「其實…我之前真係鍾意過你…」我竟然將呢番說話講左出口! 

試諗真d,當初就係因為我既唔坦白,而令到事情變到依家咁。 

如果我依家坦白翻,或者可以改善下情況。 

但係點解我講完之後,丁當好似更加失望... 

食食下米線... 



藍藍 我真係好失望 好唔開心! 
我係你男朋友 但係你講大話呃我 
直覺話我聽你係同丁當去左冒險樂園 
其實我一直都知嫁... 
丁當係你心目中佔有好重要既地位 
甚至可能比我更重要 
所有人都feel到嫁 係你自己唔係承認 
一直以黎 我只係打住「男朋友」既稱號 
先可以霸住你 
同你一齊 有時反而覺得自己係第三者 


我知道你同丁當無野 
但你地之間無形既默契好清楚話我聽我係局外人 
我一直都好努力去了解你 
嘗試同你建立呢種令人羨慕既默契 
但其實係唔可能 
我愛你 所以更加希望你幸福 
相信我 你同丁當先係一對 
而且... 其實我3個月之後就要去美國讀書 
之前都唔知點好 又唔知點好 
依家就好 有丁當照顧你我好放心 


我淨係希望我地仲可以做翻朋友 
多謝你呢幾個月陪伴我 
唔好怪自己 唔係你錯 
錯在上天令我地太遲相識 
如果我比丁當更早認識你 
或者我地既結局會唔一樣 


大雄send左呢個SMS比我,我一路睇,個腦不停咁重現翻我同大雄既回憶。 

我完全喊到收唔到聲,我唔知我應該挽留定點... 

丁當係咁問我做咩事,我都擰頭唔答。 

我依家比以前更肯定我愛大雄,但同時我更加愛丁當... 



大雄,多謝你。大家一齊放手,我諗對所有人都好。 

我呢一世都唔會忘記你。 

一個月之後... 

「藍藍,你仲未同丁當一齊既? 」同我一齊落小食部既係大雄。 

「我... 覺得未係時候呀。」 

「傻妹!我都比哂機會你地啦。咁都未係時候,唔通八十歲先係吉時?」 

「我會嫁啦!多謝你呀,大雄。」 

「洗乜講多謝,我地朋友黎嫁嘛!」 



「你最近有無咩新target?哈哈」 

「邊有呀?」 

「我見你成日上堂偷偷地SMS... 」 

「我搵呀媽炸!」 

「一定係咁啦哈哈」