[真人真事+少少甜] 一切，由MSN開始: 第五十五章、藍：新年快樂

「咦！原來你都黎左呀」丁當突然行埋黎真係嚇死我...  

「藍琛蕾，我有d野想問你。岩岩我撞到之前同你一齊返樂團果個cherry，佢咩都同我講哂喇...」 

死啦！原來果個係Cherry！ 咁耐無見，佢突然靚左咁多，真係唔講都唔知係佢。 

佢係咪同丁當講左D唔應該講既野... 如果真係，咁點算好... 

「你明明都鍾意我，點解要拒絕我呀？」 



冷靜D呀藍琛蕾。 

「哈哈！個時樂團有幾個男仔成日煩住我，無論我點拒絕，佢地都係咁搵我。最後，我唯有話我已經有鍾意既人啦。 

至於Cherry，佢當然知我咁講係為左應付班男仔啦。但唔知點解，佢成日都話我鍾意你。佢正一傻妹黎嫁，唔通我自己鍾意人，我自己會唔知咩。 

Sorry呀，丁當，無諗過你會撞到Cherry。」丁當眼神中閃過一下既失落。 

「藍藍！原來你係到！咦... hi丁當。」有救啦！大雄終於搵到我。 



「我... 我唔阻你地啦。你地去舞池跳下舞啦。 」丁當講完就轉身走。 

大雄連再見都無同丁當講，就拖住我走：「行啦！仲有半個鐘就倒數，無乜時間淨啦。 」 

丁當既一句說話令我成晚都心不在焉，我已經無心情去諗ABC Jasmine同大雄傾左乜、Cherry最近過成點... 

有時，真係好懷疑咁樣做係咪正確。白己既自私彷佛變成一把利劍，不停傷害心邊重要既人。 

但係，事到如今，我仲可以點？ 



唔通我要走去同大雄講：「Sorry！我唔知自己最愛既係咪你...」 

如果可以回到過去，我諗我依然會因為一時既感動而同大雄一齊；因為太多既顧慮而拒絕丁當。 

因為有D野係真係要經歷過，先至會深深體會到選擇帶黎既後果。 

「十！」 
「九！」 
「八！」 
「七！」 
「六！」 
「五！」 
「四！」 
「三！」 
「二！」 


「一！」 
「Happy New Year！ 」原來係我發呆既時候，我地已經跨過左一年。 

「藍藍，有你既新年真係好快樂！我覺得自己好幸福。多謝你容忍左我咁多個月，黎緊你要慢慢忍啦哈哈 」大雄感動到眼濕濕。 

就係呢下表情，令我更加於心有愧。 

「大雄，我都好開心呀。唔知點解我頭好痛，可唔可以番去啦？ 」 

「唔舒服又唔早D講！？」 

「無乜事嫁！可能呢到冷氣太大，我番去沖個熱水涼就ok。 」 

「Hey 大雄！我唔記得同你拎個phone number！ 」Jasmine係背後嗌我地。 



「6XXX XXXX」 

「OH 原來我一早save左你number。 」 

「Sorry！We have to go now. 下次見啦 Jasmine。」大雄好焦急咁打發Jasmine。 

Jasmine再睥一睥我，就話：「Okay. Fine. Remember to date me. I am very free now. See you soon.」