那年玩社，四位靚女: 十三

「喂，記得聽日放學之後有meeting喎！」 

「唔使驚喎，我實到。」 

又要開始每日嘅玩社生活，雖然都幾辛苦，但係好刺激，好開心。有啲嘢要有付出，先會有令人難忘嘅收穫，係咪？

 我放咗學之後，即刻執嘢，鎖書入locker，跑過去開會。 

一開門，原來已經有人係度。

「乜你咁早呀康洛文？好彩我仲早過你。」 

「Serena，乜你咁快到嘅。」 

之後，其他人都陸續嚟到。 

根據鄧國燊嘅講法，我哋會係今日之內知道我哋比賽嘅辯題同對手。所以我哋決定咗主副辯嘅人選先。 

我提議 Serena，結果冇人反對。我就被揀中成為結辯，而兩個副辯就係兩個 Form 4 女仔，一個叫劉嘉希，一個叫王知秋。 





「知秋，知秋，一葉知秋。好名好名！」唔該搵人比把扇我，唔講仲以為我係唐代大文豪。今天不小心把心愛的水杯... 

雖然比我笑佢個名笑咗足足10分鐘，但係王知秋都冇乜點介意，嫣然一笑。 

自從嘉瑜做咗我嘅女朋友之後，我每識到一個女仔，我就好自然咁將佢哋同嘉瑜比較，王知秋都唔例外。佢笑起上嚟比嘉瑜仲要靚，從佢充滿自信嘅笑容當中，就可以知道佢富有學識，真係有智慧，唔係好似嘉瑜咁蠢，傻下傻下同我係埋一齊。

點都好啦，嘉瑜係我心目中，依然係第二靚，僅次於莉曦。 

「大佬，我哋工都分埋，連辯題都冇，好難做嘢嗰喎。」 





「唔好急啦洛文，應該差唔多有消息。」鄧國燊似乎冇擔心過。 

呢個時候，竟然係陳天元打開房門。「燊爺！辯題出咗啦！對手係黃社！」

 我哋同黃社嘅辯題係「香港體育行業應該商業化」，我哋做正方。 

「社長哥哥，對條題目，你有無信心？」我同你講，我大把信心，呢條題目簡直係為我而設！ 

「你實有信心啦，你係精英運動員嚟個喎，應該好多睇法，仲可以用自己做例子，加晒分。」 

講起條題目，我都有少少火滾。香港運動員絕對可以好似外國運動員咁，做到商業化。雖然我打學界個陣都有過贊助，但係如果成個行業可以有更多商業贊助，除咗多啲錢發展之外，我哋知名度亦都會提高。而家政府乜嘢都唔做，人哋都唔敢冒險投資，莫講話大富大貴，名利雙收，啲運動員就算連搵餐飯食都好難！ 

我意見係有好多，但係點樣將呢啲肺腑之言變成我嘅發言稿，就真係令我好頭痛。 

「諗到idea未？洗唔洗我幫下你？」 





「好呀，我好歡迎你嚟幫下我手架 Serena。」

 於是，我同佢吹咗好耐水，講咗一啲我嘅idea，而佢將我對體育商業化嘅意見做咗啲整輯，擺咗落佢份稿到。 

「你個立場幾好，應該好好講。而家我哋爭咁啲例子同數據，呢啲嘢，你同知秋搞咗佢啦，相信你都好快搞得掂。」 「

郭玲玉，你知唔知，我覺得你好犀利！」我好少覺得一個人犀利。 

「唔好講笑啦，我係得辯論先叫擅長啲，我都未多謝你幫我補咗咁多日數添。」 

「咩都好啦，而家最重要係搞掂個比賽佢。」