[真人真事+少少甜] 一切，由MSN開始: 第五十四章、丁：密友告密

眼前呢個叫cherry嘅女仔着住一條粉紅色短裙，好老土咁紮住個孖辮頭。眼大大，塊面有d圓，雖然唔係好靚，不過都幾得意 。 

再望埋落去，平胸 ，baby fat，條腿唔長唔短唔粗唔幼咁，都可以叫做不過不失嘅。 

『Hello，我…我叫Tim呀』我呢d毒向左走向右走突然有女同我招呼，緊係勁緊張啦，我feel到自己塊面應該紅哂 。 

『你係咪…丁當呀？』 

『係…係呀，你點知嘅？ 』 



『其實我係藍藍嘅朋友，佢之前俾我睇過你d相，所以我咪認得你囉』 

『cherry…你就係之前同佢一齊返樂團果個女仔？ 』 

『係呀，不過我好耐無返喇 』 

『你地一齊黎嫁？』 

『藍藍都有黎到咩？其實我地好耐無見嫁喇。係呢，你做到佢男朋友未呀？』 



『你講…講咩呀？ 』 

『你唔係鍾意藍藍咩？佢早幾年同我講你同過佢表白嫁』原來藍藍將件事同左其他人講，今次真係７到無朋友…  

『我同佢係朋友黎嫁炸，佢已經有男朋友喇… 』 

『sorry ah…我唔知你地散左』 

『其實我地無一齊過… 』 



『下？佢明明同我講佢鍾意你嫁 』 

『藍藍鍾意我？咁點解佢果陣唔接受我嘅…』 

『你地係咪有咩誤會呀？』 

我果下真係唔知喊好定笑好。原來我一直以黎都唔係單戀，但係如果cherry講嘅野係真，咁點解藍藍要拒絕我呢？ 

咁岩俾我見到大雄同緊第二個女仔講野，於是我即刻行去藍藍度。 

『咦！原來你都黎左呀』 

『藍琛蕾，我有d野想問你』 

『做咩咁嚴肅嘅你haha？』藍藍嘅笑聲聽落好似笑得好勉強咁。 



『岩岩我撞到之前同你一齊返樂團果個cherry，佢咩都同我講哂喇』 

『原來岩岩個女仔係cherry? 真係認唔出喎…佢同你講左d咩？』藍藍個樣好似有少少意外咁，睇黎cherry講嘅應該係真。 

『你明明都鍾意我，點解要拒絕我呀？』