(無甜)上天給我的一個玩笑 (新增外傳): (15)

四圍嘅店舖都陸續收舖了，而我望一望手機，距離車仔檔出現既時間亦就到，所以我獨自一人走左去公眾碼頭到吹海風
 
係呢個時候，晏晝嘅畫面都一一浮現出黎…啊螢個個純真嘅笑容，溫暖陽光下嘅啊螢，搞到我真係好想去保護佢…
 
係呢個時候…我思考嘅畫面又一次被打破，不過今次唔係啊螢拍我，而係啊恩打電話黎問我車仔檔出現未，我回神過後望一望四處，檔口都陸續出現，而班女仔亦都好快黎到買野食
 
「唔錯唔錯，算你啦無介紹錯WOR」啊恩一臉滿足咁同我講
 
「我今日仲有食左個芒果糯米糍同紅豆餅呀，仲好食架」啊螢口快快咁講左出黎
 




我的天呀，點解你要講出黎呀…
 
啊恩又一次仇視住我…
 
「咁人地收左檔呀麻，聽日先帶你地去食啦…」唔洗問我都知佢想點
 
「我唔理，我個份要你請呀，唔係後果自負」啊恩撓住手個頭擰去另一邊
 
「嘩…恩姐你咁樣我好難做WOR，請你一個到時全部人都要我請，我咪破產都唔店…」
 




「咁照舊，維他奶!但要比足一星期」啊恩指住全部女仔「同埋聽日要帶我地去買黎食」
 
「得啦得啦」嚇得我一額汗…好彩講數成功
 
呢個時候班男仔亦都黎到買宵夜返去食
 
就係咁樣我地一行30人就好似一支軍隊咁行返去營舍
 
當大家準備返去自己嘅房間時，我拉住啊螢
 




「啊螢呀…」我拎起頭先買嘅擺設「送比你」
 
「吓…做咩送野比我」啊螢打開個袋「咦…個擺設…」
 
「係…呀，你今日望左…好耐個個呀」我講野突然口震震「今次個CAMP…搞到你比人講閒話SORRY呀」
 
「多謝你呀」啊螢又露出真摰嘅笑容「其實我無介意過佢地點講」講到呢到啊螢都面紅起黎
 
我藉住呢個機會拉起佢隻手，將條手繩套入去佢隻手到
 
「老闆娘仲…送左兩條手繩比我，我同你一人一條啦」我都亦戴起手繩
 
呢一刻佢塊面更紅
 
「好呀，多謝你」再一次露出真摰嘅笑容望住我…「夜啦，我想沖個涼訓覺啦，呢兩日玩到好攰，同埋…多謝你…今日晏晝我好開心呀」啊螢揮過手之後就步向房間




 
「聽日見…」我亦都轉身離開
 
係呢一刻我感覺我塊面好熱…所以我走左去公家廁所到洗個面，我一望塊鏡…嘩頂我塊面紅到好似個蕃茄咁…我係咁用冷水洗臉想令自己冷靜落黎，過左一段時間我先至見到自己塊面回復正常