＜無甜後宮＞唔係呀？二十歲先黎讀番中學！？: ＜更新版本＞拜託！這根本不是愛情！
社際啦啦隊比賽係一個好重要既比賽，
我相信每個男仔到依日都會熱血沸騰，
用佢地對金睛火眼去睇啦啦隊女成員。
其實每次都係由低年級生去跳，
只有兩三個社幹事係高年級生做領舞，
因為又有幾多個高年級生會唔怕醜咁出去跳比全校睇？
所以推哂啲Form1,2既女仔去跳，
觀眾席每一個男仔都興高采烈地觀呼，
但我自問我真係對佢地無乜興趣，
因為我眼中只係見到一班細路女，
佢地真係細我好多……六七年都有！重要係無乜靚女，
但最吸引我既係紅社副社長都去左幫手跳埋一份！
原來司徒芷琪只係Form3，但真係睇唔出，
個樣呃得下人，奇怪既係Form3都做到副社長！
見黃藍紅綠社都跳完，我就走到球場既臨時舞台同大家講
「我相信各位都好興奮，但表演未完嫁！仲有一隊為大家表演，亦係我送比大家既一個驚喜！
有請關倩怡、李紫冰同埋幾位舞蹈組組員」
我講完就行翻去評判台位置，
之後有七個女仔行出黎，當中包括倩怡同Ice
佢地身穿白色露臍上身衫，紅色百摺迷你短裙，同埋白色運動鞋，
我見到觀眾席上所有男生都流哂口水咁拍手同歡呼，
仲聽到有人激到大叫「我愛你丫」……成班餓狼好似前世未見過女咁，
如果比佢地知我同Ice一齊住既話，我諗我好快會消失係依個世界上……
音樂響起＜AOA-heart attack＞既舞曲，
如果未睇過可以上網睇下，舞步更突顯倩怡同Ice既賣點……就係白滑美腿！
衣著同舞曲都係我精心安排，簡單又有活力既舞步，仲有腳同腰睇增加不少性感美。
班毒撚愈睇愈興奮，愈叫愈大聲，睇黎佢地好受落！
佢地跳完之後我又走到台上
「男同學們係咪大飽眼福呢！！」此時已經聽到有人大叫：會長萬歲！！
我覺得今次好成功！仲暗爽左下！
「仲未完嫁，仲有個小驚喜係比女同學」我見到Ice望住我，
個種眼神好似想問我搞乜……
因為個時間表無寫到仲有表演，
包括Ice倩怡全部人都唔知仲有一Part，
除左同我一齊表演既人之外……
音樂漸漸響起＜TAEYANG - RINGA LINGA＞既前奏
有十名穿著黑衫黑褲既男仔走上台，
我地開始起舞，贏得全場女生尖叫，
因為剛才全部啦啦隊既隊員都只係女仔，
極少數有男仔跳舞。
我表演完就回到評判台休息
「乜你識跳舞既咩」Ice問
「以前有跟人玩下咁，前排你唔見我都好夜番屋企咩，就係去左練舞」
「你早講啦，咁我唔洗跳丫嘛！」Ice指住我個頭
「話說倩怡係邊？」
「唔知丫，佢岩岩睇完手機就唔知去左邊」
整個比賽完結，而冠軍同我所想既一樣，非紅社莫屬。
陸運會正式開始，倩怡依然失左蹤，但係我無多理，只係好好安排各個工作人員既職務。
我一個人坐左係休息區到，飲左一啖特濃咖啡，
諗番起萬聖節晚會既事，我內心就有點隱隱作痛。
「喂，你參加左啲咩」Ice行到我身邊
Ice已經換上P.E衫，嫩白美腿依然表露無遺
「我乜都無參加喎」
「下，可以既咩？」
「車！我做會長依個位點解唔得，最後都係我編排既姐」
「濫用職權！」
。
「女子一百米初賽最後召集！」
。
「唔講喇，到我！」Ice轉身離去
「加油喇Ice！」我揮一揮手
「嗯，我會」Ice回眸一笑，真係好靚
試問有邊一個男仔可抵受得住一個靚女回眸一笑，
更可況唔係普通靚女咁簡單，佢係女神呀！
唔通我要轉移目標，向Ice進發？
＿＿＿＿＿＿＿＿＿＿＿＿＿＿＿＿＿＿
陸運會進行左大約一個半小時，都算係幾順利，
我人有三急想去交個水費個陣，
阿Ling同Gigi咁岩係女廁出黎，
但我地無打過招呼，甚至無望過我一眼，
我地咁既關係已經維持左半個月，
就算係課室都係扮唔識。
我去完廁所就見到倩怡企左係到，佢雙眼紅紅，一睇就知佢喊完！
佢無講任何野就一野攬住我，
經過好幾十秒佢就開始喊，我亦雙手攬住佢，
我地相隔兩個月之後又再一次擁抱對方……
「發生咩事丫」我溫柔地輕聲說
「鳴……Alan佢唔要我喇」
「咁突然？之前仲好地地……」
「我以為我地真係可以好長久……以為佢真係愛我一個……
我都為左佢犧牲咁多野……點解……點解佢要咁對我……」
「……」我真係唔知講咩好，點都係佢地兩個之間既野
「以前錫我，氹我，對我好既人一直係我身邊我都無好好咁珍惜過……
梓軒……你仲鐘意我嫁係咪？不如我地一齊啦……好嗎？」倩怡抬起頭望住我
我閉起雙眼沉思左一陣，我聽到佢咁講……
我完全Feel唔到有開心既感覺，
反而燃點左我心中既無名火……
。
。
。
。
＜你今天當我怎麼？＞
。
。
。
。
我雙手捉住倩怡雙肩，慢慢推開佢
「無錯！我承認我仲對你有感覺！但係！你究竟當我係乜野……」
「梓軒……」
「係一個月之前你拒絕我揀同佢一齊……
你知唔知我有幾唔開心？」
「我……我知嫁……」倩怡不停喊
「你知唔知我唔開心係在於你無揀我之餘仲要話我知，你係對我有好感有感覺，但你一直放唔低佢，個種感受就好似同你講你中左六合彩但唔可以攞咁！
咁我可以點？唔通個陣將啲感受擺哂係塊面比你睇丫？
咁你不如直接啲同我講無機會啦！唔好咁多廢話好嗎？
今日……佢唔要你先黎搵番我！你究竟當我係咩？
大佬丫！依啲唔係愛情！你只不過係想搵個代替品咋！
如果佢轉頭又話想一齊番個陣，
你又再同佢一齊係咪？又想hurt多我一次係咪？」我好激動！！
「嗚……唔係丫唔係丫……我……」倩怡一邊喊一邊搖頭
「得喇！唔洗再講！我番去先！」
我轉身離開，行左幾步終於忍唔住留下一滴眼淚……
因為我真係好嬲，諗番晚會既事嬲上加嬲，
點解佢要咁對我……我自問對佢都唔差……
＿＿＿＿＿＿＿＿＿＿＿＿＿＿＿＿＿＿
我扮無野咁番去自己崗位工作直到成個陸運會完結。
當臨走既時候天色陰暗，好似想落雨咁，
我剛到車站個陣，突然收到倩怡既whatsapp
「我好想見你，你聽我解釋啦……我會係運動場門囗等你」但我無理會到，直接番屋企。
我係咪真係咁小氣……？
我番到屋企既時候，外面已經龐陀大雨，
仲行雷閃電，心想倩怡可能已經番左屋企，
我沖左個涼冷靜一下，再睇一睇手機，
倩怡半個鐘前又whatsapp我一次，但今次係錄音
「我會一直等你出現，不見不散」倩怡把聲變哂，仲聽到落雨既聲音
我心諗……佢唔會一直係到淋雨丫嘛……
我最終都心軟，立即換好衫，拎埋把遮衝落街搭的士。
「鄧肇堅運動場唔該！」我向司機講出目的地
搭車途中我個心係咁責備自己點解唔聽個傻妹解釋，
佢已經比人拋棄過一次，
現在到我面前我又無好好咁安慰佢，只係不斷埋怨佢……
我知道自己做錯了……心裡開始內疚……
花了五分鐘到左運動場，
但係門囗見唔到佢，之後我打電話比佢
「xxxx xxxx現在未能接聽你既電話……」
打左幾次都唔通，我開始心慌，佢唔會有啲咩事丫嘛……？
我係運動場既外圍周圍搵，
外面唔見，我就入場內搵，
我入到去見到觀眾席最高個一排有個女仔坐左係樓梯到，
不過坐既姿勢睇唔到個樣，
佢伏左係膝頭到，同一間學校，同埋校服濕哂，咁一定係佢！
其實天氣開始有啲涼，落埋雨係涼上加涼，
見佢成身濕哂都有啲擔心……
我慢慢行到佢面前，然後坐係佢旁邊，
除左自己件外套披左係佢身上，
佢慢慢抬起頭望住我
「梓軒……你終於黎喇……」倩怡仲係喊緊
我已經分唔清楚佢臉上既水珠係雨水定還是淚水，但我無多理……
現在只想將佢緊緊抱實，
同佢講一聲「傻妹……對唔住」