[真人真事+少少甜] 一切，由MSN開始: 第三十七章、藍：命定座位

「好支力呀！」行左唔係好耐，但都支力到死。本來我地想留宿一晚，但學校又話危險，所以又唔比我地留低。

一上到船，本來就黎訓著，但當我望到Kelly同丁當share同一個earphone，我就訓唔著啦。

記得中一、二個時，無乜功課同測驗。日日放學就係行下街，好多時行完就會慢慢行番去，有時仲會係公園度一齊傾下計、聽下歌先走。

有一排earphone壤左，我就去求丁當借佢果個比我去聽歌。開頭佢唔肯，因為佢晚晚都要聽歌先訓得著。最後，佢緊係屈服左啦。

到依家，我依然有好好keep好個earphone。可惜，佢個主人已經遺忘左佢....

其實Kelly對佢咁好，又咁愛佢；丁當亦都一樣，我應該真真正正遠離丁當。

「大雄，陪我去前面吹下風、行一行。

」

「好呀。」

行到出去，D風大到痴線，好凍，但我又唔想咁快番去面對現實。

「藍藍，你唔開心呀？

」

「我無呀。」

「你曳啦你！依家講大話呃我！

」

「我... 邊有喎！」

「仲扮野！

你次次講大話，塊臉都會開始紅！

」

「有少少啦... 不過，我講完出黎你唔好嬲我喎。

」

「緊係唔嬲，我點捨得嬲你喎！

」

「同到大雄你一齊，我真係好開心嫁！但係... 我諗你都feel到。我同丁當之間好似愈黎愈遠咁... 我由細識到佢大，唔想咁就無左呢個好兄弟，因為佢對我黎講都好重要。

」

「傻瓜，我明白你既感受嫁。不過，你都知丁當依家有Kelly，佢未必好似以前咁有咁多時間陪你嫁。

我... 我一直知係丁當眼中，你都係好重要。以前係，依家一樣都係。一開始我係唔鍾意佢既，成日都好似阻止我地兩個一齊咁。

依家我地一齊左，佢係你兄弟，自然就都係我兄弟啦。愛屋及烏嘛！況且佢份人無乜機心，又重情重義，絕對值得我當佢朋友。

你亦都唔洗為左我或者Kelly，而故意疏遠丁當嫁。

」

「多謝你呀大雄！我仲怕我講出黎，你會唔開心... 依家聽完你咁講，我就無乜野啦。