我都估唔到kelly會突然拉左我上車,果下我真係有D燥燥地 。我一上到車之後就同kelly講:『你做咩呀? 』 

『我地兩個坐唔好咩?』 

『咁我地一齊黎唔係應該一齊坐咩?』 

可能kelly見到我有d惡,所以有d眼濕濕咁, 佢話:『藍琛蕾真係咁重要咩? 』 

我見到佢好似想喊想喊咁,我都費事發佢脾氣:『算啦』 



『你嬲我? 』 

『我無嬲你,只不過你下次咁做之前可唔可以同我講聲先呢?』 

『得…你唔好嬲我就得喇… 』 

見kelly楚楚可憐個樣,我都嬲佢唔落。我擰轉頭望下藍藍同大雄,見到佢地孤男寡女共處一車,我個心好似有d隱隱作痛咁,跟住我都唔夠膽再望佢地 。 

呢個時候kelly突然攬住我:『丁當,其實我咁做都係想可以有空間同你獨處下,我唔想你淨係掛住望藍琛蕾唔理我…』kelly講講下講到把聲好似就黎喊咁,真係嚇到我個心離一離 。 



我即刻攬返佢拍下佢個頭:『唔好喊喇,我真係無嬲你,我點會唔理你呢』 

kelly聽完之後,好似開心返d,跟住就拎左部相機出黎四圍影。 

等埋藍藍同大雄都落左車之後,kelly就好興奮咁捉住我隻手話:『不如我地去玩下過山車熱下身先啦!』 

對於我呢個毒向左走向右走黎講,黎op嘅次數已經唔多,更加唔好講坐過山車。我諗我果陣應該面都青埋 ,不過我見到大雄好雀躍個樣,我無理由係自己條女同藍藍面前淆底咁7假,咁唯有頂硬上啦 。 

排緊隊果陣,見住架車係度飛黎飛去,我真係好向左走向右走驚呀Hi!!!!!  終於到我上車喇,望住kelly坐係我隔離表現到好興奮,我就更加不安。結果成程車我都合埋左隻眼,我講左幾多次Hi都已經唔記得左,相反kelly就叫得好high,相比之下我真係7到無朋友 。 



好彩之後我地玩嘅野都無咁激,而kelly嘅情緒都已經正常返。係玩緊嘅時候,我偷偷地咁望藍藍,發現佢同大雄突然間好似熟左好多咁,成日都玩到好埋,甚至比我同kelly更似一對情侶。 

玩到攰攰地,我地搵左個地方坐低抖下。kelly話:『不如抖完之後我地一齊去打大佬囉! 』 

『姐係鬼屋?』大雄問。 

『Bingo! 』 

係喎!差d唔記得左仲有鬼屋添!雖然我就唔驚鬼嘅,不過如果一陣係kelly或者藍藍面前俾人嚇到大叫咪好7? 

我地排緊隊嘅時候,我望住果間好陰森嘅鬼屋,我嘅心跳開始加速…