(無甜)上天給我的一個玩笑 (新增外傳): (38)

求婚成功之後，我地亦得到所有人嘅祝福，班主任更加好似開心到佢嫁女咁嘅款，我同啊螢亦都成為左班上面最早結婚嘅一對，令到所有女生都非常之咁羨慕
 
晚會過後我同啊螢上左去伯母個邊講返呢件事同埋表達我計劃中嘅婚禮，而世伯伯母亦都唔局限我地，由得我地自己決定點樣進行自己嘅婚禮
 
返到屋企之後我亦都同老豆老媽講哂成件事
 
「衰仔，今次威返次啦」老媽係咁拍我個頭…
 
「唔好拍啦，痛呀」我係咁擋
 




「哈哈哈哈，我要抱孫」老豆繼續傻笑
 
啊螢面紅了…
 
沖涼過後我同啊螢亦都返左入房
 
「老公呀，咁你諗住我地個婚禮點搞呀」啊螢撓住我隻手
 
「我就諗住去旅行結婚」我摸一摸啊螢嘅秀髮
 




「好呀，我好想去外國嘅教堂呀」啊螢一面興奮「好浪漫架」
 
「你想去，我咪帶你去囉老~~婆~~~」我同佢頭碰頭
 
「老~~公~~」啊螢笑得好甜好真
 
第二日我就同啊螢去左註冊處到登記結婚，不過只係係雙方家長見證下簽紙，之後嘅日子我都努力工作，為我同啊螢嘅旅程儲好洗費，係同事嘅介紹下我亦都選擇去浪漫之國─法國，去影我地嘅婚紗相
 
啊螢穿起一身純白色婚紗，完完全全將佢嘅氣質呈現出黎，身穿一身純白色西裝嘅我更係望到呆左，果然結婚個一刻嘅女生係全世界最靚架…
 




我同啊螢係法國嘅教堂到影左好多好多好多一生人得一次嘅結婚相，每一張啊螢都顯出好幸福嘅笑容，而呢個時刻亦係我一生人笑得最燦爛嘅日子
 
返到香港之後，生活亦都如常我地兩公婆如常日日返工，雖然我地嘅愛情無人地咁激，但我地仍然好享受呢種細水長流嘅愛情，每日返工出門前親吻，放工後互相鼓勵，假日四處遊玩
 
一眾好友亦都好羨慕我地，由其啊恩為首嘅個班女仔，經常問我地幾時生小朋友，個個爭住做契媽…
 
十年後，經過我同啊螢嘅打拼，我地亦都擁有自己嘅安樂蝸，所以我地亦都決定生小朋友，雙方家長固然開心啦，但最開心個個始終係我，每當我諗起做爸爸嘅時候我都經常不斷傻笑，十足我老豆一樣
 
「傻佬，成日係到傻笑」懷住六個月身孕嘅啊螢撓住我手臂
 
「諗下都開心啦，遲下就可以同你仲有啊B一齊去行海旁散步，呢個亦都係你以前最想做嘅事啦」我望向海旁嘅遊樂場
 
「哈哈，我都好期待呢一日」啊螢挨埋落黎我個膊頭到
 
過多三個月，離啊B出世嘅日子越黎越近，而我亦都向公司請假專心去照顧即將分娩嘅啊螢…