自從果次 Serena 同我講關於 Yvonne 嘅嘢之後,我唔知係咪想關心下呢個朋友,就決定每日放學都幫 Yvonne 補數,順便畀機會我自己做熟啲數。每日補數,搞到我同嘉瑜相處嘅時間少咗好多。

「咁呢,呢兩隊三角形就congr... 全等嘅。所以呢兩條邊一樣,答案係C,50cm。」

係我地獄式(對我嚟講)嘅訓練底下,佢喺最近一次數學quiz終於攞到四成。未去到我要嘅水準,但係已經係一個幾唔錯嘅成績。

「喂,Yvonne Cheung,見你咁勤力做數,quiz又終於有四成,今日我請你食」

「食咩?」Yvonne 對眼已經發緊光。



「食板燒雞腿包。」

「屌!算,好過冇。」

雖然佢係不屑我啲包,但係至少佢都幾開心,好過之前,唔再西口西面。

「屌你啲食相真係好撚核突。」

「唔鍾意咪唔好睇,叫你個嘉瑜姐姐過嚟囉!」



好,就聽你講,即刻叫佢過嚟。

「豬 過嚟m記啦」

「做咩?[laughcry]」

「好耐冇出過嚟啦」

咁樣,佢就應承咗我。



一出到嚟,望到我同 Yvonne 係度食包,嘉瑜忍唔住笑咗出聲。

「嗌咗好多嘢,見你咁鍾意食薯條,請你食啦。」

嘉瑜錫咗一啖落我塊面度。「咁識做,算你啦。」搞到係隔離嘅 Yvonne 好尷尬。

「好啦好啦,我唔阻兩位啦,我返去自己慢慢做下數。」

「喂,嘉瑜,橫掂嚟到,不如幫 Yvonne 做埋啲數啦?」

「好呀,聽晒你講。」真係乖。

結果,兩個人嘅補習班,變成咗三個人嘅補習班,兩個係度卿卿我我。

「點呀?sorry呀,有冇悶親你?」



「冇呀。」

「唔好呃我啦,你個樣咁頹,做埋呢條走啦。」

我同嘉瑜講左兩句,佢就知我想做咩。

「行啦,我哋去吹下水。」我拉住 Yvonne 走。

我帶咗 Yvonne 去巴倫紐,仲請埋佢睇戲,我唔記得咗係啲咩戲,應該係復仇者聯盟。

「點解 Captain 可以咁靚仔?」

「係囉,點解我會靚仔過佢,都冇得拍戲?」



「屌你,收皮啦。」

「講笑姐,唔駛咁爛口嘅。點呀,睇完有冇好返啲?」
「梗係好返,好返晒添呀!有人請喎!」

「咁不如你同我講,點解你呢幾日西我面?」
「攰囉。」

「唔好呃我。」

「好啦好啦,咩都比你睇到晒啦,名偵探柯南。我同你講啦,我比我條仔飛咗。」

我聽到之後,冇任何關心佢嘅意思。「屌!原來你有仔架?」

「屌你,我似冇咩?」



「你真係似!」

之後,佢終於同我講關於佢條仔嘅時。原來佢條仔係以前佢隔離學校啲人,拍咗拖半年左右。但係之後 Yvonne 要轉校,就開始關係變差。

唉,點解我會變咗做情緒輔導員架。
已有 0 人追稿