《男孩的她》: 第十五章—Show Time(下)

球在空中畫出完美的弧線，然後直插入網。

我回頭望向高文。

「三分波十射八中，時間二十三秒，快咗兩秒。」他向我報告。

「聽日就打架啦喎，你隻腳冇事啦嘛？早知你有傷就唔搵你啦當初。」他說。

「冇咩事啦，你唔搵我你可以搵邊個呀？」我說。



他不懂如何回答。

比賽分成中一至中三的低級組和中四至中六的高級組。低級組共有八隊參加，我們在八隊中，實力根本是最弱……

我們幾經辛苦才找到足夠人數參賽……更談不上什麼有質素……

「好啦今日練住咁多先，聽日嘅比賽大家努力啦。嚟，我地叫一下！」高文大聲說。

眾人都把手搭在一起。



我感到很不耐煩。

我不明白到底有甚麼用。

「差你咋軒仔。」高文說。

我不情願地把手搭在最高。

「3D！」然後眾人就大叫道。



「喂，小晴呀？你得唔得閒呀？」我打電話給小晴。

「得嘅，做咩呀？」她問。

「咁Starbucks見啦。」我趕忙斷線，沒有給她拒絕的機會。

我拿起身邊的紙袋，步出球場。

走進Starbucks，小晴已叫了一杯星冰樂，坐在窗口位等我。

「咁急叫我嚟做咩？」她雙眼無神，見似幾天沒睡覺般。

「你份生日禮物到啦，雖然你下個禮拜先生日，但係我好想依家送比你。」

她面露興奮之情，接過紙袋並打開，拿出一件3號球衣。



「咦，送件波衫比我呀？」她面上閃過一刻失望，但隨即回復正常。

「你睇清楚先啦，呢件係班籃嘅波衫，個名印住Sunshine，即係代表你呀。」我說。

「你參加咗班籃呀？即係件波衫係你嘅？」

「係呀。」我答。

她把球衣褶好並放回紙袋，然後還給我。

「做咩呀？你唔鍾意？」我問。

「傻瓜你送咗比我咁比賽著咩打呀？著底衫呀？等你打完先送啦。」她笑說。



「係喎點解我無諗過呢個問題嘅……好啦咁。」我實在太愚蠢了……

「加油呀你，一定要贏呀！」她說。

「知道！」我眼神堅定。

—————

比賽在學校旁的體育館舉行，現場座無虛席，十分熱鬧。

我坐在場外，對面看台的小晴正舉著「3A加油」的紙牌，我倆四目相投，她舉起姆指以示鼓勵。

告示牌彈岀紅字，顯示抽籤結果。

第一場：3A對2B


第二場：2C對3B
第三場：2A對2D
第四場：3C對3D

「頂……第一場就對3C……你睇下對面24號嗰個，就係3C嘅主力。」高文指向對面一名身穿24號球衣的青年。

只見該名青年眉清目秀、肌肉強壯，而且正走過來。

「哈哈哈高文，估唔到我哋又係八強見面呀，你今次想輸幾多分呀？」他笑得狂妄。

「李雄，睇下今次邊個輸。」高文咬牙切齒。

原來他叫李雄。

「哎喲你搵埋文弱書生岀嚟打，讓你50分又點話呀。」他指著我說。



沒有人理會他，他自己沒趣地離開了。

「我上次喺八強對著佢，比佢贏咗30分……佢自已攞咗39分……」高文解答了我。

「軒仔，你一陣同佢對位，記住小心佢啲Fade away同切入。仲有，一陣你做後場發動機，帶起成隊嘅進攻。內線有我喺度頂住。」

「志文，盡量搶籃板；志康，帶個波過咗半場就比軒仔……才略，做好防守。」高文指揮道。

我們3D的先發陣容：
控球後衛：志康
得分後衛：王子軒
小前鋒：陳才略
大前鋒：高文
中鋒：志文

但其實就只有我和高文懂得打球……

眨眼就過了頭三場比賽……到我們上場了。

我望向正戴著的「Truth」手帶……這是白雪很久以前送給我的……

說起白雪，好像很久也沒見她了……

再望向看台上的小晴……

It's my show time！

我步入場內。

「着住3號就以為自己係韋迪，咁我着住24號我咪係高比拜仁？」李雄走過來用他討厭的聲線說。

我沒有理會他。

高文贏得跳球，把球拍到志康手上。

志康馬上把球傳給我……李雄卻快一步搶走球，自己快攻上籃。

接著來，無論是內線的高文，還是外線的陳才略，都被高壓防守，頻頻失誤。

短短五分鐘，對方已打岀16-6的攻勢。

更恐怖的，那16分，是李雄個人獨得的。

「哈哈呢啲唔係幼稚園喎，你哋去錯地方啦。 」李雄嘲笑道。

他不知跟陳才略說什麼，令後者主動防守他……

「出手啦！」高文對我說。

我帶球到前場，在三分線前三步急停，射岀三分球。

球不偏不倚地穿過籃網，激起白色浪花。

16-9。

李雄看著我，笑了一笑。

他帶球到前場，大步衝入油漆區。

眼見他成功得分，我卻毫不留情地把他這球封下來。

然後自己帶球跑到三分線，急停跳投。

球像裝了自動導航一樣，「刷」一聲應聲入網。

16-12。

「韋迪就係會咁Block人嘛，高比拜仁。」我特意把最後四個字提高聲量。

李雄怒火沖天。

待續。