[真人真事+少少甜] 一切，由MSN開始: 第四十四章、藍：情侶手帶

織下織下，終於係聖誕節前一日同Kelly織好條頸巾。 

「太好啦！終於織好，好彩趕得切。 」 

「藍藍，你織得好靚。你睇，我有d線飛哂出黎啦... 」 

「都唔係好覺姐。而且，咁先可以話比人聽呢條係我地親手織既，絕對唔係買翻黎冒充。 」 

「你又講得無錯哈哈，希望丁當成個冬天都會戴住佢。」 



「一定會！ 」因為自從我送佢頸巾開始，每個冬天佢都會戴住，即使早已經唔合身。 

又到聖誕，約男朋友緊係要盛裝打扮。平時我都唔會著裙出街，因為我太粗魯。 

今日特登著件白色毛衣，下身一條紅色裙，放低頭髮，加對Boot。 

大雄約左我係海濱樓下到等，其實次次要佢行過黎，我都有d唔好意思。 

「藍藍... 」佢一見到我，就唔出聲，眼甘甘咁望住我。 



「做咩色咪咪咁望住我？ 」 

「我... 唔係呀！藍藍，你今日好靚呀！   」聽到佢讚我，我都不禁沾沾自喜。 

「我不嬲都咁靚嫁喎！ 」 

「係係係，至靚係你啦。 」 

「你諗住今日同我去邊呀？」我撓住大雄問。 



「你跟住我咪知！送比你嫁，聖誕快樂！ 」大雄拎左個盒比我。 

「你快d打開黎睇下！」大雄好期待咁望住我。 

一打開，見到一隻皮制既手帶，特別在佢上面圍左一圈粉紅色既繩，扣既隔離仲刻左我個名。 

「呢隻款咪係我之前上網見到好想要既！我仲諗住遲D送你呀！ 」 

「你睇，我都有一隻嫁！」大雄舉起佢既左手，手上面戴左一隻藍色既手帶。 

「多謝你呀！我好鍾意！呢份係我地第一樣情侶物品，好開心！你點知我都想要嫁哈哈？」 

「你係Facebook差唔多like哂呢個野既posts，好難唔知呀。 」 

「你合埋眼先。」 



「你又搞咩呀？ 唔好偷襲我呀！」呢個時候，我即刻拎條頸巾出黎圍係大雄條頸。 

「嘩嘩嘩嘩嘩嘩嘩！ 」大雄嗌左出黎，周圍D人望實我地。 

「喂呀！人地送禮物比你，你仲係到怪叫！我收番佢啦。」 

「Sorry呀！唔好收呀，因為我太開心啦哈哈哈哈哈哈哈哈哈哈哈哈哈，以前叫你織比我，你就請我食檸檬，無諗過今次肯織比我。多謝你！ 」大雄即刻攬實我。 

「我一直都覺紅色好襯你，因為大雄就好似太陽一樣咁耀眼，帶比我無盡既溫暖。 」 

大雄聽到即刻係到傻笑。 

見到佢咁開心，我都心滿意足。丁當依家都應該一樣咁開心啦... 



「咁我地依家去邊呀？ 」 

「Welcome to Hong Kong Disneyland！ 」迪士尼！？我都好耐無去啦，上一次黎係同丁當一齊去既... 

「好呀！我都好耐無玩過，快D行啦！ 」 

呢個時候，電話震左一震... 

丁當： 
藍藍，你今日去邊呀？ 

我： 
同大雄去Disney呀 你鍾唔鍾意Kelly送比你份禮物？ 

丁當： 


鍾意呀 你送左咩比大雄呀？ 

我： 
都係織頸巾 大雄收到好開心！ 

丁當： 
唔阻你地啦... 

唔知點解，我硬係覺得丁當有D悶悶不樂... 講起上黎，今年係第一年無同丁當一齊過既聖誕呀！ 

大雄問：「邊個搵你呀？ 」 

「丁當囉，佢同我講好鍾意Kelly份禮物。Kelly都織左頸巾比佢呀。」 

「咁佢咪好開心囉！ 」 



「我諗... 應該係掛。」之後，我地再無提過丁當。