愛．限期（真人真事）－續集: <<第十七集>>

2014年6月7日 星期六

佢又拍醒我...今次Miki話...好光好殘眼，真係俾佢激死，但係又好甜蜜，我最後就起身，先8點鐘，我去左拎d遮光布入房，用來遮住太陽，雖然仲有光，但依個光暗度應該可以訓得到。然後我地攬住傾左一陣計，我突然醒起有段早霸王既錄音好好笑，所以我就開左俾佢聽。真係好好笑，聽完諗住訓多陣啦，點知...佢同我講訓唔著！

不過，我嬲佢唔落，佢攬住我個種感覺真係好甜...依種咁甜既感覺...上一次感受到既時候已經係6年前。嗰陣敏怡就係做到依種感覺，攬住我就已經表達到佢好愛我。我出廳確認一下老豆係咪已經返左工，然後入返房，又開始我地既激戰。出返房既時候已經就來十一點，我就煮返熱沉晚d肉醬意粉，一路睇電視一路食。

食完我地去左街巿買材料，今日試整冬陰功湯！買齊材料之後我地就返屋企又玩煮飯仔。同愛既人做愛做既事真係好幸福。同女朋友一齊整野食，太美好啦！之前嗰個淨係識得等食，依家Miki連幫生蝦去殼都熟手技工咁。我好中意Miki...開始唔想佢走啦...另外我地買左豬頸肉玩燒豬頸肉，我完全唔洗幫手佢就完成到依個餸，證實左佢真係識整野食！

正所謂飽暖思淫慾，飲飽食醉之後又係戰鬥既時候啦！但咁短時間再第四次...真係好攰...好彩都仲有能力俾埋第四次佢。最後我地落街食爭鮮，食完都十點，我就送左佢返屋企。



依兩日我好開心，我覺得同Miki好夾，最開心就係大家都估到大家想要d乜。我keep住讚佢好醒，因為我覺得估到我想點依件事實在太完美啦！我一定會唔捨得佢...牙輝佢地同我講唔好放太多感情落去...但我做唔到...我真係將我所有既感情都傾注係依段關係入面...我已經走唔甩啦...我愛Miki...我好愛佢...到左依個時候...我應該點做？聽我既理性做野？定放任我既感性聽天由命？

最後倒數10日。