[真人真事+少少甜] 一切，由MSN開始: 第三十四章、丁：長州之旅

搭緊 車立 果陣，諗返岩岩個情況都真係幾危險，如果我唔係突然聖人上身，我依家應該已經俾kelly奪去左我嘅初夜… 

身為一個男人，係咁嘅情況下正常都唔會把持得住，其實我都有一剎好有衝動想推倒kelly ，只不過，可能係我個腦入面仲有一個好天真、好傻嘅諗法ｰｰｰ我同藍藍仲有希望 。 

我知你一定會話我好傻的嗎，有得食都唔食 。不過如果我真係卜左佢嘅話，我諗我會仲內疚。 

返到屋企一開着部電腦，kelly已經係msn度打左段千字文俾我 。 

靜香： 
13:22 對唔住呀><係咪我手勢唔好搞到你唔舒服，定係你覺得我太進取，你同我講啦，你就咁無啦啦走左去我真係好驚 如果我有咩唔岩嘅你就出聲啦，你唔好唔理我就得嫁喇TT 



咁大個仔第一次收到d咁長嘅msn，我一時之間都唔知俾咩反應佢好… 

我： 
14:19 其實你無做錯野，只不過係我覺得我地嘅關係好似發展得太快，所以我諗我要d時間適應下姐 

靜香： 
14:20 唔緊要喎 
14:20 你無討厭我就好 



見到kelly好似無乜野咁，我都安落d，無咁自責。 

跟住返到學校，一切又好似無發生過咁，kelly依舊會上堂擰轉頭同我傾計，果日嘅事我地都好有默契咁唔再提起。 

話咁快又到左一年一度嘅picnic，今年我地去長州。去之前果日，kelly好興奮咁話要同我襯衫。 

『不如我地聽日一齊著情侶裝丫 』 

『都得，你想點著丫？』 



『urm…不如…我地一齊著白色t-shirt丫 』 

『好呀』 

『好耶！我地要著住情侶衫影好多好多相！ 』kelly可能太興奮得滯，一野攬住我隻手，對波壓住我搞到我好有壓迫感。 

我不禁又諗起kelly平時嘅衣著，外表斯文嘅佢著起便服往往都乳出驚人，真係諗起都扯扯地。 

聽日一朝早，我地成form就去左中環碼頭度集合。我係人群度搵到kelly，佢今日出奇地着得普通，只係著左件白色t-thirt加牛仔褲，不過係件t-shirt度隱約透左個黑色bra出黎，加上佢嘅好身材都幾養眼。  

我見到大雄同藍藍就排係我地前少少，兩個有講有笑，唔洗講都feel到佢地係一對熱戀緊嘅情侶。 

點完名之後，我地就上船，開始我地嘅長州之旅。