＜無甜後宮＞唔係呀？二十歲先黎讀番中學！？: 原諒
「對唔住……」倩怡快我一步
佢企起身想攬住我，但最後攬唔到，
因為佢成個人失平衡向後舂，
好彩我黎得切反應捉住佢條腰，條腰真係好幼……
「做咩丫你？」我好急張咁問
「成身好似無乜力咁同有啲暈……應該無食野先至咁姐……」
我摸一摸佢額頭，有少少熱，應該係發燒。
我叫倩怡坐住等我，有的士先扶佢去搭車，
可能因為落雨既關係，好快就有的士，
我地上左的士後，倩怡就問我
「我地去邊」倩怡把聲有少少虛弱
「緊係同你去睇醫生啦」
「唔制！」倩怡搖著頭說
「咁送你番屋企喇」
「唔制！我屋企人去哂旅行，依幾日都唔係香港，番到去又要自己一個人……」
「咁你想去邊……」
「去你屋企！」
「點解？」百思不得其解
「我想你陪我……」倩怡dup低頭輕聲說
「咁……好啦……」唯有順佢意，我之後同司機講「去良景唔該」
「好野！」倩怡終於笑番
「病左都仲要扭計！」我輕輕彈左倩怡額頭一下
「要遷就下病人嫁」倩怡講完之後伸一伸俐
我真係無佢乎……
雖然Ice係我屋企住一排，但比倩怡知應該無乜問題既……
搭車途中倩怡身體靠近我，個頭挨左落我膊頭到，有少少情侶既感覺
「去到我屋企唔好嚇親！」
「點解？」
「去到你就知」因為Ice係我屋企……
「又懶神秘咁！」
「做乜唔一落雨就去觀眾席到坐」
「驚你搵唔到我丫嘛……之後個電話就無電，頭先因為有少少頭暈先去左坐咋」
「如果我唔黎咁點……等到夜晚丫？」
「Maybe啦，不過我知你一定會黎，嘻嘻」
「咁肯定？」我笑著說
「因為你一定會心軟」你贏左……
＿＿＿＿＿＿＿＿＿＿＿＿＿＿＿＿＿＿
入到屋企，Ice坐左係梳化到睇電視
「番黎喇？我好肚……」Ice望向門口，比倩怡嚇一嚇
「Ice點解你係到既……」倩怡亦都呆左
「遲啲先解釋啦……Ice你帶倩怡去沖涼先啦，之後將佢啲衫褲拎去洗，記住較乾衣功能」
「車！淨係識點人做野」Ice扁咀咁講
「平時啲家務都係我做嫁！」我立即反駁
「得喇得喇！」Ice沒好氣地說，接著望住倩怡態度180度轉變「倩怡呢邊，有咩需要就叫我啦」
「唔該……」倩怡好似有啲唔好意思咁
倩怡入到浴室後，Ice就打開少少罅隙拎佢濕哂既衫褲去洗，之後坐到我旁邊等聽我解釋。
「大至上都明白，但你比佢係到住會唔會唔係咁好」
「都係一兩日姐」
「你鐘意啦！」
「你呷醋丫？」
「痴線！我廢事睬你」Ice起身入房拎套衫比倩怡
我見雨勢無咁大，就落街買左兩盒飯同一碗粥番屋企，番到去就見到倩怡沖完涼個頭仲係半濕半乾狀態，同Ice有講有笑
「你地講緊咩？」
「講你壞話囉」Ice笑笑口咁講
「咁應該無乜野好講，食左野先啦」
「好野！餓到就黎死喇」Ice一支箭咁跑到我面前拎走啲野食
「倩怡，你做乜唔吹乾個頭丫」
「咁人地攰，唔想吹丫嘛」倩怡嘟哂咀
「死懶鬼！」
我去廁所拎左個吹筒出黎，一隻腳跪係梳化一隻腳企係佢旁邊，半跪半企咁幫佢吹頭。
倩怡雙眼緊閉，唔係因為我粗魯，係因為佢係中分既關係避免瀏海吉到眼，我當然係好溫柔咁幫佢吹頭啦！
「梓軒……你真係好溫柔，你係咪對個個女仔都係咁？」
「可以咁講既，女仔係要人錫要人呵護嫁嘛，不過要睇對象囉」
「對象？」
「即係……我重視既人」
「嘻嘻，你咁講係咪間接咁話你重視我？」
「唔知呢，自己參透下」
「好羨慕Ice可以日日有人照顧」
「咁你咪係到住幾日囉」
「Yeah！」倩怡開心到彈起
「傻妹！都估到你想咁嫁喇」我摸摸倩怡個頭
我幫倩怡吹完頭就一齊去大枱到食野，
我見佢只係食粥咁慘就夾左塊雞柳佢食，
佢開心到呢！好似一個小朋友咁有得食糖，
係我心目中佢真係一個天真無邪既女仔，
依個亦係令我心動既原因。
食完野就係櫃筒拎啲感冒藥比倩怡食，但倩怡好抗拒食藥，
我心諗……藥丸黎姐，洗唔洗咁抗拒丫……
最後係我威逼之下皺著眉頭咁吞左啲藥丸。
我地三個有講有笑，仲講埋我啲往事，同埋Ice點解會係到住，
倩怡仲扮嬲「原來我係最遲知，仲話重視我」咁講，我唯有係咁二氹下佢……
倩怡真係好易氹！因為今日星期五，
隔兩日先要番去「玩」埋第二日既陸運會，
所以我諗到個計仔。
「唔好嬲喇，最多聽日我同Ice陪你去玩喇」
「你話嫁！」倩怡指著我說
「頂你！借我過橋！」Ice扭我耳仔
「hey！唔可以咁講嫁，都係去玩姐，何樂而不為呢？」
「我睇下得唔得閒先啦！」
我地都傾左好幾個鐘，Ice沖完涼就同倩怡番房訓。
現在深夜一點幾，
我燃點起一支香煙，飲了一口啤酒，然後雙手緊握著PS4手制玩GTA5。
正當我玩得高漲，搶劫後逃走時，
倩怡從房間出來，佢攬住枕頭坐到我旁邊，
好幾秒後訓左係到，腳微微屈曲，重點係……訓左係我大脾……
我依個時候當然放下手制放棄隊友！
比著你地都會啦係咪？
「訓唔著丫？」我撫摸著倩怡頭部
「嗯……其實我有野瞞住你」
「咩事？」
「關於晚會個日……」
「你係咪想講你條鎖匙比左委員長佢地？」
「點解你會知？」
「我一早估到啦，鎖匙得我地三個有，Ice個晚又開過鎖，最大機會係你，我係想等你親口講之嘛」
「對唔住……因為之前Alan逼我，如果唔係就同我分手，之後到今日又用分手黎威脅我，最後覺得內疚先無妥協到……你有無嬲我？」
「唔多唔少都有既，不過如果我仲嬲緊既話我又點會比你上黎住幾日呢？」
「對唔住……」
「又對唔住！都算好事黎既，可以比你認清楚佢係咩人！」
「亦都比我清楚我真正鐘意係邊個！」倩怡扭轉身仰視我
「……」我呆左……
「我認真嫁！你今日鬧得我無錯，但我會用時間証明我現在係真真正正鐘意你！」
「講呢啲……」
之後我繼續打機逃避佢既「表白」，
倩怡亦繼續訓係我大脾睇我打機，
最終佢都比睡魔打敗，隔左陣我叫醒佢番房訓，
佢臨入房個陣錫左我面豬登一啖，
之後佢臉紅紅咁番左入房，我亦回到床上睡覺。
咁就完左咁有戲劇性既一日……