(無甜)上天給我的一個玩笑 (新增外傳): (39)

啊螢被推入產房後
 
「老公，我好驚呀」啊螢驚到流哂眼淚
 
我捉實啊螢隻手「唔洗驚呀，我係到呀」
 
「黎，出力啦」醫生亦都鼓勵啊螢
 
「呀!!!!!!!!」經過唔知幾多個鐘嘅努力，終於聽到BB嘅喊聲
 




「恭喜你呀，你生左個女呀」護士將岩岩出世嘅啊女交比我抱
 
「比我見下個女」啊螢分挽完後把聲非常虛弱
 
呢一刻我將啊女放係啊螢嘅身邊「啊女個樣好似你呀」
 
啊螢望住啊女，眼淚不斷流下「永螢…啊女叫永螢好唔好呀」啊螢把聲非常虛弱
 
「好呀好呀」我攬住啊螢同啊女同啊螢頭碰頭
 




突然啊螢就暈左過去，我內心非常之驚
 
「醫…醫生，我老婆佢做咩暈左呀」我即刻叫醫生
 
護士亦都將啊女抱走去孕嬰房
 
「先生你出返去先，我地會處理架啦」其他護士亦都請返我出去
 
「啊仔，啊螢點呀，生左係仔定女呀」老媽非常緊張
 




「生左個女呀，但係啊螢突然之間暈左呀，我就比護士請左出黎啦」我一面慌張
 
岳母聽到呢到之後面色一沉之後就好細聲咁講左幾句野
 
「岳母，做咩你咁嘅樣，你係咪知道啲咩」我好緊張咁捉住岳母
 
「嗯…其實啊螢佢…」岳母嘅淚水開始出現「佢嘅心臟比一般人弱…根本唔適合懷孕…之前我同啊螢檢查嘅時候醫生都話佢隨時都有生命危險…」
 
岳母講完呢句之後，我嘅淚水瘋狂流下，內心都開始自責起來
 
過左唔知幾耐，醫生亦都出左黎
 
「好抱歉…我地已經盡左力啦」醫生亦都低頭望地下
 
就係呢一日，上天比左一個我生命中非常重要嘅女我，同時亦都奪去我一生中最重要嘅女人─啊螢，我心情由如被捧上天再狠狠咁噠落地




 
我入返去產房，望住已經面無血色嘅啊螢，我嘅淚水由如被打開嘅水龍頭一樣…淚流滿面…我亦都忍唔住跑左出醫院外，跑左唔知幾遠…
 
個天落著傾盆大雨
 
「哈哈哈!哈哈哈!」我跪地痛哭著「呀!!!!!」發出如鄭嘉穎一樣的咆哮聲
 
「點解呀! 點解個天要咁玩我呀。」
 
「點解呀!點解你要拎走我呢個一生最重要嘅人呀…」我向天大叫後伏左係地下
 
「啊仔呀，你唔好咁啦」老媽亦都追左上黎「啊螢都唔想你咁架」老媽亦都淚流滿面「你仲要湊大你地個女架」
 
我被無情嘅雨水拍打左唔知幾耐之後，亦都由家人嘅陪同返左屋企