[真人真事+少少甜] 一切，由MSN開始: 第二章、丁：陽光男孩
每班都總會有一個肥仔，而佢就係我老死肥仔俊。同普通嘅毒向左走向右走一樣，佢淨係識打機同打飛機，加埋我地又鍾意打波，所以2條毒向左走向右走行埋一齊就friend過打band。
「Hi！尋日同你雙排又雷９我
！」 「你仲好講？你jg俾人偷哂紅藍buff仲要黎偷我兵我都未Hi 你！我自己單排一早就贏到bo3啦！
」 就係咁你一句我一句，話咁快就打鐘。雖然我同肥仔俊傾得好high，但我冇同佢坐，反而係坐係藍藍隔離。藍藍係我嘅青梅竹馬，由幼稚園到小學再到中學都係同一間學校。身為一個毒向左走向右走，唔好話係一個青梅竹馬，想搵個女性朋友都難，但係藍藍對我黎講就係一個咁特別嘅存在。佢個人矮矮地，成日都紮孖辮，一對大大既貓眼，份人膠得黎又幾得意，一俾我笑佢７佢就會紅到好似蕃茄咁。之前都有唔少人追佢，但係唔知點解佢都拒絕哂。雖然我地有時會俾人誤會左做男女朋友，但係其實我地表面上嘅友情真係純過蒸餾水。不過，佢一直唔知嘅係其實我由好耐好耐之前就已經暗戀佢，只不過身為毒向左走向右走嘅我覺得可以維持現狀，繼續陪係佢嘅身邊，咁就已經好足夠。
Miss行入課室，全班嘅男同學即刻靜左落黎。「各位同學，大家好！我係今年新黎既Econ老師亦會係4A班既班主任—Miss Wong」眼前呢位Miss留左頭黑色長髮，戴住副白色嘅粗框眼鏡，著左件白色嘅襯衫，隱隱約約透左個黑色蕾絲bra出黎，驟眼睇都應該有D cup
。下身仲要著住短裙搭黑絲，簡直就係成副戰鬥格
。(唔會有甜嫁喇，唔好ff喇) 個Miss之後講左D咩我都唔係好記得，腦裏面就只係得番尋晚睇果套男學生大戰女老師，諗起都扯扯地。就係呢個時候，有個男仔氣吁吁咁跑左入課室。個男仔短頭髮，古銅色皮膚，都幾高大下，一睇就知係陽光男孩。啲女仔本來傾緊計嘅都停低哂，眼定定咁望住個男仔，好似前世未見過靚仔咁
。我望下隔離嘅藍藍，佢雖然冇好似其他女仔咁流到成地都係水，但都係眼定定望實個轉校生，依個時候我就已經對個轉校生冇咩好感
。 「第一日返學就遲到，都唔慌係咩好人啦
」我喃喃自語。 「新同學，不如你介紹一下自己先啦」
「早…早晨。我係新黎嘅轉校生，我叫郭雄仁，大家可以叫我做大雄，我最鍾意嘅係打波，請咁多位多多關照。」
「雄仁你就坐係女班長隔離啦，女班長你負責好好照顧新同學喇。」
「Halo」個轉校生懶係熟咁同藍藍say hi，仲露出個殺死女既笑容
。 望住同藍藍只有一條走廊距離嘅佢，我突然感到一股無以名狀嘅敵意。
就係佢，我同藍藍一直以黎平淡嘅關係泛起左一波洗嘅漣漪，亦都改變左我嘅人生。