[真人真事+少少甜] 一切，由MSN開始: 第三十三章、藍：玉帛相見

「藍藍，你上一次上黎已經係中秋啦。」 

「係呀，果次無啦啦比個變態佬抱左上黎。」 

「咩變態佬呀？我果晚乜都無做過呀。咳咳咳...」 

「你夠膽話你自己無打過飛機？」 

「嘩！照你咁講，全個世界既男人咪都係變態！況且，我先唔會話你聽我有無打。」大雄一臉尷尬樣，好可愛。 



「話時說，你上一次打飛機係幾時？」大雄即刻擰轉面。 

「無⋯ 無呀⋯ 最近都無打，我先唔就話你知哈哈，你知黎估乜喎。」 

「我關心下小雄既健康狀況姐。」 

「你洗咪測試下佢呀哈哈」 

「痴線！我去煲粥。」之後，我就去左廚房。 



咦？個煲係邊？幾經辛苦揾到個煲，又出現一大難題！ 

煲粥要落幾多水！？ 

突然有人係後面抱住我，話：「咳咳咳... 唉，我都估到藍小妹妹唔識煲粥。」 

大雄好熟手咁洗米、加水。 

「Sorry呀... 明明係我應該好好照你...」 



「洗乜講sorry。你陪我睇醫生，又成日陪住我，已經好夠。」大雄又公主抱咁抱我出廚房。 

「嚇死人咩！無啦啦咁抱起人！」 

「咁你係我既公主呀嘛哈哈」呢個大雄，病左都仲口花花，不過我又幾開心喎。 

「你快d去訓陣啦。」 

「好呀，不過我要藍藍同我一齊訓。」 

「好啦好啦。」大雄就抱左我入房。佢抱我上張床度，之後自己係到除衫。 

「嘩！你想點呀！？」佢仲係不停除衫。 

「我平時習慣除哂衫褲訓嫁，如果唔係會訓唔著。咳咳咳⋯」 



「你等等！」我即刻擰轉頭，話：「你除完之後入左被先叫我開眼！」 

「乜藍藍咁保守哈哈！」 

話就話係被入面，但一諗到大雄一絲不掛訓係我隔離，我就緊張到講不出聲！ 

「藍藍，你塊臉又紅到蕃茄咁，你又發燒咩？」 

大雄即刻哄過黎，想比下我地既額頭，我即刻大嗌：「唔好過黎呀！」 

「哈哈哈⋯ 你真係好可愛呀！放心啦，我唔會食左你嫁，要食上次就食左啦。咳咳咳⋯」 

其實我唔係怕大雄對我做d咩，係自己第一次同個無著衫既男仔係張床度。 



大雄攬實我，話：「我呀⋯ 如果可以日日咁樣攬住你訓，我真係唔介意日日病。」 

「傻瓜，唔好講d咁唔吉利既說話。」我想嘴佢一下，點知大雄擰頭。 

「我病緊呀，唔想傳染你。」 

「一下姐，當紀念下我地正式起埋一齊哈哈」我好快咁嘴左埋去大雄度。