(無甜)上天給我的一個玩笑 (新增外傳): (29)

去到訓練當日，大家都去到球場換好哂衫褲，熱定身準備開始練波，係等盧SIR期間我同啊軒都係到講解一啲籃球嘅規則比大家聽，大家亦都好留心聽
 
「大家都黎齊啦?」盧SIR呢個時候亦都步入球場「熱好哂身就準備練波啦喎」
 
一開始都係安排一啲基本功比其他同學練習，而我，啊軒同盧SIR就係到研究對手同係到諗練咩戰術會比較適合我地隊球隊
 
「好!大家停一停過黎」盧SIR拍拍手咁叫大家集合「岩岩啊軒同啊風都講解過籃球嘅規則比你地聽架啦，而家我就講一講解我地嘅戰術出黎，大家留心聽住，因為每一個人都會有機會落場，只要你打得唔好就會比我調走，大家明唔明白」
 
「明白」軍隊MODE啟動
 




「基於你地咁多個除左啊風同啊軒其他人都係好少甚至未接觸過籃球嘅，所以我地嘅戰術就係防守!拼命式防守!要不惜力氣嘅防守!而家繼續練下基本功先」
 
「知道」
 
講解過後，就由我呢個防守達人去帶領一半嘅人去訓練，而啊軒就帶領剩下嘅人去學習進攻手法
 
半個月之後，大家都略有所成
 
擁有身高優勢嘅啊華就已經學識點樣係籃下卡位，搶板，同少少嘅低位進攻
 




平時係足球隊負責分波嘅啊友亦都比我地打造成控衛，負責帶領進攻
 
身高較矮嘅城城原來本身有好強嘅爆發力，所以我地亦都教佢打快攻
 
平時小出聲嘅啊明學識左射姿之後亦都越黎越準，隨時殺人地一個措手不及
 
而啊慈呢身手都略有成果，不過佢擁有好強嘅觀察力，一陣就可以睇穿人地打咩戰術，所以就球員同軍師兩樣兼顧
 
呢一隊球隊大家所屬嘅位置亦都成左形，而家只係練一下默契就可以挑戰其他人
 




所以係未來半個月練習量亦都加倍，除左基本功同體能，仲要實習一下戰術嘅運用
 
係開賽前一星期…
 
「啊風啊軒你地睇左未呀?」啊螢走過黎「抽籤結果出黎啦」
 
「睇左啦」啊軒即刻答「我地要打到上決賽先會同佢地碰頭」緊握雙拳「我好想即刻就打爆個Eric」
 
「唔洗心急，咁樣咪仲好，比我地班隊員吸收下實戰經驗」我拍一拍啊軒
 
「到時你地一定要加油呀，打嬴佢地」啊螢都幫我地打氣
 
「一定」我同啊軒異口同聲
 
時間又去到比賽前兩日




 
「大家過一過黎」盧SIR召集「好啦，大家練左成個月，技術都越黎越似樣啦，後日就開始比賽啦，大家一定要努力，嬴個冠軍返黎」
 
「好!!!」軍隊式叫囂
 
「今日到此為止，唔好自己加操啦，好好休息恢復體力，後日正式開波」
 
「係!!!」
 
就係比賽當日，我地全隊人換好哂訂造嘅班球衣，列隊式入場，四圍嘅人都感覺到我地嘅殺氣，對手只係低我地一年嘅師弟，睇佢地個樣只係抱住志在參與嘅心態，無我地班咁認真，所以唔好意思啦
 
「你地班友懶團結呀???訂哂波衫咁打比賽?，型啲架?」Eric又黎做小學雞「去到決賽咪又係輸比我地，呀，SORRY，你地入唔入到決賽都係問題呀，哈哈哈哈」
 
我地依然唔理佢，由佢繼續做佢嘅低能仔