(無甜)上天給我的一個玩笑 (新增外傳): (30)

「咇咇咇」球證吹雞「比賽完結50-21，5B班勝」
 
我地嬴左都無慶祝，即刻換好衫褲就上左班房同盧SIR繼續研究同睇下有咩不足，不斷改善，而女仔方面佢地亦都無出場，因為佢知道我地嘅目標，所以佢地會係我地決賽先出場同我地打氣，一直係到默默咁支持我地
 
我地係往後嘅賽事亦都做同一樣嘅野…就係不斷研究同改善，隊友們經過幾場嘅比賽亦都吸收到唔少經驗打法越黎越成熟多變，我地嘅默契亦都越黎越好
 
雖然我日日都係到研究比賽，好少同啊螢一齊放學食飯，不過佢都支持我體諒我，所以我都好慶幸我女朋友係啊螢，所以我都唔可以令佢失望，一定要嬴到5A班
 
終於去到決賽當日
 




我地班一早就換好哂衫係班房等待賽事嘅來臨，男男女女圍埋一個圈手搭手低頭
 
「大家，我地成個月黎咁辛苦為咩呀」隊長嘅啊軒帶領大家
 
「嬴冠軍!!!」
 
「仲有咩呀!!!」我都癲埋一份
 
「打爆Eric!!!」
 




「仲有呢!!!」主席嘅啊恩都忍唔住
 
「打爆5A!!!打爆5A!!!打爆5A!!!」
 
「夠鐘!出發」由教練嘅盧SIR做結尾
 
「係!!!」
 
成班三十人，整齊嘅球衣整齊嘅步伐向住球場出發
 




A班嘅人已經到齊仲係到熱緊身
 
「5B班?團結?收皮啦，一陣打爆你地呀」小學雞本性難移
 
「大家聽住，今日嘅對手同以往唔同，除左Eric同肥賢係籃球隊之外，其他人都有返咁上下實力，簡單講句高你地一班，不過大家唔洗擔心，我會有方法對付佢地，所以都係個句」盧SIR個樣變一變，變到好鬼惡「同我拎哂你地啲體力出黎同我防守!!!」仲好鬼大聲
 
「收到!!!」
 
「而家講一講出場名單，中鋒啊華，大前鋒啊風，小前鋒啊軒，後衛組合就啊友同城城，其他人唔洗擔心，一定會有你地出場嘅機會」
 
出場前啊軒亦都不忘講句「打爆佢地!!!」
 
成班人又開始叫囂「打爆佢地!!!」
 
比賽正式開始




 
球證一聲吹雞就開始跳球
 
由我拍落黎比左啊軒，啊軒即刻衝入敵陣黎一個三分波
 
「插!」完美穿針，班女仔亦都開始大大聲幫我地加油
 
之後啊軒亦都揚手示意我地埋位防守
 
今次我地防守係人釘人，一個追死一個我就對上肥賢，啊軒就對上Eric
 
開波之後，對方嘅控衛就開始組織，而對面其他人就不斷走位
 
而細粒嘅城城襯對方唔為意偷左個波，仲自己打快攻
 




佢憑住佢自己嘅爆發力殺入敵陣走籃得分5比0
 
我地亦都無做任何挑釁動作，費時佢地一陣話我地出口術，務求要佢地輸得心服口服，
 
入左兩球之後，對面亦都留意到來者不善，開始認真打
 
開波之後對面打左好多快速傳球為主嘅攻勢，除左有打開比賽嘅我同啊軒跟得上之外，其他人都跟唔上，勉勉強強我不斷補位防守，啊軒不斷進攻，雙方分數都先至唔會差太遠，不過而家比分係27:30，我地落後三分，半場休息
 
「大家都打得唔錯，一陣間，啊慈同啊明落場，啊軒你同城城休息」盧SIR拍拍手鼓勵我地
 
「吓!點解我要落場休息?，而家都係靠我先拉住比分…」啊軒有點失望
 
「就係因為你係主力你先要休息，最後十分鐘，你加埋城城同我盡情爆發啦」盧SIR拍一拍佢博頭
 
城城指住自己「吓?我?」




 
「係呀!信我啦」盧SIR拍自己心口
 
呢個時候啊螢走過黎
 
「攰唔攰呀你」啊螢比左支水我，仲幫我抹一抹面上嘅汗「頭先見你跑動左好多喎」
 
「唔辛苦，都去到呢個時候，我點都要打嬴佢地」我一路講一路抖大氣
 
「咁你加油啦」啊螢拍一拍我膊頭
 
「嗯」
 
休息過後又開始比賽，對面A班一個人都無換到，仍然都係先發五虎
 




開波之後，對面仍然都係打傳球為主嘅攻勢，不斷走位，不過佢地嘅速度明顯慢左
 
係呢個時候，啊慈已經睇穿左佢地嘅模式，就係咁將個波偷走，衝上前打快攻，成功得手，分差只剩一分
 
而佢地速度減慢左，啊華亦都跟上佢地嘅動作，成功守住佢地嘅攻勢
 
不過對面想守住佢地一分嘅優勢，亦都急速回防，我地打唔到快攻
 
呢個時候就係啊明表演啦，我先做一個單擋，等啊明可以擺脫對方嘅防守，啊友亦都即刻傳比啊明，黎一個三分波
 
打板入網，領先兩分
 
「好波」場邊嘅啊軒大叫
 
不過係呢個時候Eric同肥賢好似發左癲咁，兩個人不計力氣不斷單獨突破，個情況就好似一隻餓左好耐嘅狼咁