(無甜)上天給我的一個玩笑 (新增外傳): (32)

「乾杯」大家高舉汽水
 
「痛快呀」啊軒放低佢支汽水「係盧SIR英明領導下，嬴左個隻小學雞，睇下Eric仲會唔會係到串串供」
 
「咁囂張呀拿，底佢死」城城一吐烏氣
 
「你地記得嬴左都唔好係到係咁串人呀，唔係同佢有咩分別」啊恩不忘提點我地
 
「我先唔會好似佢咁無聊」啊華一路食一路講
 




「今日咁開心唔好提佢啦」啊友係咁食
 
嘻嘻哈哈，大家開開心心係咁食食食講講講同飲飲飲，期間仲不斷係到傳比賽時嘅相，係呢一刻，我真係好愛呢一班人，中學呢兩年可以話係愛情、學業、友情三得意，但願能夠一直維持下去
 
籃球比賽就係咁樣落幕…
 
大家飲飽食醉之後，我就送左啊螢返屋企
 
「啊風你今日好勁呀」啊螢拖實我隻手不過係咁前後搖「你一個人就帶領住成隊人鎮守住自己嘅營地」
 




「係咩，不過可惜，我唔夠體力打足全場，美中不足」我自己有少少失望
 
「唔緊要啦，最後都嬴左啦」
 
呢個時候啊螢個電話響起
 
「喂…啊媽咩事呀…啊風係到呀，洗唔洗我比佢聽」啊螢比左個電話我
 
「喂」我接過電話
 




「啊風呀?伯母呀，可唔可以比你父母嘅電話我呀?我有些少事想拜託佢地呀」
 
「哦，好呀，係XXXXXXXX」
 
「同埋呢你可唔可以上一上埋黎呀」
 
「好呀，無問題呀」
 
「啊媽講咩呀」我比返個電話啊螢
 
「無呀，叫我上一上去同埋問我啊爸啊媽電話」
 
「咁我地快啲返去啦」啊螢拉住我
 
「知啦」我亦都急急步行




 
「唔該你呀，麻煩哂」係啊螢屋企傳出伯母嘅聲音
 
「媽媽，我返黎啦」啊螢打開門
 
「伯母」我點點頭
 
「上得黎岩啦」伯母亦都收左線「啊女，你去執幾套衫啦，黎緊幾日你會去啊風到住一陣先」
 
「吓!?咩事呀」啊螢眼都突埋
 
「祖屋個邊有啲事，啊嬤想我同啊爸返去處理下，唔知要幾多日先返到黎，咁你不如去啊風到住下先啦，我怕你悶呀」
 
「哦…咁我而家就要過去?」啊螢慢慢行入房都執野
 




「係呀，我聽朝一早就出發架啦，我同啊風嘅父母已經講好架啦」伯母望住我「啊風麻煩你照顧啊螢一陣啦，你父母都同意左架啦」
 
呢一個係一個好機會比我填補返係比賽個段日子少左同啊螢相處嘅時間
 
「哦…好呀，唔麻煩，而且我啊媽已經當正啊螢係我老婆啦…」
 
「哈哈，唔該你地呀」伯母拍一拍我膊頭「我都已經當正你係我女婿架啦」
 
「哈哈」我除左笑，我唔識應
 
「行得啦」啊螢拎左個大袋出黎
 
「等我拎啦」我一手拎左個袋
 
「唔該你」啊螢亦都撓住我隻手




 
「哈哈，好有夫妻相呀」伯母笑到見牙唔見眼「咁啊女呀，我返黎就會搵你架啦，記得係人地到乖乖地啦」
 
「知道啦，BYEBYE」我同啊螢都步出門口
 
經過今日場賽事同慶功宴後，我地都好攰，所以亦都好快就返左我屋企
 
「媽，我返黎啦」我打開門
 
「啊媽，我黎左啦」啊螢好輕盈咁跳入黎
 
「啊女，你黎左啦」老媽不單只無視我，仲撞開我「咁耐無見比我睇下有無瘦到先」
 
「…」我安放好啊螢嘅物品
 




「哈哈哈哈」我老豆都係係到傻笑
 
「喂衰仔」啊媽望住我
 
「得得得，我訓廳」我舉手投降咁嘅款
 
「算你識做，黎黎黎，啊女你今日都攰架啦，快啲去沖涼休息下，聽日啊媽同你出街」啊媽拎出佢已經執好比啊螢嘅日用品
 
「洗唔洗咁快呀…」我一面無奈
 
「話左你啊媽好鍾意女架啦」老豆繼續傻笑「而家佢開心啦，可以一償心願去湊女啦」
 
「啊媽呀，唔洗咁麻煩啦，我同啊風訓都得架」啊螢講完呢句有啲面紅
 
「唔得」啊媽啤住我「個衰仔一定會蝦你，完左中學先準做呢啲野」
 
「…」我無言
 
正當啊媽照顧緊啊螢個陣…我已經行入房拎我啲枕頭個啲野出廳
 
「衰仔，你又入去做咩呀」老媽叫入黎
 
「拎枕頭個啲野出黎囉」我大叫返出廳
 
「拎哂出黎啦」
 
「…」有無咁快呀…
 
「啊仔，你啊媽收到電話之後呢，就以九秒九速執哂你啲野出黎架啦，係爭個衣櫃未搬架啫」老豆又係到傻笑