[真人真事+少少甜] 一切，由MSN開始: 第三十八章、丁：無言默契

「咦！我坐28J。」咁岩我抽到藍藍隔離個位。 

『下，我坐H喎，咁咪無得一齊坐囉…』kelly見到無得同我坐之餘，我仲要同藍藍一齊坐，成個sad野就出哂黎 。 

『拿拿拿，阿嫂，抽中左就要坐嫁喇，無得走數 』肥仔俊好似奸計得呈咁係度奸笑。kelly雖然唔想，不過又好無奈。 

我過去拍下佢個頭，細細聲係佢耳邊講：『唔緊要啦，好快睇完嫁喇 』 

我望一望大雄，佢個樣反而比我想像中平靜，好似唔係好在意咁。 



入到場睇戲，我地睇果套係戰爭片，都有幾多血腥殺人鏡頭 。藍藍本身份人又幾細膽，佢睇到有一幕，個士兵突然係草叢度彈出黎捅死個敵人嘅時候，佢嚇到即刻捉住左我隻手 。 

佢之後好似意識到捉住果個係我唔係大雄，所以就放返手。不過之後又有d血腥畫面，佢又忍唔住捉返實我隻手，捉到完場 。 

睇完戲之後，我地就一齊去左食潮州打冷。叫完野食之後，咁岩部電視機做緊《畢打自己人》，唔好笑９我，果陣時嘅我真係好鍾意睇呢套野 。 

咁為左坐近d個電視機，我就特登同個friend調位，咁岩我又坐左係藍藍隔離。 

『我又要睇』kelly見到我調位，佢又跟住調。 



『唉，洗唔洗咁痴纏呀 』肥仔俊好似唔抽水就會死咁。 

唔記得左講，其實藍藍都幾鍾意睇呢套野。我地以前每晚睇完之後就會係msn度傾返岩岩果集d劇情，不過依家已經無咩機會喇 。 

『依個邊個黎嫁？』『佢地咩關係呀？』『點解會咁嘅？』kelly擺明之前無睇過，依家睇唔明就係我隔離問長問短，搞到我都睇唔到 。 

『藍藍，食豬紅丫』大雄將舊豬紅夾到藍藍隻碗度。藍藍個樣即刻變左，因為佢根本就唔食豬紅。 

我一野就係佢個碗度夾走舊豬紅，自己食左。 



大雄呆左咁望住我 ，藍藍見到就即刻同佢解釋：『其實呢…我唔食豬紅嫁…』 

『咁你一早同我講丫嘛』大雄知道自己７左，即刻唔敢Hi我 。 

『丁丁，我又要食豬紅』kelly係度撒嬌 。 

『你係咪真係食嫁？ 』 

『係呀 』 

點知kelly一放左入口，就即刻成舊豬紅吐返出黎。 

『嘩！個味道咁嘅？ 』 

『都估到你唔岩食嫁啦，又要“夾硬”食…』 



突然我個褲袋又震一震，藍藍又sms我！ 

藍藍： 
岩岩唔該哂喎 

我： 
大家咁熟客咩氣喎haha 

食完之後，佢地就話一齊去食糖水。咁岩經過間ok果陣，肥仔俊就話要買本雜誌，於是我地就成班人湧左入去。 

果一個moment，我諗我一世都會記得。