《我跟她的完美遺憾》: １
我今年中五升中六，平時既興趣同一個普通男仔一樣，室外既就鐘意打下波，室內既就鐘意打下機。但為左增加收入，我都有返兼職既習慣。
成績？中等啦，唔會係全級第一，亦唔會系全級最尾（好似講完=冇講）。屋企人對我既期望？都大嫁，得我一粒仔，個個都望子成龍嫁啦，所以入大學？我細細就聽過嫁拉。
而我，係學校都算係一個中規中矩既人。平時都唔會遲到早退唔返學，即使好眼訓，都會抱住「將個人搬返學校先繼續訓」既心態，以保持我係學校既出席率。
我份人冇野叻，最叻既咪個樣囉，青靚白淨，好聽d就叫成個洪卓立咁，難聽d唔講以為岩岩出院，冇乜血色咁。
過左一個漫長既暑假，您問我做過d咩？
溫書....就奇啦，中五升中六係中學生涯最後既一個暑假，我梗係要留返比我最愛既籃球同電腦，仲有為左錢先返既工啦。
但開心既時間總係過得特別快，聽日就係世紀學校即將上映既災難片—9月1日，同911既死亡同影響人數有得揮。
都係早d訓，迎接災難既一日吧。
但由於耐耐冇返學，就連返學幾點都唔記得，唯有問下班group d人啦。開左wtsapp，碌下碌下，個個最後上線吾係11點就12點，一個二個都訓？唔係掛，中六姐，洗唔洗好似軍訓咁，12點前上哂床訓哂教。
算，唔系8點05就8點10分打鐘嫁啦，較定7點15分實冇死啦。