廢青於中世紀魔法世界的生存法則: 20, 賭博既途中更改已經落左既賭注真係非常無品

魔杖無反應，三葉亦都無反應。
「喂喂！會唔會太傷害我自尊？」

「嘎？果種野你有架咩？」
先唔講我現實世界係咪真係無朋友，黎到呢到同我比較熟既好歹都有雪菲兒，連佢都唔計係朋友？
「嘖………」以我手頭上既資料，我又可以做出乜野肯定唔會錯既陳述呢？

其實唔難。
「你係掌管植物既龍。」





呢句係三葉係遊戲開始之前講既，而且第一回合果陣森宿亦都無講過，所以肯定無錯。
「嘿嘿，太易玩了。」

「你沒有朋友的原因……是你性格問題吧？」我沾沾自喜左半秒都無就被森宿迅速秒殺。


「你仲講！」

「這是遊戲規則，我也無辦法。」仲要扮無辜！
「咁囂張丫嘛？你老母係公廁！」





「噗！」三葉不禁笑出聲，佢魔杖上既光球並無變成紅色。
「伏－－－－－」「ＢＬＥＳＳ　ＯＦ　ＴＨＥ　ＡＲＫ」「兵－！」

「二比二。」
「好大的狗膽，竟敢稱呼吾母為公廁！」森宿再次四足站立，此外四周亦捲起一陣強風。

「遊戲規則，我都無計，鬼叫我講既野係事實。」
相傳Oppa係『龍降』之後就一直沉睡於大地之中，一千二百年黎以繁殖為己任既瑞亞又點會安心「守寡」？除此之外森宿提過自己兄弟姊妹數量多如天上繁星，你老豆有無咁有本事？
最最重要既係，我好想用呢句黎鬧下佢，反正我輸左出事既都只係三葉。




「森宿你冷靜啲……」

「這雜種出言侮辱我母親，我豈能冷靜？反倒是你反應太過冷淡。」

「因為我覺得佢講既係真話。」

「豈有此理……」
三葉同森宿究竟係乜野關係，點解我覺得佢老母係公廁佢就發癲，三葉覺得佢老母係公廁佢就要忍氣吞聲？
「我要求改變賭注。」森宿道。

「唔一定應承你，不過你講黎聽下。」

「玩到一半先黎話改賭注，輸打嬴要？」

「我現在跟你的分數是二比二，誰也沒有優勢；而且下一次要作出陳述的亦是我，與遊戲開端一樣。」





「你有道理，你想點改？」三葉竟然同意！

我總有不詳預感。
「我不需要你了，現在比起你，我有更想要的東西。」

「呵？不惜賭上『森之觸』都想要既野？」

「這雜種的狗命。」
我都估撚到！
「好，好呀。」三葉輕鬆答應。

「喂！你有無諗下我既感受？」

「頭先你話佢老母係公廁果陣又有無考慮到我？」我答佢唔到。




我係咪中左天仙局？由一開始呢兩條友就夾埋黎做我！

「我唔玩喇，走先，拜拜！」
我轉身就準備離開，豈料四周已被樹根組成既高牆重重包圍。

「我要殺你易如反掌，你尚生存的原因就只因為你尚持有那東西。」
此時，我一直袋住既寶玉發出強光，並飄浮於半空之中。
「既然賭注唔係我的話，粒玉都無比你保管住既意思。」三葉伸出手，寶玉緩緩飄至三葉手掌之上。
「即係由一開始你已經估到事態既發展？」我問三葉。

「傻啦，我邊有咁神通廣大。一開始比粒玉你袋住的確係想確保你既安全，之後既野我都係順水推舟。」
「順水推舟？你會唔會太謙虛，你依家係自己傳波比自己喎！」

「雖然唔知你講緊乜，不過多謝你既稱讚先。」
今次真係中左個世紀大伏，太一你快啲派戰鬥暴龍獸黎救我！




「等等，若果我又講啲野出黎激嬲左佢，佢又攻擊我咁點計？到時我人都死左場勝負仲有咩意思？咁佢咪嬴硬？」

「你放心，我脾氣很好。」森宿道。

「根本就無說……算……」我驚講完出黎佢又一鞭落黎，我依家無左寶玉護體唔可以亂咁講野。
「放心，若果咁既情況真係發生……」三葉拍拍心口續道：「我會幫你報仇！」

「屌！」
「雖然事件演變成咁，但係我仲企響你果面，嘉穎你要加油！」

呢條友講既野亦都同樣無說服力。

「少年，你現在眼前有兩條路。一，不玩，死路一條。」

「又或者係玩，咁你都仲有一線生機。」森宿同三葉一唱一和，好難唔覺得佢地係扯貓尾。




「好，死就死。放馬過黎！」

表面上遊戲規則無變，實際上任何暴力行為，均當一次錯誤一條對雙方已經無意思。
即係我要係唔激嬲佢之餘令佢作出錯誤陳述……會唔會太難玩？