第366天 - 玩弄與被玩弄, 傷害與被傷害, 從來都是一個循環: 分開

7月28日。
我永遠都不會忘記這個日子, 這天是我和他最後一次見面。 說白一點, 那是他最後一次想見我。
 
那天早上11時多, 當我在家裡打扮完畢, 準備出門上班時, 突然收到他的短訊。

HE: Lunch?
我: 好呀! 我30分鐘後到你office!
HE: k
我二話不說立即飛車到他的office, 打了個電話給team leader就請假了。 一個星期沒見面沒聯絡過, 我真的好想他, 這個moment, 見他絕對比一份小小的part-time要緊。
 


他早已在公司樓下等我, 沒有任何表情, 只雙手插著口袋, 依著牆站著看著遠方。
 
「對唔住呀要你等咁耐! 」下車後我撲上前, 向他道歉我遲到了十分鐘。
他只瞄了我一眼, 就轉身往餐廳方向行。

「我... 我好耐無見過你喇。 你成個星期都唔搵我......」我拉著他的手肘, 一如平常般靠向他。
「要返工。」 他作勢整理頭髮, 但其實明顯地是想推開我。
「咁, 你忙完未呀? 幾時得閒呀? 」他沉默沒有答我, 只顧一直向前行。

「食咩呀? 我地去緊邊呀?」


「是但啦。 呢間啦。」他看都沒看是什麼餐廳就立即轉身進去了。
「你發生咩事呀? 點解... 今日咁躁嘅...」
「眼訓。」
「咁你一陣返公句恰吓啦。 呀係呀…...」
「你塊面做咩損咗?」
「上次k-party食完少少海鮮之後敏感。 最衰都係你啦, 我都話我唔食得咖啦, 你又遞比我, 痕死喇。」
「賴啦賴啦!」他語氣有點重的說道。
「吓...我講吓姐...... 我而家學緊煮飯呀, 不如......」
「一早話左你咖啦, 唔識煮飯嘅女人好無用。」
「你今日做咩呀......點解咁惡嘅......」


「無野, 食完喇。我趕住返office。」
「咁快! 等陣, 我差兩啖!」他沒有答我, 低頭一直按手機。明明就是漫無目的地按, 但他就是寧願這樣也不要跟我說話。

「你, 無特別嘢要同我講?」等了好久, 他終於主動開口說話。
「有呀... 你... 到底幾時同我去廸士尼呀, 講左好耐喇...... 」怎麼會沒有? 明明是他的態度害我不敢亂說話。
「忙呀, 搵日啦。食完喇? 我走喇。」雖然他這樣問我, 但聽罷之後他又回復本來板著臉的狀態, 還說要離開。

由我見到他到他匆匆離開, 前後不過是40分鐘。 他從來都不會用這樣的態度對我的。到底是為什麼會變成這個樣子......難道是因為上星期的事? 

那天晚上12時多, 他突然打電話來。
「Jan-nie!」
「咩事呀?」
「...... 」
「做咩呀? 打黎又唔出聲。」
「我飲緊酒... 好悶... 你過黎陪我...」


「唔得呀, 咁夜邊出得黎喎。」
「我好想搞, 好想要... 你出黎啦... 」
「痴線! 你醉喇!」
「我... 我有野想同你講...」
「講咩? 」
「我好鍾意你, 你好好, 你好乖, 你好純, 你好斯文, 你所有野都好好......」
「你係咪醉呀? 定你同班friend 玩緊我電話咋...」
「我一條友喺度! 我無醉, 我不知幾清醒!」
「你... 認真咖? 你真係無醉? 不如聽日先講啦我覺得你唔係好清醒...」
「我醉左又會唔知嘅! X你, 成日扮斯文, 成日扮怕醜都唔玩得放嘅! 」
「吓? 」
「唔講呀!」 說罷, 他就掛了電話。

到底發生什麼事了? 今早還態度奇奇怪怪的, 現在又突然跟我表白然後又回復奇怪的態度。他掛了線之後, 我立即嘗試打回去, 但已經打不通了。
 


我: 你醉醒未呀?
我: 你無野嘛?
 
第二天一早, 我想問清楚他昨天發生什麼事, 到底那個表白是不是認真的。他明明不停的online , 不過就是沒有覆過我。可能是很忙吧...可能是心情不好吧...可能...
 
「喂? Jannie呀, 我有啲嘢想同你講。」那天晚上, Jolly打電話來, 語氣一來就吞吞吐吐, 奇奇怪怪的。

「嗯? 咩事呀?」
「我今日見過阿男。」
「吓? 點解嘅, 我尋日都同佢食過晏, 佢個人好奇怪! 成個人態度都好惡…」
「我地啱啱食晚飯… 佢話有啲野搵我傾…」
「佢無咩事呀嘛? 佢尋晚一個人飲酒跟住今日全日都無覆過我。 我好擔心佢有咩事...」

她思考了一會。 
「唔…… Jannie呀, 你唔好再搵佢喇。」



「點解突然咁講呀?」
「佢... 岩岩食飯話唔想再見到你。」
「吓?! 點解呀? 」
「我頭先話想約出黎玩, 佢話有你佢就一定唔黎喎... 」
「吓! 痴線咖? 佢尋晚先同我講話鍾意我咋喎!」
「信我啦, 佢唔係好人, 佢得把口咖咋...... 佢岩岩講左好多好難聽嘅野...... 佢話你個人唔好玩, 唔social得…… 唉, 總之佢當你水泡咋, 唔好再理佢啦。」
「點會呀, 佢真係尋晚先話好鍾意我喎!」
「佢根本唔想拍拖, 佢話想玩女咋, 佢玩厭你而家想搵個新嘅嚟玩咋...... 信我啦, 死心啦......」
 
不想再見到我? 只是想玩女, 玩厭了我, 不想拍拖……

為什麼會這麼突然?  昨天突然態度極差, 又突然跟我表白。今天竟然跟Jolly說不想見到我? 所有事都太突然了。

到底是什麼事? 到底我做錯了什麼? 前幾天還好好的, 沒多久之前還跟我說好要一起打拼我們的未來。 到底發生什麼事了, 他為什麼突然拋下我?