千禧港女神探（一）春風化雨殺人事件: 第十二話　警察介入

第十二話　警察介入

第二天早上，校工江潔梅慣常地清潔四樓的洗手間。

在男洗手間門前放下「清潔進行中」的指示牌後，就用鎖匙開門。

門開啟後，一股惡臭撲鼻而來，除了屎臭之外，還有像發霉般的臭味。

江潔梅進入男洗手間後，發現其中一格上鎖，從下方門縫看見有人在裏面。





而那股惡臭，正是由廁格裏面傳出來，廁格從裏面上鎖，外面沒有鎖匙可以開啟。

於是，江潔梅找來另一位校工區貴誠，想辦法將廁格的門打開。

區貴誠二話不說，一腳踢向廁格鎖的位置，幸虧門鎖古舊生鏽，一踢之下門就應聲打開。

裏面坐在馬桶上的男學生，口吐白沫，並已經出現屍斑。

而且，這名男學生長褲和內褲已經拉下，正在腹瀉，並在腹瀉期間死去。





從屍體的外觀上看，即使是普通人，也很明顯知道是中毒身亡。

區貴誠說：「弊傢伙！要即刻通知校務處！」

訓導主任蔡智勇正好在校務處，他知道事態嚴重，實在顧不了學校的聲譽，決定報警。

大約十五分鐘後，警察來到現場，其他學生如常上課，完全不知道有命案發生。

蔡智勇在學校大門等待，兩男一女正在向他走過來。





蔡智勇說：「我係呢間學校嘅訓導主任蔡智勇。請問三位點樣稱呼？」

女的年約三十，身材窈窕，高度約一點七米，英氣十足，巾幗不讓鬚眉。

趙芷芳說：「我係大埔區重案組高級督察趙芷芳，呢位係我嘅下屬。」

一男年約二十，略帶稚氣，高度約一點六米，沉穩冷靜，沒有半點輕浮。

高子峰說：「我係大埔區重案組警長高子峰。」

一男年約三十，國字面形，高度約一點七米，深邃睿智，帶很重書卷味。

吳碩彥說：「我係大埔區鑑證科法醫吳碩彥。」

蔡智勇說：「Madam Chiu妳好，高Sir你好，吳Sir你好。」





趙芷芳說：「蔡Sir就係你報案話學校發現屍體？」

蔡智勇說：「無錯，不過發現屍體嘅並唔係我本人，而係兩個校工。」

高子峰說：「請蔡Sir先帶我哋去發現屍體嘅現場，之後再同證人落口供。」

蔡智勇說：「無問題，三位請跟我來，地點係四樓男廁。」

四人來到四樓男洗手間，進去後立刻傳來濃烈的屎臭和屍臭。

吳碩彥立刻戴上口罩，進行初步驗屍，並套取案發現場的指紋，另外三人在門外等候。

趙芷芳說：「蔡Sir你認識死去嘅學生嘛？」





蔡智勇說：「認得，佢係5A班嘅古偉達。」

吳碩彥驗屍和套取指紋後出來，除下口罩，到門外呼吸新鮮空氣。

高子峰說：「驗屍有結果未呀？」

吳碩彥說：「死者口吐白沫，初步推斷是中毒身亡。屍斑積聚在臀部、大髀下面、

仲有雙腳，而且已經擴散。估計至少已經死咗十二個鐘，而且死嗰陣就係坐住。」

蔡智勇說：「咁知唔知道點樣中毒，中乜嘢毒，同埋準確死亡時間呀？」

吳碩彥說：「最大可能係食物中毒，至於中乜嘢毒，同埋準確死亡時間，

就要解剖、抽取胃部殘留物，再詳細化驗先至可以知道，最快都要兩、三日。」





趙芷芳說：「咁不如我哋先同證人落口供，請嗰兩位發現屍體嘅校工過來。」

吳碩彥召喚了救護車，將屍體送到大埔區警署鑑證科，等待詳細解剖。

蔡智勇帶了趙芷芳和高子峰到校務處的會客室，並請江潔梅和區貴誠過來。

趙芷芳先問最先發現屍體的江潔梅，高子峰在旁邊以紙筆記錄。

趙芷芳說：「我係大埔區重案組高級督察趙芷芳。請問點樣稱呼妳？」

江潔梅說：「我叫江潔梅，大家都叫我梅姐，我係學校嘅校工。」

趙芷芳說：「梅姐妳係幾時同埋喺邊度發現屍體？」





江潔梅說：「今朝8:00左右，我正想清潔四樓男廁嗰陣發現。」

趙芷芳說：「根據法醫所講，死者最少死咗十二個鐘。琴晚妳見唔見死者喺男廁入面？」

江潔梅說：「學校規定每日下晝5:00就要鎖廁所門，我鎖之前有問過入面有無人，不過無人應。」

趙芷芳說：「咁妳有無入去確認一吓有無人喺入面？」

江潔梅說：「咁又無喎！不嬲都係，無人應我就鎖門。」