[真人真事+少少甜] 一切，由MSN開始: 第二十章、丁：怦然心動

諗左好耐，我始終決定唔到要去邊一邊，所以我決定去沖個涼理清下我嘅思緒。 

估唔到我返出黎之後，藍藍已經覆左我。 

藍藍： 
20:48 我突然諗起我星期六有野做 
20:48 下星期再約 

點解佢個語氣咁嘅，唔通藍藍見我未覆以為我有野做誤會左？ 不過算啦，或者咁樣可以多少幫我省卻一下我嘅煩惱。 



話咁快就到左星期六，我上到kelly屋企。一打開門，kelly著左件連身t-shirt，下面岩岩好夠遮住佢條底褲，一對美腿就係我眼前。 

經過上次中秋節嘅經驗，我一早已經估到kelly嘅衣著風格，所以小丁今次嘅反應都無咁大。 

『快D入黎坐啦』 

原來kelly屋企都幾大，睇落都好似幾有錢咁。 

跟住我就同kelly坐在係飯枱温書，我一有唔明就問佢，佢次次都好仔細咁教我，雖然我係咁問佢野都無嫌我煩，突然間發覺到佢份人比我想像中仲要溫柔細心。 



温下温下話咁快就到左４點。kelly問我：『你肚唔肚餓呀？不如食D野順便抖下丫』 

『好呀，有咩食？』 

kelly係廚房拎左成大堆零食出黎。 

『嘩…咁多邊度食得哂呀…』 

『兩個人好易食嫁炸』 



我地一路食，kelly就撩我傾計。 

『其實你都學得幾快嫁喎，教你D野都好快明，如果你上堂聽多D書成績可能會幾好』 

『咁都要你教得好先得嘅』 

『咁我教得咁好你點報答我先？』 

『…請你食飯？』 

『好呀！不如我地打個賭丫』 

『賭咩』 

『我地鬥邊個econ高分D』 



『我成績咁屎實輸嫁喎…你姐係玩我姐』 

『我岩岩教你D野你都明得７７８８啦，唔洗咁淆喎』 

『好囉，咁囂張，輸左點先？』 

『贏左果個可以命令輸果個做一樣野，點丫？』 

『好呀，你唔好後悔喎』 

『點會喎，我已經諗好要你做咩啦』 

『咁快？做咩呀？』 



kelly突然將個頭哄到好埋，嚇到我縮左一縮，佢跟住笑住咁講：『輸左你咪知囉hehe』 

食完之後，我同kelly又繼續温書，不過唔知點解kelly張櫈同我突然近左好多，佢身上面果陣香味飄過黎搞到我專心唔到。 

『丁當，我有D攰…』跟住kelly突然間攬住我訓左落我個膊頭到。 

『你唔洗理我嫁，你繼續温啦，借你個膊頭黎訓陣』小姐，好難唔理你喎… 

佢個頭同我個頭貼得好近，果陣香味變得好强烈。為左唔好嘈醒佢，我成個身都好似僵左咁，唔敢有咩動作。 

呢個時候，我偷偷地望一望佢下半身果條若隱若現嘅粉紅色底褲，真係好誘人 。不過我係咁同自己講，要冷靜冷靜冷靜冷靜冷靜冷靜，不過小丁都係唔聽話咁起左身… 

就係咁過左半個鐘，kelly終於都起身，我即刻鬆左口氣。 

『做咩你塊面咁紅？』 



『下…可…可能有少少熱姐。都温得７７８８喇，我走先喇，今日唔該哂』講完之後我就拿拿聲孰野走人。 

『我幫你開門丫』 

正當我岩岩想行出門口嘅時候，kelly突然叫住我：『丁當！』 

我一擰轉頭，kelly突然哄個頭埋黎，佢嘅嘴同我嘅雙唇對上左，我地錫左呀！！！！！！  

當我仲未搞清楚左發生咩事嘅時候，kelly同我講：『ut加油呀』 

最後我連byebye都唔記得左講就即刻走左。我到依家都仲回味緊果一下，估唔到我嘅初吻咁就俾左佢… 

呢個時候，我諗起肥仔俊之前叫我去馬嘅野。其實諗諗下kelly都唔錯丫，佢應該有對我有D好感，唔係都唔會無啦啦錫我啦，話唔定我真係可以試下同佢發展下…