『lonely lonely christmas~』肥仔俊打打下機突然係我隔離唱歌。 

『做乜9呀你? 』 

『唉,你就有人陪過平安夜,我就係屋企打住飛機過白色聖誕 』 

『你估真係咁好咩… 』 

『有女陪都唔好?一係你讓俾我喇 』 



『痴向左走向右走線,你尾兵尾準d啦Hi Hi』 

肥仔俊唔知道,其實同一個自己唔係真係咁鍾意嘅女仔一齊,並無佢想像中咁開心 。 

聖誕前一日,我人生第一次走左去揀聖誕禮物。精品店,手飾店,時裝店,一日之耐咩都俾我行哂,不過我仲未揀到我份禮物。 

最後,我揀左隻龍貓公仔做禮物。我諗女仔應該都鍾意公仔嘅,隻龍貓又肥嘟嘟咁,雖然就平左d,不過佢應該肯收掛。 

到左聖誕節果日,門口都未出就已經有一個煩惱。平時做毒向左走向右走都無咩執個d打扮,但係依家拖住條女出街,無理由著得咁7假,費是到時俾d mk仔指住黎笑啦  。 



結果搞左好耐,我終於係衣櫃搵到件見得下人嘅出街。不過因為咁,我足足遲左成10mins 。 

『Sorry ah,遲左咁多』我講野已經上氣唔接下氣。 

『唔緊要啦,你今日著得幾好睇丫』可能因為係冬天,kelly今日收起左性感。上身一件深紅色嘅乾濕褸,下身著左條黑色短裙搭黑色襪褲,仲有對棕色boots,雖然唔性感不過就多左分成熟 。 

『你今日都好靚呀』 

『我平時唔靚咩?』 



『唔…唔係呀』 

『講下笑姐haha。你果袋咩黎嫁,送俾我嫁? 』 

『哦,差d唔記得tim,聖誕快樂 』我將隻龍貓遞俾kelly。 

Kelly拆開個袋,見到隻龍貓,笑左一笑,跟住就撲埋黎攬住我,錫左我塊面一下 。 

『多謝你呀,我好鍾意 』 

『最緊要你鍾意姐』 

『我都有野送俾你呀 』 

Kelly係個袋拎左張卡同埋條頸巾出黎。 



『聽講你條頸巾又殘又舊,所以特登織左條俾你 』 

『你又知嘅?』 

『藍藍同我講嫁,我幫你帶起佢丫』 

雖然我頸上圍住左kelly織嘅頸巾,一個夢寐以求嘅畫面,但係咁樣反而令我諗起藍藍。 

以前f.1果陣,藍藍曾經送過一條深藍色嘅頸巾俾我,雖然唔係親手織嘅,不過我都一直珍而重之。 

佢仲應承過我會再織條大嘅俾我,不過我諗佢都唔記得左喇,又或者我依家戴住e條頸巾先至係屬於我嘅頸巾。 

一諗到呢到,我又開始懷念以前果條深藍色頸巾帶俾我嘅溫暖,即使係kelly親手織俾我嘅,都始終及唔上藍藍果一條。 



『你快d睇埋張卡先啦』 

張卡痴左我地兩個嘅相,整得好靚,睇黎應該用左唔少時間。相比起我嘅禮物,kelly明顯更有心機去準備,搞到我有少少內疚。 

對上一次黎k房,已經係好多年前嘅事喇。仲記得我果陣時係同藍藍一齊黎…