「係喎,決賽題目出左未。」我見到鄧國燊就即刻問佢呢樣嘢。

「唔,就快架啦。嗰邊仲未通知我。」

「如果出咗題目嘅話,你記得第一時間同我講喎,我而家恨比賽恨到出汁呀。」

「嘩,見你對比賽咁有熱誠,我到時就同你講。」

「咁唔該晒你喇喎。」



「唔駛,我都好樂意見到你咁落力。」

所以我成日話,佢真係一個好人,一個好學生,一個好領袖。

既然而家仲未有題目,咁姐係寫唔到稿啦,所以我決定做一樣我已經好耐冇做過嘅嘢:

聽書。

「喂,康洛文。」係Yvonne。



「做咩。」

「做咩今日咁好死,抄notes?」

「因為你啲notes好撚核突,我睇唔明。」

「我屌你啦,我啲notes咁靚,你唔識睇係你嘅問題。」

「唉當係我嘅問題喇,咁我而家自己抄notes,咪唔使煩到你囉。」



「好呀!加油呀!」

我真係好想一拳打鳩佢,但係我唔打女人。

佢都好似唔係女人嚟,好似係。

「屌邊個咁嘈嘈到我瞓覺?」陳天元都比我哋兩個嘈醒。

講到咁大聲,搞到教我哋maths嘅老麥都聽到。

「邊個講粗口?」

唉,呢隻死貓我幫你食咗佢。「係我呀麥sir,sorry。」

「文仔,講粗口唔啱,但係見你呢排肯交番晒啲功課,quiz仲有八成,我頭先就當聽唔到!下次唔好!」



好彩姐,呢次嘅賭博成功咗。

「Sky哥,整間請我食飯。」佢又訓著咗,屌。

冇計啦,兄債,就妹還咗佢。「曦姐,你阿哥爭我一餐飯,你今日請住我先,遲啲問佢攞返錢。」

「好呀,你想食乜嘢?」

「頹M。」

「不過我今日同申屠食喎,你介唔介意?」

「我要你餐飯姐,又唔係要你個人。」不過我真係想要你個人。



「嘻,」佢淺笑咗一下。「如果我唔係同佢一齊嘅話,您可以要我個人嘅。」

「你唔係玩我呀化?作笑話都唔係咁掛?」

「認真架。anyway,咁整間係咪去m記?」

唔通佢講嘅嘢係真?佢真係鐘意我?

頂,嘉瑜呀,點解你要今日出去比賽冇返,搞到情況咁尷尬架。

到咗食lunch個陣,除咗申屠初頭問咗幾句之後,我哋三個都一直好和平咁各有各食-當然,莉曦同申屠一齊食。

我攞住部手機,whatsapp嘉瑜。

「豬你而家係邊呀」



佢冇覆,睇嚟佢仲比緊賽。

我見住係我隔離嘅莉曦同申屠食嘢食到咁開心,我估,頭先應該都係我諗多咗姐,佢只不過係度講下笑。

希望係,我都唔想佢哋兩個有咩事。
已有 0 人追稿