(無甜)上天給我的一個玩笑 (新增外傳): (8)

我對呢啲聲音感到一頭霧水之際
 
四大天王異口同聲並指住我咁講「學校地方嚴禁拍拖」
 
「咩事呀，我邊有拍拖呀」我放低啲野食「你地邊隻眼見到呀」
 
「你地兩個情侶裝呀」平時你班友都無咁齊心，但今日全班一齊講
 
我望一望啊螢…原來佢同我一樣，都係一件普通牛仔褲 T恤 波鞋加件紅色格仔外套，真係撞到一模一樣，我一直都唔發覺，比班友咁樣講一講先知
 




「撞衫姐」我好淡定咁講，但其實我唔知點答好「平時校服都一樣色，大家咪又係皮鞋小白襪，唔通咁就全校都情侶裝咩」
 
城城一臉奸笑「你繼續扮啦你」
 
「我彩你都哂氣」我亦都唔打算再作出回應，而我望一望啊螢，佢亦都係一副懶理嘅樣咁坐左係到
 
而全日嘅話題都一直圍繞住我同啊螢，我一直被一個個嘅男生圍住，啊螢亦都被一個個女生追問，當然我地兩個都好淡定咁話無野
 
嘻嘻哈哈，吵吵鬧鬧，就係咁我地兩個就成為左聖誕聯歡嘅主角啦…雖則我平時都好夠出位，但今次…我唔想咁出位…
 




聚餐過後又玩過一堆無聊嘅遊戲，最後去埋聖誕崇拜後，是日活動完結，亦都意味住聖誕假開始啦。我嘆左一口氣，好彩係學校，唔係嘅話我相信班友一定諗埋哂啲變態野比我同啊螢玩，諗到呢到，我不禁打一個冷震
 
已經升到上中四再加上放完假後就考試啦，所以我亦都要開始發力溫書，向著大學呢個目標進發，所以係呢個假期，我日日都去自修室溫書。
 
十二月二十四日 平安夜
 
連續咁多日去自修室咁溫書，我暫時對於自己嘅進度非常滿意，所以我決定今日係屋企到渡過平安夜
 
點解唔出街? 傻架咩 平安夜又凍又多人，街上情人一對對唔通自己一個或者同四大天王出街咩，不論自己一個定五條仔都毒到唔敢睇，所以我都係想自己一個平平安安咁過左個平安夜
 




去到夜晚，晚飯過後，我係咁禁部電視，都係一啲悶到極點嘅節目所以我就係雪櫃到偷偷拎左兩大罐啤酒到樓下海旁吹下風望下海咁自己一個倒數