千禧港女神探（一）春風化雨殺人事件: 第十一話　一去不回

第十一話　一去不回

黎國光看了手錶，現在的時間是4:55。

黎國光說：「好彩Victor去得快，如果唔係5:00校工鎖埋廁所門，咁佢就要攋屎。」

葉雨虹說：「噫！你哋啲男仔咪咁核突啦！依家食緊蛋糕㗎！」

另一方面，在活動室附近的403室中，訓導主任蔡智勇正在監察留堂班。





需要留堂的，大都是中一至中三，沒有完成功課，或者破壞課室秩序的學生。

今天的留堂名單中，有二十幾人，當中包括葉雨晴和孫葡萄，兩人都是因欠交功課而被罰的。

就在4:55時，孫葡萄突然舉手。

蔡智勇說：「咩事呀？孫葡萄同學！」

孫葡萄說：「我想去廁所呀！」





蔡智勇說：「仲有5分鐘就落堂，忍埋佢先去。」

孫葡萄說：「唔得呀！我放學之後就來403室罰留堂，晏晝食飯都依家都未去過廁所。」

蔡智勇說：「咁好啦！快啲去！快啲返！」

孫葡萄說：「Solar妳陪我去丫！」

葉雨晴說：「好呀！一齊去啦！」





蔡智勇說：「人去妳又去，坐返好，每次只可以一個人去。」

葉雨晴說：「咁好啦！我落堂先去啦！」

孫葡萄就離開403室，前往四樓的女洗手間。

快到5:00，校工江潔梅在四樓走廊遇上正要回到403室的孫葡萄。

江潔梅在女洗手間的門大叫：「仲有無人喺入面呀？」

沒有人回應，於是她就把女洗手間上鎖。

江潔梅在男洗手間的門大叫：「仲有無人喺入面呀？」

沒有人回應，於是她就把男洗手間上鎖，就離開了。





這時留堂班下課的鐘聲響起，眾人準備離開，孫葡萄剛好回來。

蔡智勇說：「好彩妳返得切，如果唔係聽日再罰留堂。」

孫葡萄說：「我知道喇！多謝蔡Sir放我一馬！」

活動室中，各人已經吃完蛋糕，喝完汽水，準備收拾，交還活動室。

謝隆恩拿出白色垃圾袋，將用過的紙杯、紙碟和膠叉放進去。

眾人亦將自己手上的紙杯、紙碟和膠叉放進去。

謝隆恩將垃圾袋打結，正想放在活動室的垃圾桶中。





葉雨虹說：「你唔係諗住掉喺呢度呀！好心你咪咁懶啦！」

謝隆恩說：「掉喺呢度有乜嘢問題呀！」

葉雨虹說：「校工收工喇！啲垃圾會留到聽日，咁樣就會惹蟻。」

謝隆恩說：「唔掉喺呢度可以掉喺邊度？」

葉雨虹說：「拎出去小圓邨嘅垃圾收集站啦！」

謝隆恩說：「嘩！好很遠喎！妳知我肥騰騰㗎啦！」

葉雨虹說：「我都知你今日拎蛋糕辛苦，大家幫我做咁多嘢，垃圾就由我去掉。」

黎國光說：「妳一個人點拎到兩個垃圾袋呀！等我幫妳啦！」





黎國光關了攝錄機，放在書包中，就跟葉雨虹一人拿一袋垃圾，離開活動室。

林嘉慧說：「奇怪！Victor爆石爆咁耐都未返？」

謝隆恩說：「等我去廁所睇吓啦！」

何四悅說：「大家都要走，不如一齊去。」

於是，林嘉慧、何四悅、謝隆恩、黃傳聲、徐梓俊和張宇傑一起來到四樓的男洗手間。

眾人看見男洗手間的門已經關上，黃傳聲還是嘗試去開，結果證實是上鎖了。

謝隆恩說：「Victor會唔會已經走咗？」





黃傳聲說：「除咗Edward要袋攝錄機之外，其他人都無帶書包來。」

張宇傑說：「好彩唔使幫佢拎書包姐！」

徐梓俊說：「既然唔使返來拎書包，佢應該返咗屋企。」

何四悅說：「既然係咁，大家就散水。」

於是，各人不再深究，離開學校了。