「我愛大雄呀,所以我一d都唔愛丁當。 」 

「女班長,係你一日唔認清自己所愛,神仙都救你唔到,何況我只係毒向左走向右走一個... 」 

我見肥仔好失望,但呢一刻既我真係好混亂,完全唔知點解佢要幫我解決問題但又提出更多問題。 

「藍藍,你等好耐啦? 」 

「唔緊要啦,肥仔陪我吹水,所以我唔悶啦。」 



「我依家去換衫啦,你等多一陣。 」既然大雄都黎左,我都無再同肥仔談論剛才既話題,肥仔亦都變番平時咁係到搞爛gag。 

大雄一出黎,我就同佢行去搭車番屋企。其實好多時放學,大雄都會先陪我行番海濱,再自己行番麗城。不過每次佢練完波,我都會同佢講我想搭車返去,始終我唔想佢太 支力。 

一上車無耐,我就挨落大雄度閉目養神。 

「藍藍... 你訓左啦? 」等我扮下野睇下大雄想搞乜先。 

「藍藍呀藍藍,點解成日要我咁擔心你?其實,我從來未試過咁樣失去理智。丁當係一個好人,我從來都唔係想傷害佢。 



為左發洩一下,今日練習賽我突登mark實d丁當。點知丁當竟然打我... 果時我都有諗係咪我mark得太過分,我承認我有意無意地搞左d小動作。 

當我一諗起你同丁當係幾咁有默契,亦都幾重視對方,我心入面好似湧出一導火。對唔住... 如果當時你在場,或者會唔原諒我既唔理智。 

其實,一切只係因為我太愛你。 」 

大雄呢番說話完全嚇我一跳。我以為佢會怪丁當打佢,但佢反而係到自責。突然,我記起肥仔走之前比左兩張飛我,好似係去唔知咩ball。 

我等大雄講完之後慢慢睜開眼,同佢講倒數ball既事。佢即刻好興奮,仲同我約定一齊著白色。其實我咁大個女都係第一次去ball呀! 



呢段時間,我周圍去試裙、買鞋,希望以最佳狀態去同大雄一齊去ball、倒數。 

一去到會場,先知原來呢個活動咁多人黎!個個都著到好靚,再望下自己條$250既裙,就覺得好似比下去咁... 

「你今晚好靚呀!  」大雄好似睇穿我咁,所以係我耳邊悄悄咁講。 

「明明其他女仔靚d囉!你曳啦,依家學識講大話呃我... 」 

「傻瓜,你係我眼中永遠都係最耀眼嫁! 」 

我望下會場,竟然見到一個好熟悉既身影,好似係丁當... 

「大雄,果個係咪...?」 

「藍藍!我地去個邊睇下!好似有歌手黎左。 」之後我就比大雄拖走。 



「Hey!你咪大雄!
 」一轉身,見到一位靚女係我地眼前。佢眼珠既顏色偏啡,應該係混血兒,著住一條紅色既短裙,身材超好! 

「Jasmine? 」 

「Yea!Right!我地好耐無見啦!呢位係...?」Jasmine望實我,上下打量我。 

「佢係我女朋友,可以叫佢Carmen。 」 

「Nice to meet you Carmen! 我係USA番黎,所以唔習慣speak Chinese,forgive me!」 

「唔緊要。」唔知點解,第一眼望到呢個女仔,我就有D睇佢唔順眼。 

「大雄,我去拎一拎野飲。 」 



「我去啦。」 

「唔洗啦,你同老朋友聚下舊。 」 

行番去另一邊,果然見到丁當。正當我想行埋去佢個度,一位著住淺粉紅短裙既孖辮大眼妹行左去佢面前同佢傾計。 

丁當即刻笑到臉紅。我已經好耐無見佢笑得咁開心...