我坐係木椅之上望向窗外。

呢個窗位於屋既背面,而窗外完全無燈光,所以我根本唔知出面有乜野。
「乜野都無既……同你個腦一樣。」

「唔似你果面咁,成間房都係多餘野,同你個腦一樣。」

「你就多餘。」

「係係係。」我懶得繼續同佢唇槍舌劍,所以求其敷衍下佢就算。




其實我幾鐘意呢間房既風格,就算係香港,我間房收埋最多既都係輕小說呀、Figure呀、BD呀、CD呀等等既無謂毒野,而係白石呢到我就無呢啲毒野,亦即係唔需要放野既地方。
簡約就是美,除左美之外,打掃亦都十分方便。

作為一個係社會底層苦苦掙扎既毒撚,我那有錢請賓賓幫我打掃,你老母。
換而言之我係要自己間房自己執,但係作為毒撚我又最討厭體力勞動,矛盾,人生就係充滿住矛盾,而依家呢個深層次矛盾就咁化解左,無比既和諧!
「睇黎你已經決定好要邊間房。」

「男人老狗有張床咪得。」

「咁你求其係街外面搵張長凳露宿都得啦。」





「半夜三更你係咪要搵交嗌……」有時對住我個細妹無理取鬧,我都會拎出僅有既男性尊嚴出黎振下兄綱,不過結果通常係將罵戰升級成實戰,我被單方面拳打腳踢既實戰。

「Sorry。」忽然聽到英文我感覺有啲突兀,但係一諗返起英文等於龍語就覺得好似合理番。「我以為你會鐘意呢種互動。」
由於本能影響,本身我係做左被人毆打既心理準備,但係對方既回應比我想像中更軟弱,令我頗為意外。三葉比我既印像似係一講唔岩嘴型就郁手打人既果類人,又稱實妹。
「…………」

「我訓先。」三葉離開時不忘關上房門。

「哦。」我對已經關閉既木門說道。




夜闌人靜又未想訓,到底做乜好?

難得依家電話叉電方便咁多,當然係拎部電話出黎把玩兩下先!
黎左白石十幾日一次丁都未打過,仲唔拎啲珍藏出黎睇下?
你地可能會奇怪,點解我會將啲甜野放電話咁危險。

嘿,我只能笑你地既無知。
我屋企四百幾呎住左四個人,要打J真係好唔方便。

我地界牆只係用木板同埋櫃,即係完全隔唔到音,但若果戴耳筒黎J的話,又好難耳聽八方,隨時一射果下個妹就打開門,若果射親佢的話我可以即刻執包袱走。
「嘻嘻……」久旱逢甘露既喜悅。

之前部電話叉電咁唔方便,平時根本唔會拎部電話出黎亂用咁揮霍。

我望住右上角叉到滿既電源,然後掏出同樣叉到滿既巨龍。




「嘉穎!」三葉忽然大力開門。

「嘩!!!」此時既我係褲子半脫,左青龍右唉瘋既狀態。
媽,我比人睇蝕晒,以後都嫁唔到人喇!
三葉見狀立即關上木門,然後於門外低聲問:「我可以入黎未?」
我著返條褲之後主動走去開門。
「你下次入黎之前敲門得唔得?」

「………哦……」三葉臉頰染上一抹淺紅。
「所以,你不惜壞我大事都要搵我,請問所謂何事呢?」如果我又避開唔講,呢個老尷既情況會變得沒完沒了,考慮到我之後仲要被迫同呢個八婆合作,都係我自己拆左個局佢好啲。
「我頭先感受到魔力……我以為有危險,所以先……」

「梗係啦聰明人,我開左電話黎用呀!」

唔通我條巨龍係MP槽咩,你當我係衛宮士郎呀?呢個故唔係甜故黎架!




係我完美地拆左個H本常見開頭之後,三葉既好奇心並未減退。
「考慮到以後既合作,我都係想了解下你既魔具可以做到啲乜。」

「睇到咸書呀,你係咪要同我一齊睇呀?」
「雖然我唔知你口中既咸書係乜……但係你既顏色非常下流……」

「我唔止思想下流,我下半身都流緊液添,你係咪想睇下呀?」我作狀想除褲。
三葉立即以厭惡既表情還擊:「不必了,就算你除左褲我諗我都唔會睇到啲乜。」

「你又知?你頭先見到?」

「………………」三葉眉頭皺起,臉頰變得更紅,而且一副急到講唔到野既樣。
平時牙尖嘴利既三葉一講到呢啲話題即刻變返少女,哈哈哈!我搵到佢既弱點喇!

少女調頭就想離開我房間,我乘勝追擊一手捉住佢手腕。




「做乜走得咁急,唔講多幾句先?」

「唔……唔好用你隻手掂我!」少女發出好似見到老鼠或者蟲蟲一樣既尖叫聲。
「哈哈哈哈…………嗚哇!」八婆你落咁重手!

「Weight of Alpuartz」唔知幾時開始八婆既另一隻手已經緊握土豪魔杖。
呢招應該就係頭先蘭卡特比人搞到一棟都無既招式。
我依家就好似比十幾個肥婆扎住咁樣攤左係地板上面!

「放開我呀八婆!」
「Watazumi no Mizu」

一條橫切面面積好似DVD咁大既圓柱型瀑布係三葉旁邊上現,水流由上方既魔法陣跌至下方既魔法陣然後憑空消失。
三葉將頭先比我掂到既果隻手放入水流裡面沖刷左三分鐘咁耐,而呢三分鐘我依然被十幾個肥婆扎住。
「你可以唔講。」依家唔係事必要你講。





「但係你唔講既我就唔解除個魔法。」但係你唔講我就直接用刑。
三葉大小姐,香港有份工好適合你。
「講乜?港女?哈哈哈哈哈!」原來佔女仔便宜係會上癮。

三葉打左一下指響代替回答。
「嗚哇-----」

扎住我既肥婆數量增加左一倍。
「放心啦,你好清楚我殺你唔到。」

「呢個設定又幾方便喎……」

「莫非你係被虐狂?受到咁既刑罰都仲咁多廢話講……」

被虐狂既概念你地反而有?呢個究竟係乜野世界?
少女從我手中執起部電話,然後檢視:「矣,原來你鐘意呢種類型。」

「不如我地返正題啦好嘛?」

三葉就好似一早就已經識用電話一樣,繼續掃芒檢視,直到掃左幾下之後……
「…………下流…」

咦?點解我會有生理反應既?

一定係比啲肥婆壓住太刺激先搞到咁……等等,唔通我真係個被虐狂?
已有 0 人追稿