愛．限期（真人真事）－續集: <<第三集>>

2014年5月4日 星期日

五年半感情玩完既感覺，好痛
雖然我係講分手既嗰個...但我都真係好痛...
由初初因為話劇而認識，到我踏入社會，無精力玩話劇（或者係熱情不再），我既興趣又因為有收入而增多，我好似一步一步遠離緊佢...到舊年開始，我講乜野佢都無興趣聽既時候，我地開始變得無話題...到左依家，因為我同佢老豆既爭論，點著左條導火線，本身表面上顯得好穩定既感情，其實包住所有情侶都遇過既問題...

我痛，因為五年半...或者一開始我地就唔應該係埋一齊，或者我應該早三四年發現依個問題，或者我唔應該一心諗住問題可以解決，就無視兩年前佢提出既分手要求

可能早在兩年前，佢已經意識到依個問題，佢話覺得我似佢哥哥多過似男朋友，當時我同佢講，依個係感情穩定既證據...係我短視...係我令依段關係終結得咁痛...係我錯...



起身再同佢地三個去酒吧飲酒...飲完再買酒入M記做餐飲，我一啖都無食過，拎左罐啤酒自己行左落噴水池...
我喊左好耐...我以為感情淡左咁耐，分手會無乜野，但事實唔係咁，真係好痛...好痛...
喊左唔知幾耐...Johnny落左來陪我，幫我飲埋我帶左落來但一啖都無飲過既嗰罐啤酒。

失戀幾痛，第二朝九點又要準時坐係公司，點解依個世界無失戀假？