(無甜)上天給我的一個玩笑 (新增外傳): (33)

係呢一晚我同啊螢都好快訓左，因為經過今日咁多事之後大家都好攰…
 
好彩聽日係星期六，大家都放假可以訓晏少少，不過…少訓梳化嘅我就訓得唔慣，好早就起左身…
 
「衰仔，醒左啦?」老媽係廚房煮緊早餐
 
「係呀」我打住呵欠咁抓頭
 
「快啲去刷牙洗面，你好彩啊螢係到我先煮埋你個份早餐」
 




「…」我再一次無言咁行入廁所
 
「啊仔呀，今日我要帶啊螢出街，你都要跟埋黎」
 
「哦…」而家老媽唔係詢問我，係通知我…
 
過左無耐啊螢都醒左啦
 
「啊媽早晨呀…」啊螢慢慢行出黎「嘩…咁多早餐嘅」
 




早餐多到好似自助餐咁
 
「係呀，唔知你鍾意食中式定西式呀，所以咪煮哂囉」老媽笑到四萬咁嘅口「快啲去刷牙食野啦，今日我要同你出去行街」
 
「好呀」啊螢好開心
 
可能係因為早排我唔係溫書就係準備場比賽嘅關係，我都好耐無同啊螢去行街
 
老媽帶左啊螢同我四圍行，係咁揀啲衫比啊螢…
 




「黎黎黎，啊女快啲去試衫」老媽又拎左幾件出黎
 
「啊風，好唔好睇呀」「呢件呢」「呢套又好唔好睇呀」啊螢係咁係個試身室出出入入
 
而我亦都幫啊螢執左好多次個造型，最後終於揀好左啦…
 
牛仔短褲露出修長又直嘅美腿，橫間條T-Shirt，再加一件螢光黃嘅風褸，完完全全展示哂啊螢嘅活力形像
 
「靚哂」老媽都好同意，仲急急腳咁去左比錢
 
「啊媽呀，等我比啦」啊螢亦都拎左個銀包出黎
 
「傻女黎嘅，啊媽送比你，等你遲啲再黎住個陣都有衫著呀」老媽禁住啊螢隻手唔比佢拎銀包「一係咁啦，我係衰仔啲零用到扣」
 
「…」我知我係無出聲嘅餘地




 
「咁呀，多謝啊風」啊螢好滿意呢個解決方法
 
「唔洗」送套衫比女朋友啫好平常
 
「黎黎黎，買完衫，陪啊媽去睇戲」老媽又戲癮發作…
 
「好呀」啊螢好似個細路女咁
 
「衰仔望咩呀，拎野啦」啊四MODE被強制啟動…
 
入到戲院全程我都係訓著左…因為我琴晚真係訓得好差…
 
「啊風起身啦」啊螢推我
 




「做完啦?」我都醒左
 
「係呀，返屋企啦」老媽拍一拍隻腳都起身
 
係返屋企嘅途中，啊螢同老媽不斷咁傾頭先套戲…我全程都訓左當然係搭唔上嘴啦，不過見到老媽個樣的確係好開心，至少係將來我有一樣野唔洗煩，就係婆媳糾紛
 
晚飯過後，玩左一大輪嘅老媽就已經係梳化到訓著左，正當我想叫老媽返房訓嘅時候…
 
「唔好搞醒你啊媽啦，佢今日都攰架啦」老豆抱起左啊媽返入房，仲幫老媽蓋埋被
 
「嘻嘻，啊風都試過咁做」啊螢見到都係到偷笑
 
「啊仔今晚你去洗埋啲碗啦，今日做左成日野我都好攰」老豆好似條軟皮蛇咁坐左係梳化
 
「我都黎幫手」啊螢好似啲小學雞咁舉哂手




 
「今日玩得開唔開心呀」我拎起一對膠手套比啊螢
 
「開心呀，啊媽真係對我好好」啊螢笑得好真「你今日好攰咩，咁都可以係戲院訓著」
 
「唔知呢，好似完左個比賽啲精力就咁用哂」我嘆一口氣
 
「一陣間我幫你按摩囉」
 
「你識唔識架」我好懷疑
 
「陣間你咪知囉」
 
「哈哈」老豆唔知幾時又企左係廚房門口「我唔阻你兩公婆啦，我都去刷牙洗面訓覺」
 




「…」我無言，啊螢就係到偷笑
 
「啊螢呀，呢幾日可能辛苦你啦」我笑一笑「老媽佢真係好鍾意你，可能日日捉你陪佢出街」
 
「唔緊要啦，啊媽開心就得啦」
 
「咁不如聽日，我地偷偷地出去拍拖啦，好唔好」我撞一撞啊螢
 
「好呀，但係你唔怕啊媽…」
 
「我就係驚佢之後日日霸住你，我地無得二人世界呀，同埋聽日老豆都放假啦，老豆都可以陪佢架啫」
 
「又好」啊螢笑到好似得個幾歲嘅細路咁
 
「衰仔搵我過橋」老豆又唔知幾時彈出黎
 
「嘩老豆你嚇死我咩，你唔係去左訓咩…」我比老豆嚇一嚇
 
「過黎飲杯水唔得咩，聽日你地放心去二人世界啦，我同你媽都去下二人世界」
 
「有你呢句我放心啦」我又吸左下大氣