金庸今年出食譜？: 七

經過昨晚一役，我決定暫時都係唔好隨便同人挑機，目前我既韋一笑凈係識中低級招式，根本唔夠打，或者我一開始就應該專攻高級技。

「Kyle！」我一踏入校門，值日既訓導黃sir就叫住我，「唔好唔記得今日放學你要做咩。」

我頂！

「哦。」我求其應左句，跟住就上班房。

一上班房第一件事就梗係搵人借功課抄啦，上個禮拜掛住同人決鬥完全無理過d功課。





「叩叩！」呢個時候，我地班主任老女人Miss葉敲門入黎。

「起立！」班長嗌。

「Miss早晨。」全班嗌。

「大家早晨。」Miss說，「一大早我見大家好似都未訓醒，好啦，我而家有個好消息希望可以振奮一下大家。」

「咩好消息呀？」坐前排的同學A問。





「今日開始會有一個實習老師代我上你地既中文堂，為期一個月。」

「Yeah！！！」竟然有人yeah得咁大聲。

老女人Miss葉當場黑面，「大家唔洗上我堂，係咪好開心呢？」

然後全班靜曬。

而中文堂就係朝早頭一二堂，打鐘之後，Miss葉離開班房，換黎一個新的實習老師。噢，原來係個正女！





咦？唔係wor，再望清楚d！哇！哇！哇！竟然係果日條港女八婆！當日一副潑婦般既醜惡嘴臉女子如今竟然係我地班既實習Miss？WTF！

佢掃視一下班房，好快就認出左我。其實佢今日化左妝，單論樣貌其實還不錯，可惜內裡係個死港女。

「大家好，我叫Connie，中文名陳美娟，大家平時可以叫我Connie或者Miss Chan。」

陳美娟，唔係掛，個名咁鬼老套既。

我忍唔住笑出聲，點知又被佢聽到。

「果位同學唔知有咩咁好笑呢？不妨講出黎同大家分享下？」

「無呀。我無笑呀！」呢d情況見怪不怪，我亦應答自如。

「哦，無咩既，Miss我今日第一次上堂有小小緊張，頭先睇錯以為你響度笑所以想你分享下有咩好笑，等我地都一齊開心下化解下尷尬姐。不如咁啦，既然都叫到你，不如你而家即場諗個笑話，講出黎等我地個課堂氣氛可以輕鬆下？」





「我諗唔到喔。」我心諗你條八婆分明玩野姐，講咩笑話呀，家陣你當我小丑呀？

「唔緊要，今晚翻去諗，聽日上堂講都得既，就咁決定啦！好野！」Connie帶頭拍手鼓舞，跟手全班都一齊拍手。

我頂！

「哦。」我無聲無氣咁答。