2014年5月9日 星期五

分手接近一個星期,心情開始平伏。可能係因為我既理性開始支配我既腦部,係我既心入面有把聲係咁同我講「冇共同興趣,係唔會有結果嫁!」
身為處女座既我,今日已經完成我個完美女朋友既特徵藍圖:識得煮飯,識得音樂,中意玩運動,聰明,溫柔體貼,肯聽我講野,高瘦大,長直髮,靚女。
我突然好想問自己一個問題...點解當初我會同佢拍拖呢?佢除左係女性之外,點解係佢身上一項我提過既特徵都搵唔到?或者...愛就係無原因。但係要相愛到老,我深信只有我既完美女友才能做到。

今晚原本約左同事落LKF,不過峰爺突然有事,我地唯有取消。因為峰爺係每個星期落去玩兩晚既浦友,無佢帶路我地連點行上去都唔識?我一直都好想落去見識下,究竟依個地方係點嫁呢?但係因為一直有女朋友,我唔會去依個地方。但依家,我就有機會啦,我地推遲一個星期,下星期五再落。
而今晚我就做左另一樣有女朋友會做唔到既野,報學電單車。

同佢分左手,先知原來一直一齊都好大壓力,要係佢屋企人面前表現得好,買貴野又要收埋收埋,想學電單車又唔俾,到最後我咩都唔夠膽講...


究竟分手係咪一件好事?我痛...但我感覺好似放低左舊大石...
已有 0 人追稿