《男孩的她》: 第十六章—我要我們在一起
刷……刷……刷……
球場上入網聲不斷，而且夾雜著人們的歡呼聲和讚嘆聲，活像在合奏籃球的交響曲。
當然，還有人們的驚訝聲。
「嘩……邊個嚟架……成個人好似著曬火咁……」一名觀眾說。
鏡頭轉向計分牌，這場比賽踏入最後一分鐘，而比分是……25比41……
比分下面的數據統計，其中有一行特別吸引人們的眼球……
3D 3號 35分7抄截2蓋帽
鏡頭再轉向場內。
一名身穿3號的青年，笑得異常狂妄。
他……就是王子軒。
—————
哨聲響起，球賽結束。
「高比拜仁，說好的讓我五十分呢？好在冇比人聽到咋，如果唔係你柒到下世紀呀。」
我的狂妄輕佻跟開賽前的李雄有過之而無不及。
李雄眼神充滿仇恨。
我看到小晴站在場外，面上不僅沒有一絲高興，還帶點不滿。
我跨過跌在地上的李雄，走向小晴。
整個動作就像2001年NBA總決賽，76人對湖人第一場，Allen Iverson跨過被他Ankle break的湖人球員一樣。
「你去死啦！」突然，背後有人大聲叫囂。
我轉身一看，李雄已拿著不知從何來的鐵通，向我擊來。
我躲避不及，硬生生吃了這一擊……
我頭暈目眩，眼睛一黑，倒在地上。
眼晴張開，一片模糊……如何努力也只能看不清楚。
「呢……呢度邊度嚟？」我吃力地問。
「呢度係醫院，你比人打所以入咗嚟。」眼前一個白色的人影說。
估計……他就是醫生吧。
我……記起了。
「你比外物擊到個腦導致腦震盪。其實你已經昏迷咗三日，本來我地對你喺短期內醒番冇咩期望，但係好神奇咁你昏迷咗三日就醒咗。你依家抖下先啦，等你做完檢查冇事嘅話就可以岀院架啦。」醫生說。
「咩話？三日？醫生我要依家即刻岀院！」我大驚。
今日是四強的比賽日……
「唔得呀你情況仲未穩定。」醫生快人快語，一句就拒絕了我。
「我要岀……」門被打開。
陳才略和郭一意率先走進來，接著是小晴。
走在最後的兩人是高文和許心……他們拖著手……
他們看到我的驚訝表情。
「我地一齊咗啦。」高文笑得合不攏嘴。
「你個死肥仔都溝到女呢個咩世界？」我視線掃過小晴一眼。
「你吹得我脹咩？點呀，你死得未呀？」高文問。
「未死得呀有心啦。得喎……場比賽點呀……」我突然想起。
「我地……輸咗……」陳才略面有難色地說。
「吊你輸咗仲嚟做咩呀，走啦！」我隨手將櫃上的水瓶扔在地上。
我也不明白，當時我為什麼失去了理性。
他們全都呆了，不知所措。
「走呀！」我把另一個水瓶扔在地上。
他們低著頭走岀房間，除了小晴。
「我叫你走呀！」我向小晴怒吼。
「你係咪連我都要趕走呀依家？」小晴只平靜地問。
我就像個洩氣皮球，不懂如何回答。
「你點解要發班好朋友嘅脾氣呀？」小晴生氣地說。
「輸咗呀，佢地輸咗啦！冇得贏啦！」
「贏贏贏你打籃球就係為咗贏？你見唔見到你嘅囂張、自大，贏咗之後嗰啲不可一世嘅氣焰？你之前唔係話打籃球為咗開心咩？」她激動地說。
「係呀我贏就係為咗對你嘅承諾，冇咩大不了姐，我知呢啲承諾你岀句聲就會有大把，你女神呀嘛。我知我呢啲人又點襯得起你呢啲有錢女呀，我最多咪做觀音兵！」我衝口而出。
她留下兩行眼淚……然後走岀病房。
我……好像說得太過分吧……
如果白雪在，一定知道下一步怎麼走吧……
到底她去了哪兒？
小晴……唉……
《發脾氣是本能，控制脾氣是本領。》
到我岀院之時，已是一星期後。
那天是派成績單的日子。
我走進班房，第一眼就看到高文和陳才略。
「對唔住……」我說。
「超，我地都冇放上心。」陳才略說。
「我地差你嘅冠軍，下年還比你！」高文雄心壯志地說。
「好！」我們齊說。
我從班主任手中接過成績單。
「一、二、三！」
三聲後，我們三人一起打開成績單。
「嘩頂，你又係全級頭十……」高文對陳才略說。
「嘩頂，你都唔差囉，全級十五……」高文看著我的成績單說。
「你考到咁點樣同一班攞冠軍呀？」陳才略看著高文「滿江紅」的成績單笑說。
「你顧下你啲操行先啦，又唔合格啦」高文恥笑陳才略。
我看著成績單，笑了一笑……
這……真是太好了！
只要在學期完的時候排名在全級的頭四十名就能進入A班。
小晴，我對你的承諾已完成一半了！
鐘聲響起，我衝岀班房。
走廊上有一個熟悉的身影。
「小晴……小晴……」我大叫。
她轉身而看，看到是我後就停下了腳步。
「你冇事啦……」她問。
「我冇事啦，你睇下我今次嘅成績先啦！」我興奮不已。
她從我手上接過成績單。
「哦，唔錯呀，幾好呀。」她只冷冷地說。
心如刀割……
「上次對唔住呀，我冇心咁講架……」我向她道歉。
「嗯，得啦，我冇野。」她冷淡地說。
「係喎，白雪去咗邊？」我問。
「佢喺加拿大嗰邊有屋企人過咗身，所以番咗去。」她說。
「走得咁急嘅講都唔講聲。」
「我都唔清楚，你好掛住人啊？」
「唔係啊唔係啊，問吓咋嘛。」我連忙說不。
「冇事我走先。」她轉身就走。
「拜拜……」我連挽留也不懂。
她對我的態度好比陌生人……
就因為一句話……令整個關係都變了？
「你點解咁努力做學霸？」她停下來問我。
「除咗我想同你一班之外，仲因為我唔想你再問人哋問題，我只係想你問我問題。」我把心聲說出來。
「嗯……」
她的身影越走越遠，這一次她沒有停下來。
我一定會把你追回來的。
待續。