愛．限期（真人真事）－續集: <<第十二集>>

2014年5月28日 星期三

今日六點鐘準時起身，煮雞胸切蕃茄，加埋梳洗換衫，六點九就出發去Miki屋企。我同佢住得唔算太遠，但因為要轉幾次車既關係，搞到明明坐的士只需半個鐘既路程，搭地鐵要用接近一個鐘。

Miki都好準時，7點40分就已經係七仔買定飲品等我出現。之後就去搭巴士返佢公司。搭巴士同搭地鐵既分別係，搭巴士車程耐d，可以增加見面既時間，另外就係見到熟人既機會比較低，咁就可以安心d咁有身體接觸。今朝我借機會攬住佢，等佢可以訓得舒服d。第二次同佢有咁近距離既接觸，第一次係相識既第一日，喺LKF發生，第二次就係今日，好sweet咁喺巴士上面發生。而今日，我更加錫左佢面珠一啖，佢好快就成塊面紅哂，好可愛，救命...真係拍戲咩？我搵返初戀既感覺？唔理啦，總之就好sweet啦！

以我既廚藝加埋我既愛心，依個早餐無滿分都有90啦！落車之後仲有十幾分鐘先夠鐘，我地就去左超級市場行下，傾下計，佢喺佢公司附近已經唔理任何人，照拖住我啦，其實依一種被鍾意既感覺好新鮮。係因為男人就係愛新鮮既動物？定係我真係好耐冇感受過依種被鍾意既感覺？
而我應承左佢，每朝都會陪佢返工！我決定犧牲我既睡眠時間，去換取見Miki既機會！同佢一齊真係好開心，好sweet。所以我推左好多夜晚既活動，例如一個星期一次既碌鈴，什至舊同事既飯聚。而夜晚，就去買明早既早餐材料，然後快快趣趣返屋企訓覺！

倒數最後20日。