愛．限期（真人真事）－續集: <<第五集>>

2014年5月16日 星期五

終於等到今日，未落過LKF既我對今日充滿著幻想，聽我個同事講，跳跳下舞就可以攬女，有d女仲會主動過來識你，五年幾無掂過女朋友以外既女性，對於我來說，新奇又刺激。
峰爺話11點前同11點後既老蘭係兩個唔同既世界，我地當然會揀傳說中d女會玩得放d既時段，11點後先去啦。

我地約10點半係中環等，我就同Johnny Angel 呀輝去食餐飯先。食完飯返去攞車既時候，Johnny 同Angel 落後左好多，呀輝突然問我「你冇乜野丫嗎？」我奇怪點解佢會咁問，佢話覺得我近排脾氣差左好多，平時既我咩野事都好睇得開，乜都無所謂，但依家既我郁d就會發脾氣。
我唔識答佢...表面上既我當然同其他人講我冇事，但係話完全唔痛咩？又肯定厄你既...
係...我仲痛...

佢地車我去地鐵站，最後呀輝同我講「今晚小心啲！」我好開心有你地依班好朋友！陪我飲酒陪我玩音樂，真係好多謝佢地！



到左中環，我問峰爺我要禁幾多錢，我有900蚊係身，佢話睇你會做乜嫁咋喎！咩都唔知既我，就決定到時先算啦。