依然同丁當番學,我地都住係荃灣海濱個頭,不過丁當就住我隔離個屋苑。好彩我同佢今年都一樣揀左經濟,一齊入左4A。 

「藍藍,好心你啦,到依家都仲係孖辮妹,唔怪得成日比人笑啦,小學雞 」呢位就係我青梅竹馬—丁當。佢人唔係好高,皮膚黑黑地,前面d陰留到好長,仲要載住副黑色粗框眼鏡,眼細細,成日都俾人笑做毒蘑菇。唔好睇佢依家講野串串貢,對住其他女仔佢連打招呼都會紅都面哂。如果唔係由幼稚園識佢到依家,我估佢連個女性朋友都無 ,我仲好記得幼稚園開學第一日佢係校巴上面喊到豬頭,就係果陣時就同佢識到依家。藍藍係我花名,我叫藍琛蕾。 

「你個死丁當! 連開學都係要串我,你好好咩!小毒向左走向右走!」我扁扁嘴望住丁當。 

「快D行啦Seven Head!唔係想開學第一日就遲到呀」丁當用佢隻食指篤左下我個額頭。丁當次次見到我扁哂嘴,就會用手篤我個額頭,今次都唔例外。 

「叮噹叮噹」準時8點10分。聽到門外傳黎高踭鞋聲,一陣薰衣草味隨即傳到。 



「各位同學,大家好!我係今年新黎既Econ老師亦會係4A班既班主任—Miss Wong」呢位女Miss真係好靚呀,雪白既襯衫更加顯得佢高貴,搞到我有少少自卑。佢行得愈近,陣薰衣草味就愈濃,勁有女人味。 

「嘩!洗咪咁那索呀,呢一年我一定要好好專心上Econ,等Miss好好調教我。 」肥仔俊同其他男同學眼甘甘咁望住Miss Wong,成副狼相出哂黎,好彩丁當都唔似佢地咁。 

「你地覺唔覺得Miss Wong勁似松島楓? 一樣咁Jable! 」「我以前J開佢嫁!正呀! 」隔離幾個男仔係度細聲討論。 

「同學唔好掛住傾計先,我地今年有一位插班生,不過佢今朝遲到,遲下再好好同大家介紹。依家選左班長先啦,同學可以推薦同自薦。有無人想做女班長?」Miss一講完大家都望過黎。我做過3年班長,3年黎個個見到我都嗌我女班長。見到個個咁,我都唔好意思推。 

一選到男班長,個個男仔都即刻舉手。「呢位男同學最快。睇黎你好想幫老師手,就你啦!」Miss笑笑口指住肥仔俊,成班男仔即刻怒目佢,肥仔俊好似做左世紀賤男咁。 



「為左令大家唔好一開學就埋堆,我特別為大家設計左個遊戲。依家先派張紙條仔,上面有個E-mail同PW,千祈唔好比人知。」 Miss Wong逐個逐個派紙條仔,個個都好好奇。  

平時班男仔都一定訓L哂,見到靚女Miss就聽聽話話。 

「拿,呢個係全新既MSN帳號。你地今晚開始要用呢個MSN同一個朋友仔傾下計,唔準出貓講定你個名比老友聽呀!我都會玩埋一份,所以好易知你地有無出貓嫁。記住頭一個星期要為自己既身分保密呀。」 班毒男即刻雙眼發光,開始FF每晚同靚女Miss Wong 傾計。   

玩遊戲都無所謂啦,反正我點都一定搵到丁當。 

只不過,調皮嘅丘比特總係鍾意開玩笑,玩弄住無知嘅我地。